vole shoyinka

vole shoyinka

vole shoyinka-(poora naam akinvaande oluvole shoyinka)(13 July 1934-) 1986 mein saahitya ke liye Nobel puraskaar se sammaanit Africa ke pehle saahityakaar hain. unka janm ogun raajya mein sthiti avyokuta kasbe mein hua tha. inke pita eniola shonyinka ek adhyaapak the aur maan aayodele (iya) oluvole apni dukaan chalaati theen. is dampati ne isaai dharm ko sveekaar kar liya tha isliye baalak shoyinka ka bapatisma sanskaar hua. lekin bachapan se hi baalak shoyinka par apne daada ke mool yorooba prakruti dharm (enimijm) par atal rahane ka gahra prabhaav pada. isi ke falasvaroop unke man manushya ke prati agaadh aastha janami. aage chalakar yorooba janajaati ki bhaasha aur sanskruti se abhinn judaav ka unki srujanaatmakata mein adbhud upayog hua. yuva hote-hote 1963 mein vole shoyinka ne isaai dharm saarvajanik roop se parityaag karke prakruti dharm mein aastha vyakti ki aur unki purnasthaapana ke liye prayatnasheel ho gaye.[1] raayal court theatre London mein play-reedar ke roop mein jeevan aarambh karke vah Nigeria ke kai vishvavidyaalayon mein angreji saahitya aur naatya kala ke praadhyaapak rahe. kaalaantar mein legaan vishvavidyaalaya Ghana aur Sheffield vishvavidyaalaya inglaind mein vijiting professor aur charchit kaalej Cambridge vishvavidyaalaya ingalaind va kaurnel vishvavidyaalaya amareeka ke failo bane. apni pratibddhataaon aur abhivyakti ke kaaran kai baar jail yaatra karni padi.

ashvet Africa ki parampara, sanskruti aur dhaarmik vishvaas mein yugon-yugon se rache-base mithkon ki kaavyaatmakata aur unki nai rachanaatmak sambhaavanaaon ko shoyinka ne hi pehli baar pahachaana. praacheen yoonaani mithkon ki aadhunik Europeeya vyaakhya se prerit ho unhonne yorooba devamaala ki sarvatha nai drushti se dekha. saahitya aur kala ke apaar rachana-saamarthya ko pratibimbit karne vaale yorooba devata ogun is navya drushtikon ko rekhaankit karti hai. unki kavitaaon ke anuvaad hindi mein bhi padhe ja sakte hain.[2]

sandarbh

  1. "vole shoyinka ki kavitaayein" (peeechapi). bhaarateeya saahitya sangrah. http://pustak.org/bs/home.php?bookid=5760. abhigman tithi: 2009.
  2. "tum chhod jaati ho ...satah par" (echateeemael). taanaabaana. http://taana-baana.blogspot.com/2008/11/blog-post_10.html. abhigman tithi: 2009.