vishvaamitr

vishvaamitr vaidik kaal ke vikhyaat rishi the. rishi vishvaamitr bade hi prataapi aur tejasvi mahaapurush the. rishi dharm grahan karne ke poorv ve bade paraakrami aur prajaavatsal naresh the.

anukram

rachanaaeain

vishvamitr ji ko gaayatri mantr ka drushtaant hua.

kshatriya raaja ke roop mein

prajaapati ke putr kush, kush ke putr kushanaabh aur kushanaabh ke putr raaja gaadhi the. vishvaamitr ji unheen gaadhi ke putr the. ek din raaja vishvaamitr apni sena ko lekar vashishth rishi ke aashram mein gaye. vishvaamitr ji unhein pranaam karke vaheen baith gaye. vashishth ji ne vishvaamitr ji ka yathochit aadar satkaar kiya aur unase kuchh din aashram mein hi rah kar aatithya grahan karne ka anurodh kiya. is par yeh vichaar karke ki mere saath vishaal sena hai aur sena sahit mera aatithya karne mein vashishth ji ko kasht hoga, vishvaamitr ji ne namrataapoorvak apne jaane ki anumati maaaingi kintu vashishth ji ke atyadhik anurodh karne par thode dinon ke liye unka aatithya sveekaar kar liya.

vashishth ji ne nandini gau ka aahvaan karke vishvaamitr tatha unki sena ke liye chh: prakaar ke vyanjan tatha samast prakaar ke sukh suvidha ki vyavastha kar diya. vashishth ji ke aatithya se vishvaamitr aur unke saath aaye sabhi log bahut prasann huye.

nandini gau ka chamatkaar dekhkar vishvaamitr ne us gau ko vashishth ji maaainga par vashishth ji bole raajan! yeh gau mera jeevan hai aur ise main kisi bhi keemat par kisi ko naheen de sakta.

vashishth ji ke is prakaar kehne par vishvaamitr ne balaat us gau ko pakad lene ka aadesh de diya aur uske sainik us gau ko dande se maar maar kar haaainkane lage. nandini gau krodhit hokar un sainikon se apna bandhan chhuda liya aur vashishth ji ke paas aakar vilaap karne lagi. vashishth ji bole ki he nandini! yeh raaja mera atithi hai isaliye main isko shaap bhi naheen de sakta aur iske paas vishaal sena hone ke kaaran isse yuddh mein bhi vijay praapt naheen kar sakta. main swayam ko vivsh anubhav kar raha hooain. unke in vachanon ko sun kar nandini ne kaha ki he brahmarshi! ek braahman ke bal ke saamane kshatriya ka bal kabhi shreshth naheen ho sakta. aap mujhe aajnyaa deejiye, main ek kshan mein is kshatriya raaja ko usaki vishaal senaasahit nasht kar dooaingi. aur koi upaaya na dekh kar vashishth ji ne nandini ko anumati de di.

aajnyaa paate hi nandini ne yogabal se atyant paraakrami maarak shastraastron se yukt paraakrami yoddhaaon ko utpann kiya jinhonne sheegra hi shatru sena ko gaajar mooli ki bhaaainti kaatna aarambh kar diya. apni sena ka naash hote dekh vishvaamitr ke sau putr atyant kupit ho vashishth ji ko maarane daude. vashishth ji ne unamein se ek putr ko chhod kar shesh sabhi ko bhasm kar diya.

apni sena tatha putron ke ke nasht ho jaane se vishvaamitr bade du:khi huye. apne bache huye putr ko raaj sinhaasan saunp kar ve tapasya karne ke liye himaalaya ki kandaraaon mein chale gaye. kathor tapasya karke vishvaamitr ji ne mahaadev ji ko prasann kar liya or unase divya shaktiyon ke saath sampoorn dhanurvidya ke gyaan ka varadaan praapt kar liya.

maharshi vashishth se pratishodh

is prakaar sampoorn dhanurvidya ka gyaan praapt karke vishvaamitr badla lene ke liye vashishth ji ke aashram mein pahuainche. unhein lalakaar kar vishvaamitr ne agnibaan chala diya. vashishth ji ne bhi apna dhanush sanbhaal liya aur bole ki main tere saamane khada hooain, too mujh par vaar kar. aaj main tere abhimaan ko choor-choor karke bata dooainga ki kshaatr bal se brahm bal shreshth hai. kruddh hokar vishvaamitr ne ek ke baad ek aagneyaastr, varunaastr, rudraastr, aindraastr tatha paashupataastr ek saath chhod diya jinhein vashishth ji ne apne maarak astron se maarg mein hi nasht kar diya. is par vishvaamitr ne aur bhi adhik krodhit hokar maanav, mohan, gaandharv, joonbhan, daaran, vajr, brahmapaash, kaalapaash, varunapaash, pinaak, dand, paishaach, kraunch, dharmachakr, kaalachakr, vishnuchakr, vaayavya, manthan, kankaal, moosal, vidyaadhar, kaalaastr aadi sabhi astron ka prayog kar daala. vashishth ji ne un sabko nasht karke unhonne brahmaastr chhod diya. brahmaastr ke bhayankar jyoti aur gaganabhedi naad se saara sansaar peeda se tadpane laga. sab rishi-muni unase praarthana karne lage ki aapne vishvaamitr ko paraast kar diya hai. ab aap brahmaastr se utpann hui jvaala ko shaant karein. is praarthaana se dravit hokar unhonne brahmaastr ko vaapas bulaaya aur mantron se use shaant kiya.

paraajit hokar vishvaamitr maniheen sarp ki bhaaainti pruthvi par baith gaye aur sochane lage ki ni:sandeh kshaatr bal se brahm bal hi shreshth hai. ab main tapasya karke braahman ki padavi aur usaka tej praapt karooainga. is prakaar vichaar karke ve apni patneesahit dakshin disha ki aur chal diye. unhonne tapasya karte huye ann ka tyaag kar keval falon par jeevanayaapan karna aarambh kar diya. unki tapasya se prasann hokar brahma ji ne unhein raajarshi ka pad pradaan kiya. is pad ko praapt karke bhi, yeh sochakar ki brahma ji ne mujhe keval raajarshi ka hi pad diya maharshi-devarshi aadi ka naheeain, ve du:khi hi huye. ve vichaar karne lage ki meri tapasya ab bhi apoorn hai. mujhe ek baar fir se ghor tapasya karna chaahiye."

trishanku ki svargayaatra

Indra prevents Trisanku from ascending to Heaven in physical form

is beech ikshvaaku vansh mein trishanku naam ke ek raaja huye. trishanku sashareer svarg jaana chaahate the at: iske liye unhonne vashishth ji anurodh kiya kintu vashishth ji ne is kaarya ke liye apni asamarthata jataai. trishanku ne yahi praarthana vashishth ji ke putron se bhi ki,jo dakshin praant mein ghor tapasya kar rahe the. vashishth ji ke putron ne kaha ki jis kaam ko hamaare pita naheen kar sake too use ham se karaana chaahata hai. aisa prateet hota hai ki too hamaare pita ka apamaan karne ke liye yahaaain aaya hai. unke is prakaar kehne se trishanku ne krodhit hokar vashishth ji ke putron ko apashabd kahe. vashishth ji ke putron ne rusht hokar trishanku ko chaandaal ho jaane ka shaap de diya.

shaap ke kaaran trishanku chaandaal ban gaye tatha unke mantri tatha darabaari unka saath chhodkar chale gaye. fir bhi unhonne sashareer svarg jaane ki ichha ka parityaag naheen kiya. ve vishvaamitr ke paas jaakar bole apni ichha ko poorn karne ka anurodh kiya. vishvaamitr ne kaha tum meri sharan mein aaye ho. main tumhaari ichha avashya poorn karooainga. itna kehkar vishvaamitr ne apne un chaaron putron ko bulaaya jo dakshin praant mein apni patni ke saath tapasya karte huye unhein praapt huye the aur unase yagya ki saamagri ekatrit karne ke liye kaha. fir unhonne apne shishyon ko bulaakar aajnyaa di ki vashishth ke putron sahit van mein rahane vaale sab rishi-muniyon ko yagya mein sammilit hone ke liye nimntran de aao.

sabhi rishi-muniyon ne unke nimntran ko sveekaar kar liya kintu vashishth ji ke putron ne yeh kehkar us nimntran ko asveekaar kar diya ki jis yagya mein yajamaan chaandaal aur purohit kshatriya ho us yagya ka bhaag ham sveekaar naheen kar sakte. yeh sunakar vishvaamitr ji ne kruddh hokar unhein kaalapaash mein baindh kar yamalok jaane aur saat sau varshon tak chaandaal yoni mein vichran karne ka shaap de diya aur yagya ki taiyaari mein lag gaye.

vishvaamitr ke shaap se vashishth ji ke putr yamalok chale gaye. vashishth ji ke putron ke parinaam se bhayabheet sabhi rishi muniyon ne yagya mein vishvaamitr ka saath diya. yagya ki samaapti par vishvaamitr ne sab devataaon ko naam le lekar apne yagya bhaag grahan karne ke liye aahvaan kiya kintu koi bhi devata apna bhaag lene naheen aaya. is par kruddh hokar vishvaamitr ne ardhya haath mein lekar kaha ki he trishanku! main tujhe apni tapasya ke bal se svarg bhejata hooain. itna kah kar vishvaamitr ne mantr padhte huye aakaash mein jal chhidka aur raaja trishanku shareer sahit aakaash mein chadhte huye svarg ja pahuainche. trishanku ko svarg mein aaya dekh indr ne krodh se kaha ki re moorkh! tujhe tere guru ne shaap diya hai isaliye too svarg mein rahane yogya naheen hai. indr ke aisa kehte hi trishanku sir ke bal pruthvi par girne lage aur vishvaamitr se apni raksha ki praarthana karne lage. vishvaamitr ne unhein vaheen thaharane ka aadesh diya aur ve adhar mein hi sir ke bal latak gaye. trishanku ki peeda ki kalpana karke vishvaamitr ne usi sthaan par apni tapasya ke bal se svarg ki srushti kar di aur naye taare tatha dakshin disha mein saptarshi mandal bana diya. iske baad unhonne naye indr ki srushti karne ka vichaar kiya jisse indr sahit sabhi devata bhayabheet hokar vishvaamitr se anunaya vinaya karne lage. ve bole ki humne trishanku ko keval isaliye lauta diya tha ki ve guru ke shaap ke kaaran svarg mein naheen rah sakte the.

indr ki baat sun kar vishvaamitr ji bole ki mainne ise svarg bhejane ka vachan diya hai isaliye mere dvaara banaaya gaya yeh svarg mandal hamesha rahega aur trishanku sada is nakshatr mandal mein amar hokar raajya karega. isse santusht hokar indraadi devata apne apne sthaanon ko vaapas chale gaye.

vishvaamitr ko braahmanatv ki praapti

devataaon ke chale jaane ke baad vishvaamitr bhi braahman ka pad praapt karne ke liye poorv disha mein jaakar kathor tapasya karne lage‌.‌ is tapasya ko bhng karne ke liye naana prakaar ke vighn upasthit hue kintu unhonne bina krodh kiye hi un sabka nivaaran kiya. tapasya ki avadhi samaapt hone par jab ve ann grahan karne ke liye baithe, tabhi braahman bhikshuk ke rup mein aakar indr ne bhojan ki yaachana ki. vishvaamitr ne sampoorn bhojan us yaachak ko de diya aur swayam niraahaar rah gaye. indr ko bhojan dene ke pashchaat vishvaamitr ke man mein vichaar aaya ki sambhavat: abhi mere bhojan grahan karne ka samay naheen aaya hai iseeliye yaachak ke roop mein yeh vipr upasthit ho gaya,mujhe abhi aur tapasya karna chaahiye. ataev ve maun rahakar fir deerghakaaleen tapasya mein leen ho gaye. is baar unhonne praanaayaam se shvaas rok kar mahaadaarun tap kiya. is tap se prabhaavit devataaon ne brahmaaji se nivedan kiya ki bhagavan! vishvaamitr ki tapasya ab paraakaashtha ko pahuainch gayi hai. ab ve krodh aur moh ki seemaaon ko paar kar gaye hain. ab inke tej se saara sansaar prakaashit ho utha hai. soorya aur chandrama ka tej bhi inke tej ke saamane feeka pad gaya hai. ataev aap prasann hokar inki abhilaasha poorn keejiye.

devataaon ke in vachanon ko sunakar brahma ji unhein braahman ki upaadhi pradaan ki kintu vishvaamitr ne kaha ki he bhagavan! jab aapne mujhe yeh varadaan diya hai to mujhe omkaar, shatkaar tatha chaaron ved bhi pradaan keejiye. prabho! apni tapasya ko main tabhi safal samajhooainga jab vashishth ji mujhe braahman aur brahmarshi maan leinge.

maharshi vashishth dvaara maanyata

vishvaamitr ki baat sun kar sab devataaon ne vashishth ji ka paas jaakar unhein saara vruttaant sunaaya. unki tapasya ki katha sunakar vashishth ji vishvaamitr ke paas pahuainche aur unhein apne hrudaya se laga kar bole ki vishvaamitr ji! aap vaastav mein brahmarshi hain. main aaj se aapko braahman sveekaar karta hooain.

srot

" vaalmeeki raamaayan - vishvaamitr ka poorv charitra"