yaaloo nadi

yaaloo nadi ka naksha
uttar Korea mein yaaloo nadi ke kinaare

yaaloo nadi (cheeni: 鸭aa绿aa江) ya amanok nadi (Koreai: 압aa록aa강) uttar Korea aur cheen ki antarraashtreeya seema par sthit ek nadi hai. "yaaloo" naam maanhu bhaasha se liya gaya hai jismein iska arth "sarhad" hota hai. yeh dariya changabaai parvat shrunkhala ke lagbhag 2,500 meter ooainche baekadoo parvat se utpann hota hai aur fir kuchh marodon ke saath dakshin-pashchim ki taraf bahata hua Korea ki khaadi mein ja milta hai.[1] iski lambaai 790 kimi hai aur ise 30,000 varg kimi ke jalasambhar kshetr se paani milta hai. ispar naavi yaataayaat kathin hai kyonki bahut se sthaanon par iski gaharaai kaafi kam hai.

anukram

itihaas

yaaloo nadi aitihaasik mahatta rakhati hai kyonki isi ke kinaare Korea ka praacheen gogurayeo raajya ubhara tha. isi gogurayeo raajya ka naam aage badalkar goreyo bana, jis se Korea ka naam "Korea" pada. bahut se puraane kile is dariya ke kinaare par khade hue hain. yaaloo nadi ka yuddhon mein bhi mahattv raha hai. 1894-95 ke cheeni-Japani yuddh aur 1904 ke roosi-Japani yuddh mein yaaloo par bhaari jang hui thi. America ke Koreai yuddh ki bhi shuruaat cheeni sena ne 1950 mein yaaloo ko paar kar ke ki thi. 1990 ke dashak se bahut se uttar Koreai sharanaarthi yaaloo paar kar ke cheen mein ghusne lage hain.

vivaad

yaaloo nadi mein bahut se chhote reteele dweep hain. inko lekar cheen aur uttar Korea ne milkar 1972-1975 ke kaal mein ek muaaina kiya aur 61 aise dweep paae gaye. inmein se 48 uttar Korea ko mile aur 13 cheen ko. san 1990 mein cheen aur uttar Korea ne doosra aisa nireekshan aur samjhauta karne ki koshish ki lekin yeh kaam aapasi vivaadon ki vajah se ruk gaya.[1] cheen ki taraf bhi jo yaaloo nadi ka kshetr hai vahaaain bhi Koreai nasl ke log basate hain aur bahut se Koreai logon mein bhaavana hai ki yeh kshetr cheen ka naheen balki Korea ka hona chaahiye. fir bhi sarkaari star par cheen aur uttar Korea mein taalamel hone se in donon deshon ke beech mein aajatak yeh masala naheen bana hai.[1]

inhein bhi dekhein

sandarbh