vivikt ganit

yeh ek chh: nod wala graaf hai. anya cheejon ke alaava is tarah ke graaf bhi vivikt ganit ke adhyayan ke vishay hain.

vivikt ganit (Discrete mathematics) ganit ki vah shaakha hai jo aisi ganiteeya sanrachanaaon ka adhyayan karti hai jo moolat: vivikt (discrete) hoti hain, na ki satat (continuous). vivikt ganit mein poornaankon, graafon, tatha taarkik kathanon ka adhyayan kiya jaata hai jinka parivartan asatat hota hai na ki vaastavik sankhyaaon ki bhaanti satat. vivikt ganit mein prayukt sanrachanaaeain satat naheen hoteen balki paraspar vilg (separated) maan hi dhaaran karateen hain. is kaaran vivikt ganit mein kailakulas tatha vishleshan aadi vishay naheen aate aur ve 'satat ganit' ke vishay hain.

vivikt ganit ke taupik

  • saiddhaantik sanganak vigyaan (Theoretical computer science)
  • soochana siddhaant (Information theory)
  • tarkashaastr (Logic)
  • samuchchaya siddhaant (Set theory)
  • kramachaya-sanchaya (Combinatorics)
  • graaf siddhaant (Graph theory)
  • praayikta [[Probability)
  • sankhya siddhaant (Number theory)
  • amoort beejaganit (Abstract Algebra)
  • paramit antaron ka kailakulas, vivikt kailakulas tatha vivikt vishleshan (Calculus of finite differences, discrete calculus or discrete analysis)
  • vivikt jyaamiti tatha abhiklanaatmak jyaamiti (computational geometry)
  • sansthiti (Topology)
  • sankriya vigyaan (Operations research)
  • khel siddhaant, nirnaya siddhaant, upayogita siddhaant tatha saamaajik chunaav siddhaant (Game theory, decision theory, utility theory, social choice theory)
  • vivikteekaran (Discretization)
  • satat ganit ke vivikt roop (Discrete analogues of continuous mathematics)
  • kriptograafi
  • saankhyiki
  • koding siddhaant

vivikt ganit ka mahatva

  • vivikt ganit, abhiklan (computing) ka ganit hai.
  • yeh atyant 'vaastavik sansaar ka ganit' hai.
  • yeh ganiteeya tark karna evam 'upapatti ke takaneek' (proof technique) sikhaata hai.
  • bahuton ke liye vivikt ganit ek 'vinod' (entertainment) bhi hai.
  • vivikt ganit ki sanrachanaaeain (Discrete mathematical structures) software injeeniyri ke aadhaar hain. aur aadhunik tantr apne design va kaarya-nishpaadan ke liye bahut seema tak sauftveyar par nirbhar hain.