yaantriki tatha dravyagun

yaantriki tatha dravyagun yaantriki mein dravyapindon ki gati ka adhyayan kiya jaata hai. yeh gati samooche pind ki bhi ho sakti hai aur aantarik bhi. bhautiki ki is shaakha ka bahut mahatva hai aur iske siddhaant bhautiki ke pratyek vibhaag me, visheshataya abhiyaantriki (engineering) aur shilpavijnyaaan mein, prayukt hote hain. iske mool mein jo siddhaant laagoo haate hain, unako sarvapratham nyootan ne pratipaadit kiya tha. laigreinj, haimiltan aadi vaigyaaniko ne in niyamon ko gambhir ganiteeya roop dekar jatil samasyaaeain hal karne yogya banaaya. mool sameekaranon dvaara oorja sanveg (momentum), koneeya sanveg ityaadi, naveen raashiyon ki kalpana ki gayi. is vigyaan ke mukhya niyam oorja sanrakshan, sanveg sanrakshan tatha koneeya sanveg sanrakshan hain. siddhaant roop se gyaat balon ke adheen kisi bhi pind ki gati ka poora vishleshan kiya ja sakta hai.

dravya gun shaakha mein dravya ki teenon avasthaaon thos, drav, tatha gas ke gunon ki vivechana ki jaati hai. in gunon ke aapasi sambandhon ki bhi charcha ki jaati hai aur inse sambandhit aaainkade gyaat kiye jaate hain. kuchh gun jinka adhyayan kiya jaata hai, ye hain ghanatv, pratyaasthata gunaank, shyaanata, prushthatanaav, gurutvaakarshan gunaank ityaadi.