vishnu Krishna chiploonakar

vishnu Krishna chiploonakar
VishnukrishnaChiplunkar.jpg
chiploonakar ka ek aarekh-chitr
janm 1 January, 1850
Pune, Maharashtra
mrutyu 1882
raashtreeyata bhaarateeya
anya naam maraathi bhaasha ke shivaaji
jaateeyata maraathi

vishnu Krishna chiploonakar (1850-1882) aadhunik maraathi gadya ke yugapravartak saahityikaar aur sampaadak the. shri vishnu shaastri chiploonakar ka janm poona ke ek vidvaan parivaar mein hua. inke pita shri Krishna shaastri apni svaabhaavik buddhimtta, rasikta, kaavyapratibha, anuvaad karne ki apni anoothi shaili ityaadi ke liye labdhapratishth saahityakaar ke roop mein prasiddh the.

inhonne sanskrut, angreji aur praacheen maraathi ka gahra adhyayan kiya aur bi.A. ki aupachaarik shiksha praapt ki. baad mein ve shaasakeeya haai school mein adhyaapak hue par isaai mishnariyon ke bhaarateeya sanskruti ke virodh mein kiye jaanevaale prachaar se inka svadharm, svasanskruti, svadesh aur svabhaasha sambandhi abhimaan jaagrat hua. navashikshiton ki akarmanyata par bhi inko du:kh hua. at: inhonne lokajaagaran aur lokashiksha ki drushti se "nibandhamaala" naamak maasik patrika ka prakaashan praarambh kiya. inke lekh ojasvi, svaabhimaanapoorn, svadharm aur svabhaasha ke prati prem se otaprot hote the. jis prakaar anubhooti aur vishay ki drushti se inke nibandh shreshth hain usi prakaar maulikta, pratipaadan ki prabhaavakaari shaili aur kalaavikaas ki drushti se bhi ve ramaneeya hain. inmein raashtreeyata, oj, lokamangal ki kaamna aur ramaneeyata otaprot hain. nibandhamaala mein bhaashaashuddhi, bhaashaabhivruddhi, angreji shaili ki sameeksha, shaastreeya dhang se itihaasalekhan, kalaapoorn jeevani ki rachana, saahitya aur samaaj ka anyonya sambandh aur saamaajik roodhiyon ke gun dosh ityaadi ke vishyon mein vichaarapravartak lekh hain. inki nibandhashaili mein maikaale, edeesan, steel, jaunsan ityaadi ki lekhanashailiyon ke gunon ka samanvaya hai. inki shaili mein oj, vinod aur vyangya tatha sajeevata hain. isi prakaar inhonne angreji sameeksha ke anusaar sanskrut ke paaainch prasiddh kaviyon ki utkrusht krutiyon ki saras sameeksha kar maraathi mein nai sameeksha shaili ki udbhaavana ki. inke "aamachya deshaacheen sadyasthiti" naamak vistrut evam ojasvitaapoorn nibandh likhne par angreji shaasan inapar rusht hua. par inhonne swayam shaasakeeya seva ki svarnashrunkhala tod daali. inhonne chitrashaala naamak ek press ki bhi sthaapana ki jo Bhaarat mein rangeen chitron ko prakaashit karanevaale sabse pehle chhaapekhaanon mein se ek thi.[1]

poona mein aakar inhonne shri ji. ji. Agarkar aur shri baal gangaadhar tilk ne milkar 1 January, 1881 se maraathi mein "kesari" aur angreji mein "maraatha" naamak do samaachaarapatr prakaashit karna praarambh kiya. isi prakaar nai peedhi mein svadeshaprem jaagrut karne ke uddeshya se inhonne new english school naamak paathashaala sthaapit ki. lokamaanya baal gangaadhar tilk aur shri aagarakar se chiploonakar ko badi sahaayata mili. 32 varsh ki alpaayu mein yugapravartak saahityik seva kar inki asaamayik mrutyu hui. ye maraathi bhaasha ke "shivaaji" kahalaate hain. inhonne dau॰ jaunsan ke "raaselas" upanyaas ka maraathi mein saras evam kalaapoorn anuvaad kiya.

sandarbh

  1. jain, kajari (2007). Gods in the bazaar: the economies of Indian calendar art. kaineda: dyooks university press. pa॰ 96.