yuddhapot raajanaya

jarman ganabot diplomaisi ka prasiddh udaaharan : S M S painthar

antararaashtreeya raajaneeti mein, nausainik shakti ka pradarshan karke videsh neeti ke lakshyon ko praapt karna yuddhapot raajanaya (gunboat diplomacy ya ameriki itihaas mein "big stick diplomacy") kahalaata hai. doosare shabdon mein, seedhe yuddh ka bhaya dikhaakar apni baatein manavaana yuddhapot raajanaya hai.

parichay

raajanaya ke kai tattv hain jaise neeti, karmachaareegan, raashteenya charitra aadi. lekin in sab tattvon mein shakti ka tattv bahut mahatvapoorn hai. ye tattv uddeshyon ki praapti mein prabhaavi saadhan ke roop mein kaam karte hain.raajanaya mein shakti ki bhoomika nirntar evam sthir (Constant and Conditioning) hai. anya baatein samaan rahane par ek raashtra ki aarthik evam sainik shakti usaki sammelan mein safalta ki paryaapt gaaranti hai. shakti ne vaarta mej (Negotiation table) par raashtron ki apratyaksh roop se sahaayata ki hai. yeh raashtra ko apne vishesh daavon ko aage badhaane mein sahaayak ho sakti hai athva doosare raashtron ke daavon ka virodh kar sakti hai. fraidrik mahaan ke anusaar, shakti ke bina raajanaya ki sthiti usi prakaar hoti hai jaise sangeet ki uske yantron ke bina (Diplomacy without arms is music without instruments) . raajanayik vaartaalaap mej par sainik shakti ki dhamaki damokaleej ki talavaar (Sword of Democles) ki tarah kamjor dhaage se lataki rahati hai. vaartaakaaron (Negotiators) ko hamesha hi virodhiyon ki taakat ki maatra ko dhyaan mein rakhana padta hai. shakti ke bina raajanaya ka kshetr vaastav mein seemit hota hai. aadhunik shabdaavali mein kuchh vidvaanon ne shakti shabd ke sthaan par raajya ki saamarthya shastragruh (Capability arsenal) athva raajaneetik sambhaavit (Political Potential) shabd ka prayog kiya hai. Stefan bee0 jons ne is shabd ko vyaapak arth ke roop mein istemaal karte hue 'raashteenya yuddh kaushal' (National Strategy) kaha hai.

shakti ke bal par pratishtha evam gaurav nirbhar karta hai. spasht roop se yeh shakti se sambandhit hai. ek raashtra ki vishv maamalon mein garima uske shakti ke liye pratishtha par nirbhar karti hai. pratishtha bhi spasht taur par uddeshyon mein hai jinka raajya peechha karte hain. ek raajya jiske paas paryaapt pratishtha hai vah taarkik roop se nishchit hota hai ki anya raajya uske aridhkaaron evam hiton ka atikraman naheen kar sakatein. vah anya raajyon ke sammaan ko bhi praapt karta hai.

antarraashtreeya samaaj antatogatva shakti se shaasit hota hai. vishv shaktiyaan bhi svatantr agent naheen hai. shakti raajaneeti ki vyavastha mein bhautik shakti ke prayog ka bhaya sada bana rahata hai. sarvochch raajyon ki sashakt senaaon ke astitv maatr se hi ve aisi paristhitiyon mein samjhauta kare jinmein aksar raajanayik vaartaalaap karne vaale paksh asahamati prakat karte hain. agar is prakaar ki dabaav ki raajaneeti ka virodh kiya jaata hai to is uddeshya ki praapti ke liye sashastr senaaon ko vaastav mein hi shakti ka prayog karna chaahiye. iske vipreet agar raajya ke paas uchit sashastr sena hai to vah is tarah ke pratibndh ka virodh kar sakta hai. jab doosare takaneek raajyon ko vaanchhit santushti pradaan karne mein asafal rahe tab raajanaya ke sahaayak ke roop mein sashastr senaaon ko kai avsaron par prayog mein laaya gaya.

unneesaveen shataabdi mein shakti pradarshan ke prayog se cheen tatha Japan ko apne kshetra videshi sambandhon tatha vyaapaar ke liye kholne ke liye vivsh kiya gaya. cheen mein videshiyon ko vyaapaarik riyaayatein athva kshetraavaadita ke visheshaadhikaar ko pradaan karne ke liye yuddhapot raajanaya ke takaneek ko prayog mein laaya gaya. desh ki pratishtha raajadoot ki mukhya poonji hoti hai. us desh ki sainik shakti us pratishtha ka ek pramukh tattv hoti hai. antarraashtreeya maamalon ko hal karte samay yeh dhyaan mein rakhana aavashyak hai ki safalta ke liye doosare yantron, raajaneetik, aarthik evam sainik shakti, raajaneta dvaara saadhan evam poonji ko ikattha rakhane ki yogyata tatha suvidit janta ke samarthan par nirbhar karta hai, haalaanki raajanaya antarraashtreeya raajaneeti vyavastha ka hrudaya hai. listar piyrasan (Lester Pearson) ke anusaar,

shakti ke bina chaaturya raajaneetik kaarya vyakti ko patthar ki deevaar ke saamane seedha le jaakar khada kar deta hai. lekin bina shakti ke raajanaya keval dhyeyarahit abhyaas hota hai
("Strength without skilled diplomatic action may lead you straight against stone wall. But diplomacy without strength behind it may be merely an aimless exercise.)

at: ek raajya mein yeh shakti ka yantra hi raajanaya ko 'maaainsapeshiyaan' pradaan karta hai.