yayaati

raaja yayaati ki chhaaya anukruti

yayaati, ikshvaaku vansh ke raaja nahush ke chh: putron yaati, yayaati, sayaati, ayaati, viyaati tatha kruti mein se ek the. yaati raajya, arth aadi se virkt rahate the isaliye raaja nahush ne apne dviteeya putr yayaati ka raajyabhishke karva diya. yayaati ka vivaah shukraachaarya ki putri devayaani ke saath hua.

yayaati ki do patniyaaain theen. sharmishtha ke teen aur devayaani ke do putr hue. yayaati ne apni vruddhaavastha apne putron ko dekar unka yauvan praapt karna chaaha, par puroo ko chhodkar aur koi putr is par sahamat naheen hua. putron mein puroo sabse chhota tha, par pita ne isi ko raajya ka uttaraadhikaari banaaya aur swayam ek sahasr varsh tak yuva rahakar shaareerik sukh bhogate rahe. tadanantar puroo ko bulaakar yayaati ne kaha - 'itne dinon tak sukh bhogane par bhi mujhe trupti naheen hui. tum apna yauvan lo, main ab vaanaprasth aashram mein rahakar tapasya karooainga.' fir ghor tapasya karke yayaati svarg pahuainche, parantu thode hi dinon baad Indra ke shaap se svargabhrasht ho gaye (mahaabhaarat, aadiprv, 81-88). antariksh path se pruthvi ko lautate samay inhein apne dauhitr, asht, shivi aadi mile aur inki viptti dekhkar sabhi ne apne apne punya ke bal se inhein fir svarg lauta diya. in logon ki sahaayata se hi yayaati ko ant mein mukti praapt hui.

yayaati granthi

devayaani dvaara sharmishtha se prashn poochha jaana

yayaati granthi vruddhaavastha mein yauvan ki teevr kaamna ki granthi maani jaati hai. kinvadanti hai ki, raaja yayaati ek sahasr varsh tak bhog lipsa mein lipt rahe kintu unhein trupti naheen mili. vishay vaasana se trupti na milne par unhein unase ghruna ho gayi aur unhon ne puru ki yuvaavastha vaapas lauta kar vairaagya dhaaran kar liya. yayaati ko vaastavikta ka gyaan praapt hua aur unhone kaha-

bhoga na bhukta vayamev bhuktaa:
tapo na taptan vayamev taptaa:.
kaalo na yaato vayamev yaataa:
trushna na jeerna vayamev jeernaa: .

arthaat, humne bhog naheen bhugate, balki bhogon ne hi hamein bhugata hai; humne tap naheen kiya, balki ham swayam hi tapt ho gaye hain; kaal samaapt naheen hua ham hi samaapt ho gaye; trushna jeern naheen hui, par ham hi jeern hue hain !

sandarbh

vistrut adhyayan hetu