yoonaani chikitsa paddhati

yoonaani chikitsa paddhati ko keval yoonaani ya hikmat ke naam se bhi pukaara jaata hai. ise " yoonaani-tib " ya keval " yoonaan " ke naam se bhi jaana jaata hai. yoonaani tib mein yoonaani shabd moolat: " loniyn " ka arabi roopaantaran hai jiska arth greek ya yoonaan hai. Bhaarat mein sau se adhik yoonaani chikitsa vishvavidyaalayon mein yoonaani chikitsa paddhati sikhaaya jaata hai. yeh praacheen bhaarateeya chikitsa paddhati aayurved ke kareeb hai. ise Bhaarat mein bhi vaikalpik chikitsa maana gaya hai. yoonaani chikitsa paddhati ka itihaas bada shaanadaar tha par vartamaan mein elopaithi ke saamane iska tikna bada kathin ho raha hai.

anukram

itihaas

shareer shaastr par urdoo mein likhi gayi yoonaani kitaab 1289 hijri(1868 E.) Bhaarat.

460 -377 isa poorv mein yoonaani chikitsa vidhi ka pata chalta hai. bukaraat (angreji mein hippokret) naamak daarshanik ko yoonaani chikitsa vidhi ka janmadaata maana jaata hai. bukaraat ko Baba-A-tib yaani chikitya ke poorvaj bhi maana jaata hai. hippokret ne mishr aur mesopotaamiya yaani vartamaan iraak, shaam aur Turkey ke dajala-furaat nadiyon ke maghya ki sabhyata, sanskruti aur chikitsa paddhati ko najadeek se dekha. us samay ki chikitsa vyavastha ko pun: jeevit karne ka prayaas kiya. inke baad 129 se 200 E. mein hakeem jaaleenoos ka jamaana aaya. inhein angreji mein gelan ke naam se bhi jaana gaya. hakeem jaaleenoos ne praacheen yoonaani darshan aur davaaiyon ko paaradarshita se pehchaan aur parichay diya. hakeem jaaleenoos ke baad jaabir-ib-hayaat aur hakeem-ib-seena ka bhi jikr aata hai.

chikitsa paddhati

yoonaani chikitsa paddhati bhaarateeya chikitsa vidhi ka hi ek roop hai. kaf, balagam, peela pitt (safra) aur kaala pitt (sauda) pradhaanata ke aadhaar par rog ke lakshanon ka pata kiya jaata hai. bhaarateeya chikitsa darshan ke kareeb maana jaata hai. maanav shareer mein aag, jal, pruthvi aur vaayu pradhaanata ka maanav shareer par prabhaav hi mool rog lakshan aur nidaan dekha gaya hai. yoonaani chikitsa ke anuyaayiyon ke anusaar in tatvon ke vibhinn taral padaarth mein aur unke shesh raashi ki upasthiti se svaasthya ke asantulan ka suraag lagta hai. in padaartho ka pratyek aadmi mein anootha mishran uske svabhaav aur rakt ki visheshata tay karta hai. kaf ki pradhaanata wala vyakti thande svabhaav ka hota hai. pitt peela ya chidchida aur vishaadapoorn pitt kaala banaata hai.

inhein bhi dekhein

baahari kadiyaaain