yashavantaraav chavhaan

yashavantaraav chavhaan
Yashwantrao Chavan.jpg
chunaav-kshetr pashchimi Maharashtra- sataara.

pad bahaal
01 May 1960 – 19 November 1962.
poorva dhikaari koi naheen
uttara dhikaari Marotrao Kannamwar

pad bahaal
1979–1980
poorva dhikaari charan Singh
uttara dhikaari devi laal

pad bahaal
1971–1975

pad bahaal
21 November 1962[1] – 1965
pradhaanamantri javaaharalaal Nehru
poorva dhikaari vi ke Krishna Menon

janm 12 March 1913
devaraashtr karaad, Maharashtra
mrutyu 25 November 1984(1984-11-25) (umr 71)
nai Delhi, Bhaarat
raashtreeyata bhaarateeya
raajaneetik dal bhaarateeya raashtreeya kaaaingres
jeevan sangi venutaai chavhaan
nivaas Mumbai va nai Delhi

yashavantaraav balavantaraav chavhaan (12 March 1913 - 25 November 1984) Mumbai raajya ke vibhaajan ke baad Maharashtra ke pehle mukhyamantri aur Bhaarat ke paanchavein up pradhaan mantri the. ve ek majaboot Congress neta, svatantrata senaani, sahakaari neta, saamaajik kaaryakarta aur lekhak the. unhein aam logon ke neta ke roop mein jaana jaata tha. unhonne apne bhaashanon aur lekhon mein drudhta se samaajavaadi lokatantr ki vakaalat ki aur Maharashtra mein kisaanon ki behatari ke liye sahakaari samitiyon ko sthaapit karne mein mahatvapoorn bhoomika nibhaai thi.

anukram

parichay

is mahaan neta ka janm 12 March 1913 ko Bhaarat ke Maharashtra raajya ke sataara jile (jo ab saangali jile mein hai) ke devaraashtre naamak gaanv mein ek maraatha kisaan parivaar ke ghar hua tha. bachapan mein unhonne apne pita ko kho diya aur unka paalan-poshan unke chaacha tatha maan dvaara kiya gaya. unki maan ne unhein aatm-nirbharata aur deshbhakti ke bahumoolya sabak sikhaae. apne bachapan se hi ve Bhaarat ke svatantrata sangharsh se prabhaavit the. pratikool paarivaarik sthiti ke baavajood yashavantaraav apni shiksha poorn karne mein safal rahe aur 1938 mein Mumbai vishvavidyaalaya se itihaas aur raajaneeti vigyaan mein beee ki padhaai poori ki. is avadhi ke dauraan ve kai saamaajik gatividhiyon mein shaamil the aur Congress party tatha javaaharalaal Nehru, sardaar Patel aur keshavaraav jedhe jaise unke netaaon ke saath kaafi najadeeki se jude rahe. 1940 mein, yashavantaraav sataara jila Congress ke adhyaksh bane. 1941 mein unhonne LLB ki pareeksha utteern ki. 1942 mein sataara jile ke faltan mein venootaai se unka vivaah ho gaya.

prushthabhoomi

yashavantaraav chavhaan bhaarateeya svatantrata sangharsh mein ek sakriya bhaageedaar rahe the. 1930 mein mahaatma Gandhi ke netrutv mein chalaaye jaane vaale asahayog aandolan mein bhaag lene ke liye unapar jurmaana lagaaya gaya. 26 January 1932 ko sataara mein bhaarateeya dhvaj faharaane ke liye unhein 18 maheene ke kaaraavaas ki saja sunaai gayi. ve 1942 ke A.I.si.si ke aitihaasik Mumbai adhiveshan ke pratinidhiyon mein se ek the jahaan Bhaarat chhodo ka naara buland kiya gaya aur is bhaageedaari ke parinaamasvaroop unhein giraftaar kar liya gaya tha. yashavantaraav ko antat: 1944 mein jail se riha kar diya gaya.

aaranbhik raajaneetik career

1946 mein unhein dakshin sataara nirvaachan kshetr se vidhaayak ke roop mein chuna gaya. usi varsh unhein Mumbai raajya ke gruh mantri ke sansadeeya sachiv ke roop mein niyukt kiya gaya. moraaraji Desai ki agali sarkaar mein unhein naagrik aapoorti, samaaj kalyaan tatha van mantri ke roop mein niyukt kiya gaya. 1953 mein ve Nagpur samjhaute ke hastaaksharakartaaon mein se ek the jismein Maharashtra ke sabhi kshetron ke samaan vikaas ka aashvaasan diya gaya tha.

sanyukt Maharashtra aandolan

1957 mein yashavantaraav chavhaan karaad nirvaachan kshetr se chune gaye the. is baar ve Congress vidhaai party ke neta ke roop mein nirvaachit hue the aur dvibhaashi Mumbai raajya ke mukhyamantri bane. 1957 se 1960 tak unhein akhil bhaarateeya Congress kaarya samiti ke sadasya ke roop mein chuna gaya. sanyukt Maharashtra aandolan ke liye apne samarthan ke maadhyam se ve Maharashtra raajya ke rachayitaaon mein se ek the. 1 May 1960 ko yashavantaraav chauhaan Maharashtra ke pehle mukhyamantri bane.[2]

Maharashtra ke pehle mukhyamantri

Maharashtra ke liye svapn

Maharashtra ke vikaas ke liye chauhaan ka svapn tha ki sampoorn raajya ke audyogik tatha krushi kshetron ka samaan roop se vikaas ho. unhonne sahakaari aandolan ke maadhyam se is svapn ko poorn karne ki cheshta ki.

mukhyamantri ke roop mein unke shaasan ke dauraan lokataantrik vikendreekrut nikaayon tatha krushi bhoomi seemaankan adhiniyam ke sambandh mein kaanoon paarit kiye gaye.

kendra sarkaar mein yashavantaraav chavhaan ki bhoomika

Maharashtra ke pratham mukhyamantri hone ke alaava, unhonne Bhaarat ki kendra sarkaar mein cabinet mantri ke roop mein bhi kai baar seva ki hai aur gruh, raksha, vitt tatha videsh maamalon ke mantri rah chuke hain aur baad mein ve Bhaarat ke up pradhaan mantri bhi bane.

1962 mein Bhaarat cheen seema vivaad ke maddenajar yashavantaraav chavhaan ko Bhaarat ka raksha mantri niyukt kiya gaya. 1962 mein raksha mantri ke roop mein Krishna Menon ke isteefe ke baad, pandit Nehru ne yashavantaraav chauhaan ko Maharashtra se kendra sarkaar mein bulaaya aur raksha mantri ka padabhaar saunp diya. unhonne yuddh pashchaat ki naajuk sthiti ka drudhta se saamana karte hue sashastr balon ke sashaktikran hetu kai nirnaya liye aur pandit neharu ke saath milkar cheen ke saath yuddh viraam par vaarta ki. ve sitmbar 1965 ke Bhaarat Pakistan yuddh ke dauraan bhi raksha mantri the.

agale aam chunaav mein yashavantaraav chavhaan Nasik sansadeeya nirvaachan kshetr se sansad ke sadasya ke roop mein nirvirodh chune gaye. 14 November 1966 ko unhein desh ka gruh mantri niyukt kiya gaya. 26 June 1970 ko unhein Bhaarat ke vitt mantri aur 11 October 1974 ko videsh mantri ke roop mein niyukt kiya gaya. June 1975 mein Bhaarat mein ek aantarik aapaatakaal ki ghoshana kar di gayi aur uske baad ke aam chunaavon mein Congress ka safaaya ho gaya. nai sansad mein, yashavantaraav chauhaan 1977 mein vipaksh ke neta bane.

1978-79 mein, yashavantaraav chavhaan ne Congress chhod di aur devaraaj urs, kaasoo brahmaanand Reddy, A.ke. Antony, sharad Pawar aadi ke saath Congress (urs) mein shaamil ho gaye. pradhaanamantri charan Singh ke mantri-mandal mein unhein Bhaarat ka gruh mantri tatha up pradhaanamantri niyukt kiya gaya.

Congress ka vibhaajan

1978 ke ant mein Bangalore ke vaarshik satr mein Congress do hisson mein vibhaajit ho gayi - Congress (indira) tatha Congress (urs). Congress urs mein shaamil hone vaale mahatvapoorn neta the devaraaj urs, kaasoo brahmaanand Reddy, A.ke. Antony, sharad Pawar aur yashavantaraav chauhaan. doosari or, indira Gandhi ne Congress (I) naamak apni swayam ki party ki sthaapana ki jismein shankar dayaal sharma, umaashankar Dixit, kamaruddeen Ali Ahmad, shri si. subramanyam, bairistar A.aar. antule tatha gulaabaraav Patil jaise neta shaamil the. indira Gandhi se alag hone ka nirnaya lene ke baad yashavantaraav chauhaan ke raajaneetik career ko ek bada jhatka laga. Congress (urs) vightit ho gayi aur devaraaj urs swayam janta party mein shaamil ho gaye aur Congress (urs) ka naam badalkar bhaarateeya Congress (samaajavaadi) rakh diya gaya.

1980 ke aam chunaav mein Congress (I) ne sansad mein bahumat praapt kiya aur indira Gandhi ke netrutv mein satta mein vaapasi ki. is chunaav mein yashavantaraav chauhaan ek saansad ke roop mein Maharashtra se nirvaachit hone vaale ekamaatr aise ummeedavaar the jo Congress (S) ke ticket par jeet kar aaye the. 1981 mein yashavantaraav chauhaan Congress (I) mein vaapas aaye aur 1982 mein unhein Bhaarat ke aathavein vitt aayog ka adhyaksh niyukt kiya gaya.

25 November 1984 ko Delhi mein dil ka daura padne se yashavantaraav chauhaan ka nidhan ho gaya. vah 71 varsh ke the. 27 November 1984 ko karaad mein poore raajakeeya sammaan ke saath unka antim sanskaar kiya gaya.

saahitya

yashavantaraav chavhaan saahitya mein gahari dilchaspi lete the. unhonne maraathi saahitya mandal ki sthaapana ki aur maraathi saahitya sammelan ka samarthan kiya. vah kai kaviyon, sampaadkon aur kai maraathi tatha hindi lekhakon ke saath kaafi kareebi roop se jude the. unhonne teen khandon mein apni aatmakatha likhne ki yojana banaai thi. pehle khand mein sataara jile mein vyateet unke praarambhik varsh shaamil hain. choonki unka janmasthaan Krishna nadi ke tat par sthit hai, unhonne pratham khand ko "Krishna kath" naam diya. dvibhaashi Mumbai raajya ke mukhyamantri ke roop mein, tatha uske baad navagathit Maharashtra raajya mein bhi unka poora samay Mumbai mein hi vyateet hua tha aur isliye doosare khand ka prastaavit naam "saagar teer" tha. baad mein 1962 mein pandit Nehru dvaara unhein Bhaarat ka raksha mantri niyukt kiya gaya. uske baad se 1984 mein apni mrutyu tak ve Delhi mein hi rahe; isliye apne teesare khand ke liye unhonne "yamuna kath" naam ka prastaav kiya. lekin durbhaagyavash unka keval pratham khand hi poorn ho paaya aur prakaashit hua.

yashavantaraav chavhaan pratishthaan (smaarak)

1985 mein yashavantaraav chavhaan pratishthaan (smaarak) Mumbai mein sthaapit kiya gaya. is smaarak ko sthaapit karne ka uddeshya tha samaaj, lokataantrik sansthaaon tatha Bhaarat ke saamaajik-raajaneetik jeevan mein vikaas prakriya ke prati unke dvaara kiye gaye utkrusht evam bahumoolya yogadaan ko sveekaar karke unki smruti ko jeevit rakhana; aur vishesh roop se aam aadmi ke utthaan hetu naveen gatividhiyon tatha pariyojanaaon ko shuru karna; aur svatantrata sangharsh se upaje unke abheesht vichaaron ko badhaava dena taaki Bhaarat ke saamaajik-aarthik tatvon ko majaboot banaaya ja sake .

1989 mein Maharashtra mein 'yashavantaraav chavhaan Maharashtra mukt vishvavidyaalaya' naamak ek mukt vishvavidyaalaya ko sthaapit kiya gaya tha.

baahari links

sandarbh

  1. [1]
  2. http://www.legislativebodiesinindia.nic.in/STATISTICAL/Maharashtra.pdf
poorvaadhikaari
Sardar Swaran Singh
Minister for External Affairs of India
1974–1977
uttaraadhikaari
Atal Behari Vajpayee
poorvaadhikaari
Post created
Chief Minister of Maharashtra
1960–1962
uttaraadhikaari
Marotrao Kannamwar
poorvaadhikaari
Indira Gandhi
Finance Minister of India
1971–1975
uttaraadhikaari
C. Subramaniam