vitaamin si

vitaamin si
sistamaitik (aaiyoopeeesi) naam
2-okso-L-threo-haikjeno-1,4- laikton-2,3-inadaaiol
ya
(aar)-3,4-daaihaaidrauksi-5-((S)- 1,2-daaihaaidraukseeithaail) fyurain-2(5H)-on
parichaayak
CAS sankhya 50-81-7
en:PubChem 5785
raasaayanik aankade
sootr C6H8O6
aanvik bhaar 176.14 gram prati mol
samaanaarthi L-eskaurbik aml
bhautik aankade
ghanatv 1.694 g/cm³
galanaank 190–192 °aC (374–378 °aF) deekanpojej
kvathanaank 553 °aC (1027 °aF)
faarmaokokaainetik aankade
jaiv upalabdhata tvarit evam poorn
proteen bandhan naganya
ardhaayu 30 minute
utsarjan gurdon dvaara

vitaamin si ya L-eskaurbik aml maanav evam vibhinn anya pashu prajaatiyon ke liye atyant aavashyak poshak tattv hai. ye vitaamin roop mein kaarya karta hai. kai prakaar ki upaapachayi abhikriyaaon hetu eskaurbet (eskaurbik aml ka ek aayan) sabhi paadapon va pashuon mein aavashyak hota hai. ye lagbhag sabhi jeevon dvaara aantarik pranaali dvaara nirmit kiya jaata hai (sivaaya kuchh vishesh prajaatiyon ke) jinmein stanapaayi samooh jaise chamagaadad, ek ya do pradhaan praaimet sabaordar, ainthropoediya (vaanar, vanamaanush evam maanav) aate hain. iska nirmaan gini shookar evam pakshiyon evam machhaliyon ki kuchh prajaatiyon mein naheen hota hai. jo bhi prajaatiyaan iska nirmaan aantarik roop se naheen kar paateen, unhein ye aahaar roop mein vaanchhit hota hai. is vitaamin ki kami se maanavon mein skarvi naamak rog ho jaata hai.[1][2][3][4] ise vyaapak roop se khaadya poork roop mein prayog kiya jaata hai.[5]

anukram

gun

vitaamin-si shareer ki moolabhoot raasaayanik kriyaaon mein yaugikon ka nirmaan aur unhein sahayog karta hai. shareer mein vitaamin si kai tarah ki raasaayanik kriyaaon mein sahaayak hota hai jaise ki tantrikaaon tak sandesh pahunchaana ya koshikaaon tak oorja pravaahit karna aadi. iske alaava, haddiyon ko jodne wala kolaajen naamak padaarth, rakt vaahikaaen, laaigaameints, kaartilej aadi angon ko bhi apne nirmaan ke liye vitaamin si vaanchhit hota hai. yahi vitaamin kolestraul ko bhi niyantrit karta hai. iske alaava lauh tatvon ko bhi vitaamin si ke maadhyam se hi aadhaar milta hai. yeh enteeokseedeint ke roop mein bhi kaarya karta hai. ye shareer ki koshikaaon ko baandh ke rakhata hai. isse shareer ke vibhinn ang ko aakaar banaane mein madad milti hai. yeh shareer ki rakt vaahikaaon ko majaboot banaane mein sahaayak hota hai. iske enteehistaameen gunavatta ke kaaran, yeh saamaanya sardi-jukaam mein aushadhi roop mein kaan karta hai. iske abhaav mein masoodon se khoon bahata hai, daant dard ho sakta hai, daand masoodhon mein dheele ho sakte hain ya nikal sakte hain. charm mein chot lagne par adhik khoon bah sakta hai, rukhara ho sakta hai. iski kami ke kaaran bhookh bhi kam lagti hai, va bahut adhik vitaamin ke abhaav se skarvi ho sakta hai.

ye vitaamin rog pratirodhak kshamata ko bhi badhaata hai. ye maanav shareer ke vruddh hone ki prakriya ko dheema karne mein bhi mahatvapoorn saabit ho sakta hai. ameriki patrika rejuveneshan research ke haal ke sanskaran mein prakaashit adhyayan ke anusaar rakt plaajma ke andar eskaurbik aml star ko banaaye rakhane par keindrit maanav shareer ke rakshaatmak tantr ka ullekh kiya gaya hai. eefaaar aur peeemaaaraes enjaaim koshika ke bheetar se va koshika ke baahar ilektraun sthaanaantaran ke liye uttaradaayi hote hain tatha jisse rakt mein eskaurbik aml ke star ko banaaye rakhane mein madad milti hai. jab tak do enjaaimon ko badhaane waali dava upalabdh naheen hoti tab tak maanav bhojan mein vitaamin si ki prachur maatra ke saath budhaape ki prakriya ke khilaaf sangharsh kar sakta hai. rakt plaajma mein upasthit eskaurbik aml ka star vyakti ki aayu badhne hone ke saath saath kam hota rahata hai.[6]

aavashyakta

manushyon ko vitaamin si alag se khaadya padaartho ke saath grahan karna hota hai, kyonki shareer iska swayam nirmaan naheen karta. ye falon aur sabjiyon se praapt hota hai, jaise laal mirch, santara, anaanaas, tamaatar, strawberry aur aaloo aadi. yeh ghulanasheel tatv hota hai isliye kachche fal aur sabjiyaan iske sabse bade srot hain. pratidin ek ausat vyakti ko 80 miligraam vitaamin si ki aavashyakta hoti hai. seb ke ras se bhi yeh praapt hota hai, lekin ise alag tatvon ki madad se bhi grahan kiya jaata hai. atyadhik vitaamin si bhi haanikaarak ho sakta hai. kisi bhi sthiti mein ek din mein vitaamin si 1000 miligraam se adhik naheen grahan karna chaahiye. isse adhik vah shareer ko haani bhi pahuncha sakta hai. isse se skarvi jaise kuposhan janit rog hone ki sambhaavana hoti hai. iske alaava isse shareer ke vibhinn angon mein, jaise ki gurde, hrudaya aur anya jagah mein, ek prakaar ki pathari ho sakti hai| yeh okjelet kristal ka bana hota hai. is pathari ke kaaran mootr visrjan mein jalan ya dard ho sakta hai, ya fir pet kharaab hone se dast ho sakta hai. raktaalpata sakta hai.

abhaav

santara vitaamin si ka achha srot hai

vitaamin si ke abhaav mein shareer mein dooshit keetaanuon ki vruddhi ho sakti hai. iske kaaran aankhon mein motiya bind, khaaya hua khaana shareer mein poshan naheen kar paana va ghaav mein mavaad badhna, chhadiyaan kamjor hona, chidchida svabhaav, khoon ka bahana, masoodon se khoon va mavaad bahana, pakshaaghaat ho jaana, rakt vikaar, munh se badaboo aana, paachan kriya mein dosh utpann hona, shvet pradar, sandhi shoth va dard, putathon ki kamjori, bhookh na lagana, saans kathinaai se aana, charm rog, garbhapaat, raktaalpata aadi ho sakte hain. inke alaava alsar ka foda, chehare par daag pad jaana, fefde kamjor pad jaana, jukaam hona, aankh, kaan va naak ke rog, elarji hona ityaadi hone ki sambhaavana rahati hai.

srot

vitaamin si ka pramukh srot khatte raseele fal hote hain.

khatte rasadaar fal jaise aanvala, naarangi, neenboo, santara, angoor, tamaatar, aadi evam amarood, seb, kela, ber, bilv, katahal, shalagam, pudeena, mooli ke patte, munakka, doodh, chukandar, chaulaai, bandagobhi, hara dhaniya aur paalak vitaamin si ke achhe srot hain. iske alaava daalein bhi vitaamin si ka srot hoti hain. asal mein sookhi avastha mein daalon mein vitaamin si naheen hota lekin bheegane ke baad ye achhi maatra mein prakat ho jaata hai.[7]

vitaamin ksheshth srot bhoomika aar. di. A.
vitaamin A doodh, makkhan, gahre hare rang ki sabjiyaan. shareer peele aur hare rang ke fal va sabjiyon mein maujood pigmaint kairoteen ko bhi vitaamin 'A' mein badal deta hai. yeh aankh ke retina, sareekhi shareer ki jhilliyon, fefdon ke astar aur paachak-tantr pranaali ke liye aavashyak hai. 1 mi, gram.
thaayaamin bi saabut anaaj, aata aur daalein, meva, matar fliyaan yeh carbohydrate ke jvalan ko sunishchit karta hai. 1.0-1.4 mi. graama1.0-1.4 mi. gram
raaiboflaivin bi doodh, paneer yeh oorja release aur rakh–rakhaav ke liye sabhi koshikaaon ke liye aavashyak hai. 1.2- 1.7
niyaaseen saabut anaaj, aata aur enarichd ann yeh oorja release aur rakh rakhaav, ke liye sabhi koshikaaon ke liye aavashkata hoti hai. 13-19 mi. gra
pireedaanksin bi saabut anaaj, doodh rakt koshikaaon aur tantrikaaon ko samuchit rup se kaam karne ke liye iski jarurat hoti hai. lagbhag 2 mi. gra
pentothenik aml gireedaar fl aur saabut anaaj oorja paida karne ke liye sabhi koshikaaon ko iski jarurat padti hai. 4-7 mi. gra
baayoteen gireedaar fl aur taaja sabjiyaan tvacha aur parisancharan-tantr ke liye aavashyak hai. 100-200 mi. gra
vitaamin bi doogdhashaala utpaad laal rakt koshikaaon, asthi majja-utpaadan ke saath-saath tantrika-tantr ke liye aavashyak hai. 3 mi.gra
folik aml taaji sabjiyaan laal koshikaaon ke utpaadan ke liye aavashyak hai. 400 mi. gra
vitaamin 'si' sabhi rasadaar fl. tamaatar kachchi bandagobhi, aaloo, strawberry hadidyon, daant, aur ootakon ke rakh-rakhaav ke liye aavashyak hai. 60 mi, gra
vitaamin 'di' dugdhashaala utpaad. badan mein dhoop sekane se kuchh ek vitaamin tvacha mein bhi paida ho sakte hai. rakt mein kailsiym ka star banaae rakhane aur hadidyon ke sanvarddh ke liye aavashyak hai. 5-10 mi. gra
vitaamin 'E' vanaspati tel aur anek doosare khaagh padaarth vaseeya tattvon se nipatne vaale ootakon tatha koshika jhilli ki rachana ke liye jaruri hai. 8-10 mi. gra

sandarbh

  1. vitaamin si. hindustaan live. 28 March 2010
  2. "Vitamin C". Food Standards Agency (UK). http://www.eatwell.gov.uk/healthydiet/nutritionessentials/vitaminsandminerals/vitaminc/. abhigman tithi: 2007-02-19.
  3. "Vitamin C". University of Maryland Medical Center. January 2007. http://www.umm.edu/ency/article//002404.htm. abhigman tithi: 2008-03-31.
  4. Higdon, Jane, Ph.D. (2006-01-31). "Vitamin C". Oregon State University, Micronutrient Information Center. http://lpi.oregonstate.edu/infocenter/vitamins/vitaminC/. abhigman tithi: 2007-03-07.
  5. McCluskey, Elwood S. (1985). "Which Vertebrates Make Vitamin C?" (PDF). Origins 12 (2): 96–100. http://www.grisda.org/origins/12096.pdf.
  6. vitaamin si mein hain budhaapa rokane vaale tatv. Yahoo jaagaran. 13 June 2009. Allahabad
  7. daalein-sushma kaul. world press

baahari kadiyaaain