yam ke praakrutik upagrah

yam (plooto) aur uske teen chandramaaon ki 2006 mein li gayi foto
yam (plooto) aur shairan donon apne saanjhe dravyamaan kendra ki parikrama karte hain

yam (plooto) ke chaar praakrutik upagrah vaigyaaniko ko gyaat hain: 1978 mein khoj kiya gaya shairan, 2005 mein khoj kiye gaye do nanhe chandrama, niks aur haaedra aur 20 July 2011 ko ghoshit kiya gaya ऍs/2011 pi 1 (S/2011 P 1). anya grahon aur baune grahon ki tulana mein plooto ke chandrama uske bahut paas parikrama karte hain. chaaron ke baare mein anumaan hai ke ve barf aur patthar ke bane hue hain.

anukram

shairan

plooto aur shairan ka mel saur mandal mein anokha hai. shairan ka vyaas (daayaameetar) plooto ke aadhe se zyaada hai aur usaka dravyamaan plooto ka 11.6% hai - jo saur mandal mein kisi bhi upagrah-grah ki jodi mein sabse adhik hai. tulana ke liye pruthvi ke chandrama ka vyaas pruthvi ka lagbhag ek-chauthaai aur dravyamaan pruthvi ka keval 1.2% hai. is kaaran se plooto aur shairan ka mila hua dravyamaan kendra ka bindu plooto ke andar naheen balki in donon ke beech ke khule vyom mein padta hai aur plooto aur shairan donon is bindu ki parikrama karte hain. agar khagolashaastr ki paribhaashaaeain sakhti se lagaai jaaeain to aisi sthiti mein do khagoleeya vastuon ko grah-upagrah na kehkar judvaaain grah kaha jaata hai. fir bhi shairan ko plooto ka upagrah hi maana jaata hai.

niks aur haaedra

plooto ke yeh do chhote se chandrama 15 May 2005 ko habal antariksh doorabeen ke dvaara sab se pehle dekhe gaye. niks plooto ko 48,700 kimi ki doori par parikrama kar raha hai aur haaedra 64,800 kimi ki doori par. aise do chhote chandramaaon ko dekhkar kuchh vaigyaaniko ko shanka hai ke shaayad plooto ke ird-gird koi upagrahi chhalla ho, kyonki aise upagrah un paristhitiyon mein aksar paae jaate hain. filhaal aisa koi upagrahi chhalla dekha naheen gaya hai.

ऍs/2011 pi 1

is upagrah ke milne ki ghoshana 20 July 2011 ko ki gayi thi. yeh yam ki ek parikrama anumaanit 32.1 dinon mein poori kar leta hai. iska vyaas (daayaameetar) andaajn 13 se lekar 34 kilometer ke beech hai, yaani yeh yam ka sabse chhota gyaat upagrah hai. maana jaata hai ki yam ke anya upagrahon ki tarah is nanhe chandrama ka bhi nirmaan sanbhavat: yam aur kisi anya kaaipar ghere ki vastu ke saath praacheen takaraav se hua ho.

inhein bhi dekhein