vrundaavan

vrundaavan
shahar
samay mandal: IST (UTC+5:30)
desh Flag of India.svg Bhaarat
raajya uttar pradesh
jila Mathura
janasankhya 63,005 (2011 tak )
kshetrafal
ooainchaai (AMSL)

• 170 meter (558 fee॰)
aadhikaarik jaalasthal: www.radhavallabh.com/vrindavan.html

Erioll world.svgnirdeshaank: 27°a35′aN 77°a42′aE / 27.58°aN 77.7°aE / 27.58; 77.7

vrundaavan Mathura kshetr mein ek sthaan hai jo Bhagwan Krishna ki leela se juda hua hai. yeh sthaan shri Krishna Bhagwan ke baalaleelaaon ka sthaan maana jaata hai. yeh Mathura se 15 kimi ki doori par hai. yahaaain par shri Krishna aur raadha raani ke mandir ki vishaal sankhya hai. yahaaain sthit baanke vihaari ji ka mandir sabse praacheen hai. iske atirikt yahaaain shri Krishna balaraam, iskaan mandir, paagalabaaba ka mandir, ranganaath ji ka mandir, prem mandir, shri Krishna pranaami mandir, Akshay paatr, nidhi van aadidrshaneeya sthaan hai.

yeh Krishna ki leelaasthali hai. harivansh puraan, shreemadbhaagavat, vishnu puraan aadi mein vrundaavan ki mahima ka varnan kiya gaya hai. kaalidaas ne iska ullekh raghuvansh mein indumati-svayanvar ke prasang mein shoorasenaadhipti sushen ka parichay dete hue kiya hai isse kaalidaas ke samay mein vrundaavan ke manohaari udyaanon ki sthiti ka gyaan hota hai. shreemadbhaagavat ke anusaar gokul se kans ke atyaachaar se bachane ke liye nandaji kutunbiyon aur sajaateeyon ke saath vrundaavan nivaas ke liye aaye the. vishnu puraan mein isi prasang ka ullekh hai. vishnupuraan mein anyatr vrundaavan mein Krishna ki leelaaon ka varnan bhi hai.

anukram

praacheen vrundaavan

kehte hai ki vartamaan vrundaavan asli ya praacheen vrundaavan naheen hai. shreemadbhaagavat ke varnan tatha anya ullekhon se jaan padta hai ki praacheen vrundaavan govardhan ke nikat tha. govardhan-dhaaran ki prasiddh katha ki sthali vrundaavan paarasauli (param raasasthali) ke nikat tha. ashtachhaap kavi mahaakavi sooradaas isi gram mein deerghakaal tak rahe the. sooradaas ji ne vrundaavan raj ki mahima ke vasheebhoot hokar gaaya hai-ham na bhai vrundaavan renu |

braj ka hrudaya

vrundaavan ka naam aate hi man pulakit ho uthata hai. yogeshvar shri Krishna ki manabhaavan moorti aaainkhon ke saamane aa jaati hai. unki divya aalaukik leelaaon ki kalpana se hi man bhakti aur shraddha se natamastak ho jaata hai. vrundaavan ko braj ka hrudaya kehte hai jahaaain shri raadhaakrushn ne apni divya leelaaeain ki hain. is paavan bhoomi ko pruthvi ka ati uttam tatha param gupt bhaag kaha gaya hai. padm puraan mein ise Bhagwan ka saakshaat shareer, poorn brahm se sampark ka sthaan tatha sukh ka aashray bataaya gaya hai. isi kaaran se yeh anaadi kaal se bhakton ki shraddha ka kendra bana hua hai. chaitanya mahaaprabhu, svaami haridaas, shri hitharivansh, mahaaprabhu vallabhaachaarya aadi anek Goswami bhakton ne iske vaibhav ko sajaane aur sansaar ko anashvar sampati ke roop mein prastut karne mein jeevan lagaaya hai. yahaaain aanandaprad yugalakishor shreekrushn evam shreeraadha ki adbhut nitya vihaar leela hoti rahati hai.

mahaaprabhu chaitanya ka pravaas

15veen shati mein chaitanya mahaaprabhu ne apni brajayaatra ke samay vrundaavan tatha Krishna katha se sambandhit anya sthaanon ko apne antarjnyaaan dvaara pahachaana tha. raasasthali, vansheevat se yukt vrundaavan saghan vanon mein lupt ho gaya tha. kuchh varshon ke pashchaat shaandilya evam bhaaguri rishi aadi ki sahaayata se shri vajranaabh mahaaraaj ne kaheen shreemandir, kaheen sarovar, kaheen kund aadi ki sthaapanaakar leela-sthaliyon ka prakaash kiya. kintu lagbhag saadhe chaar hajaar varshon ke baad ye saari leela-sthaliyaaain pun: lupt ho gain, mahaaprabhu chaitanya ne tatha shri roop-sanaatan aadi apne parikaaron ke dvaara lupt shreevrundaavan aur brajamandal ki leela-sthaliyon ko pun: prakaashit kiya. shri chaitanya mahaaprabhu ke pashchaat unheen ki vishesh aajnyaa se shri lokanaath aur shri bhoogarbh Goswami, shri sanaatan Goswami, shri roop Goswami, shri gopaalabhatt Goswami, shri raghunaath bhatt Goswami, shri raghunaathadaas Goswami, shri jeev Goswami aadi gaudeeya vaishnavaachaaryon ne vibhinn shaastron ki sahaayata se, apne athak parishram dvaara braj ki leela-sthaliyon ko prakaashit kiya hai. unke is mahaan kaarya ke liye saara vishv, visheshat: vaishnav jagat unka chirrini rahega. vartamaan vrundaavan mein praacheenatam mandir raaja Mansingh ka banavaaya hua hai. yeh mugl samraat Akbar ke shaasanakaal mein bana tha. moolat: yeh mandir saat manjilon ka tha. oopar ke do khand aurangajeb ne tudva diye the. kaha jaata hai ki is mandir ke sarvochch shikhar par jalne vaale deep Mathura se dikhaai padte the. yahaaain ka vishaalatam mandir rangaji ke naam se prasiddh hai. yeh daakshintya shaili mein bana hua hai. iske gopur bade vishaal evam bhavya hain. yeh mandir dakshin Bhaarat ke shreerangam ke mandir ki anukruti jaan padta hai. vrundaavan ke darshaneeya sthal hain- nidhivn (haridaas ka nivaas kunj), kaaliyaadah, sevaakunj aadi.

praakrutik chhata

vrundaavan ki praakrutik chhata dekhne yogya hai. yamuna ji ne isko teen or se ghere rakha hai. yahaaain ke saghan kunjo mein bhaaainti-bhaaainti ke pushpon se shobhit lata tatha ooainche-ooainche ghane vruksh man mein ullaas bharate hain. basant riatu ke aagaman par yahaaain ki chhata aur saavan-bhaadon ki hariyaali aaainkhon ko sheetalata pradaan karti hai, vah shreeraadha-maadhav ke pratibimbon ke darshanon ka hi pratifl hai.

vrundaavan ka kan-kan rasamaya hai. yahaaain prem-bhakti ka hi saamraajya hai. ise golok dhaam se adhik badhkar maana gaya hai. yahi kaaran hai ki hajaaron dharm-paraayanajan yahaaain apne-apne kaamon se avakaash praapt kar apne shesh jeevan ko bitaane ke liye yahaaain apne nivaas sthaan banaakar rahate hain. ve nitya prati raasaleelaaon, saadhu-sangaton, harinaam sankeertan, Bhagwat aadi granthon ke hone vaale paathon mein sammilit hokar dharm-laabh praapt karte hain. vrundaavan Mathura Bhagwan Krishna ki leela se juda hua hai. braj ke kendra mein sthit vrundaavan mein sainkado mandir hai. jinmein se anek aitihaasik dharohar bhi hai. yahaaain sainkadon aashram aur kai gaushaalaaain hai. gaudeeya vaishnav, vaishnav aur hinduon ke dhaarmik kriya-kalaapon ke liye vrundaavan vishvabhar mein prasiddh hai. desh se paryatak aur teerth yaatri yahaaain aate hain. sooradaas, svaami haridaas, chaitanya mahaaprabhu ke naam vrundaavan se hamesha ke liye jude hue hai.

vrundaavan mein yamuna ke ghaat

kusum sarovar ghaat

vrundaavan mein shreeyamuna ke tat par anek ghaat hain. unamein se prasiddh-prasiddh ghaaton ka ullekh kiya ja raha hai-

  1. shreevaraahaghaat- vrundaavan ke dakshin-pashchim disha mein praacheen yamunaaji ke tat par shreevaraahaghaat avasthit hai. tat ke oopar bhi shreevaraahadev viraajamaan hain. paas hi shreegautam muni ka aashram hai.
  2. kaaleeyadamanaghaat- iska naamaantar kaaleeyadah hai. yeh varaahaghaat se lagbhag aadhe meal uttar mein praacheen yamuna ke tat par avasthit hai. yahaaain ke prasang ke sambandh mein pehle ullekh kiya ja chuka hai. kaaleeya ko daman kar tat bhoomi mein pahuainch ne par shreekrushn ko brajaraaj nand aur brajeshvari shri yashoda ne apne aasuainon se tar-batarakar diya tatha unke saare ango mein is prakaar dekhne lage ki 'mere laala ko kaheen koi chot to naheen pahuainchi hai.' mahaaraaj nand ne Krishna ki mangal kaamna se braahmanon ko anekaanek gaayon ka yaheen par daan kiya tha.
  3. sooryaghaat- iska naamaantar aadityaghaat bhi hai. gopaalaghaat ke uttar mein yeh ghaat avasthit hai. ghaat ke oopar vaale teele ko aaditya teela kehte hain. isi teele ke oopar shreesanaatan Goswami ke praanadevata shri madan mohan ji ka mandir hai. uske sambandh mein ham pehle hi varnan kar chuke hain. yaheen par praskandan teerth bhi hai.
  4. yugalaghaat- soorya ghaat ke uttar mein yugalaghaat avasthit hai. is ghaat ke oopar shri yugalabihaari ka praacheen mandir shikhraviheen avastha mein pada hua hai. keshi ghaat ke nikat ek aur bhi jugal kishor ka mandir hai. vah bhi isi prakaar shikhraviheen avastha mein pada hua hai.
  5. shreebihaaraghaat- yugalaghaat ke uttar mein shreebihaaraghaat avasthit hai. is ghaat par shreeraadhaakrushn yugal snaan, jal vihaar aadi kreedaaeain karte the.
  6. shreeaandheraghaat- yugalaghaat ke uttar mein yeh ghaat avasthit hain. is ghaat ke upavan mein Krishna aur gopiyaaain aaainkhamudauval ki leela karte the. arthaat gopiyon ke apne karapallavon se apne netron ko dhak lene par shreekrushn aas-paas kaheen chhip jaate aur gopiyaaain unhein dhooaindhti theen. kabhi shreekishori ji isi prakaar chhip jaateen aur sabhi unako dhooaindhte the.
  7. imaleetala ghaat- aandheraghaat ke uttar mein imaleeghaat avasthit hai. yaheen par shreekrushn ke samasaamayik imali vruksh ke neeche mahaaprabhu shreechaitanya Dave apne vrundaavan vaas kaal mein premaavisht hokar harinaam karte the. isliye isko gauraangaghaat bhi kehte hain.
  8. shrrungaaraghaat- imaleetala ghaat se kuchh poorv disha mein yamuna tat par shrrungaaraghaat avasthit hai. yaheen baithakar shreekrushn ne maanini shreeraadhika ka shrrungaar kiya tha. vrundaavan bhraman ke samay shreenityaanand prabhune is ghaat mein snaan kiya tha tatha kuchh dinon tak isi ghaat ke oopar shrrungaaravat par nivaas kiya tha.
  9. shreegovindaghaat- shrrungaaraghaat ke paas hi uttar mein yeh ghaat avasthit hai. shreeraasamandal se antardhaan hone par shreekrushn pun: yaheen par gopiyon ke saamane aavirbhoot huye the.
  10. cheer ghaat- kautu ki shreekrushn snaan karti huin gopikumaariyon ke vastron ko lekar yaheen kdamb vruksh ke oopar chadh gaye the. cheer ka taatparya vastr se hai. paas hi Krishna ne keshi daitya ka vadh karne ke pashchaat yaheen par baithakar vishraam kiya tha. isliye is ghaataka doosra naam chain ya chayanaghaat bhi hai. iske nikat hi jhaadoomandal darshaneeya hai.
  11. shreebhramaraghaat- cheeraghaat ke uttar mein yeh ghaat sthit hai. jab kishor-kishori yahaaain kreeda vilaas karte the, us samay donon ke ang saurabh se bhainvare unmatt hokar gunjaar karne lagte the. bhramaron ke kaaran is ghaat ka naam bhramaraghaat hai.
  12. shreekesheeghaat- shreevrundaavan ke uttar-pashchim disha mein tatha bhramaraghaat ke uttar mein yeh prasiddh ghaat viraajamaan hai. iska ham pehle hi varnan kar chuke hain.
  13. dheerasameeraghaat- shreecheer ghaat vrundaavan ki uttar-disha mein kesheeghaat se poorv disha mein paas hi dheerasameeraghaat hai. shreeraadhaakrushn yugal ka vihaar dekhkar unki seva ke liye sameer bhi susheetal hokar dheere-dheere pravaahit hone laga tha.
  14. shreeraadhaabaagaghaat- vrundaavan ke poorv mein yeh ghaat avasthit hai. iska bhi varnan pehle kiya ja chuka hai.
  15. shreepaaneeghaat-isi ghaat se gopiyon ne yamuna ko paidal paarakar maharshi durvaasa ko susvaadu ann bhojan karaaya tha.
  16. aadibdreeghaat- paaneeghaat se kuchh dakshin mein yeh ghaat avasthit hai. yahaaain shreekrushn ne gopiyon ko aadibdri Narayan ka darshan karaaya tha.
  17. shreeraajaghaat- aadi-badreeghaat ke dakshin mein tatha vrundaavan ki dakshin-poorv disha mein praacheen yamuna ke tat par raajaghaat hai. yahaaain Krishna naavik bankar sakhiyon ke saath shri raadhika ko yamuna paar karaat the. yamuna ke beech mein kautuki Krishna naana prakaar ke bahaane banaakar jab vilamb karne lagte, us samay gopiyaaain mahaaraaja kans ka bhaya dikhlaakar unhein sheegra yamuna paar karne ke liye kehti theen. isliye iska naam raajaghaat prasiddh hai.

in ghaaton ke atirikt 'vrundaavan-katha' naamak pustak mein aur bhi 14 ghaaton ka ullekh hai-

(1) mahaanataji ghaat (2) naamaaovaala ghaat (3) praskandan ghaat (4) kadiya ghaat (5) dhoosar ghaat (6) naya ghaat (7) shreeji ghaat (8) vihaari ji ghaat (9) dharoyaar ghaat (10) naagari ghaat (11) bheem ghaat (12) himmat bahaadur ghaat (13) cheer ya chain ghaat (14) hanumaan ghaat.

vrundaavan ke puraane mohallon ke naam

(1) jnyaaanagudadi (2) gopeeshvar, (3) bansheevat (4) gopeenaathabaag, (5) gopeenaath baajaar, (6) brahmakund, (7) raadhaanivaas, (8) kesheeghaat (9) raadhaaramanaghera (10) nidhuvan (11) paatharapura (12) naagaragopeenaath (13) gopeenaathaghera (14) naagaragopaal (15) cheeraghaat (16) mandi daravaaja (17) naagaragovind ji (18) takashaal gali (19) raamajeedvaar (20) kantheevaala baajaar (21) sevaakunj (22) kunjagali (23) vyaasaghera (24) shrrungaaravat (25) raasamandal (26) kishorapura (27) dhobeevaali gali (28) rangi laal gali (29) sukhanakhaata gali (30) puraana shahar (31) laarivaali gali (32) gaavadhoop gali (33) govardhan daravaaja (34) aheerapaada (35) dumaait paada (36) varaoyaar mohalla (37) madanamohan ji ka ghera (38) bihaari pura (39) purohitvaali gali (40) maneepaada (41) gautamapaada (42) athakhamba (43) govindabaag (44) loibaajaar (45) retiyaabaajaar (46) banakhandi mahaadev (47) chheepi gali (48) raayagali (49) bundelabaag (50) Mathura daravaaja (51) savaai jayasinh ghera (52) dheerasameer (53) tatteeya sthaan (54) gahavaravan (55) govind kund aur (56) raadhaabaag.

inhein bhi dekhein

baahari kadiyaaainain