vish pratikaarak

vish kashtakaarak aur ghaatak hote hain. inke prabhaav ke niraakaran ke liye kuchh aushadhiyaaain aur upachaar prayukt hote hain. inhein vishpratikaarak (Antidote) kehte hain.

vish ke khaane ke anek kaaran ho sakte hain. kuchh log aatmahatya ke liye vish khaate hain. kuchh log doosare ka dhanamaal hadapne ke liye vish khilaakar behosh kar, dhanamaal lekar chanpat ho jaana chaahate hain. aisi baatein relayaatriyon ke sambandh mein bahudha suni jaati hain. kuchh log anajaan mein vish kha lete hain aur uske ahitkar prabhaav ka shikaar bante hain. vishon ke laabhakaari upayog bhi hain. kashtakaarak keedon makodon, jaise machhar aur khatamal aur rogotpaadak jantuon, jaise choohon aadi, ke naash karne mein vishon ka prayog hota hai.

anukram

vishisht vishon ke pratikaarak

Bhaarat mein jo vish saadhaaranat: prayukt hote hain, ve hain afeem, sankhiya, tootiya, dhatoore ke beej, kaarbolik aml ityaadi. kuchh vish amleeya hote hain, jaise prabal aiseetik aml, prabal haaidroklorik aml, prabal naaitrik amlakh prabal salfyoorik aml tatha aaksailik aml. kuchh vish kshaareeya hote hain, jaise ailkalauyad aur kuchh udaaseen hote hain, jaise sees, paarad ke lavan, sankhiya aadi. amleeya vishon ke niraakaran ke liye kisi kshaareeya padaarth ka prayog hota hai, jaise bahut tanu amoniya (aadhe paaint jal mein ek chai chammach amoniya), choone ka paani, plaastar ov peris, maigneeshiya, khadiya ityaadi. kshaareeya vishon ke liye amleeya pratikaarakon ka prayog hota hai, jaise halka aiseetik aml, sirka, neenboo ka ras ityaadi. jis vish ki prakruti na maaloom ho, use bahut paani ya doodh milaakar anda, tel, aata aur paani ya choona paani dena chaahiye. kuchh vishisht vishon ke vishpratikaarak is prakaar hain :

amleeya vish - bahut tanu amoniya, paakachoorn, maigneeshiya, khaadiya, choona ya saabun paani. dantamanjan tatha vamanakaari oshadhiyon ka sevan nishiddh hai.

kshaareeya vish - sirka, neebooras, bahut tanu aiseetik aml (2 se 3%) tatha shaamak drav, jaise tel, ghi, doodh malaai aadi, ka sevan.

afeem - aamaashaya ka dhona, visheshat:. mand potaashaparamainganet ke vilyan se dhona chaahiye. 7 pratishat kaarban daaioksaaid mile hue okseejan ka sevan, aavashyakta padne par krutrim shvasan, vamanakaari evam uddeepak ka sevan tatha rogi ko poorn vishraam dena chaahiye.

sankhiya - aamaashaya ki dhulaai, vishesh roop se sodiym thaayosalfet ke vilyan se. sodiym thaayosalfet ki ant: shira sooi bhi di ja sakti hai. peene ko garam kaafi, jal aur maurafin ki sooi bhi di jaati hai.

ailkaalauyad - aamaashaya ko tainik aml ya potaishaparamainganet se dhona chaahiye. krutrim shvasan tatha uttejana rokane ke liye baarabityooret ka sevan karaana chaahiye.

paarad lavan - aamaashaya ko visheshat: sodiym faurmaldihaaid salfoksilet se, dhona chaahiye. kachcha anda ya doodh ka sevan, amlopachaya (acidosis) par kailsiym laiktet.

sees - aamaashaya ko dhona tatha vamanakaari aushadhiyon, jaise sodiym salfet ya epsam, dena chaahiye, taaki sees sheegra hi nikal jaae. prachur maatra mein kailsiym tatha fausfras wala aahaar dena chaahiye.

rajat - rajat lavan ke vishon ke liye badi maatra mein namak jal tatha doodh ya saabun paani pilaana chaahiye. paakachoorn ka sevan karaana chaahiye.

taamr - taamr lavanon ke vish ke liye doodh, anda, saabun paani, aata aur paani ka sevan karaana chaahiye.

fausfaras - tanu potaishaparamainganet (1 bhaag 1,000 bhaag jal mein). jal mein maigneeshiya; vaman ke liye paaainch gren tootiya, ek gilaas doodh ya jal mein aadha chaayachammach taarapeen dena chaahiye. tel ya ghi ka sevan varjit hai.

kaarbalik aml - epsam aur globar lavan (sodiyl salfet) ka sevan, bahut tanu ailkohaul, kachcha anda, aata aur paani, doodh reindi ka tel dena chaahiye.

aayodeen - staarch aur paani dena chaahiye.

ainteemani - kadi chai ya kaufi, aadhe gilaas jal mein aadha chaayachammach tainik aml; baad mein anda ya doodh dena chaahiye.

vishaile paudhe - vamanakaari, uddeepak aur reindi tel sadrush kadi dastakaari oshadhiyaaain dena chaahiye.

tomen vish - sadi machhali, maans, shaak bhaajiyon aur dabbe mein band khaadyaannon ke khaane se hota hai. vamanakaari oshadhiyaaain tatha dastakaari oshadhiyaaain, jaisi reindi ka tel evam epsam lavan dena chaahiye; ek chai chammach taarapeen ya dochaaya chammach glisreen daalkar, saabun paani se eneema dena chaahiye.

anya vishpratikaarak

pratikaarak kis lakshan ke liye prayukt karein
Activated charcoal with sorbital used for many oral toxins
Atropine organophosphate and carbamate insecticides, some mushrooms
Beta Blocker theophylline
Calcium chloride calcium channel blockers, black widow spider bites
Calcium gluconate hydrofluoric acid
Chelators such as EDTA, dimercaprol (BAL), penicillamine, and 2,3-dimercaptosuccinic acid (DMSA, succimer) heavy metal poisoning
Cyanide antidote(amyl nitrite, sodium nitrite, or thiosulfate) cyanide poisoning
Cyproheptadine serotonin syndrome
Deferoxamine mesylate Iron poisoning
Digoxin Immune Fab antibody (Digibind and Digifab) digoxin poisoning
Diphenhydramine hydrochloride and benztropine mesylate Extrapyramidal reactions associated with antipsychotic
Ethanol or fomepizole ethylene glycol poisoning and methanol poisoning
Flumazenil benzodiazepine poisoning
Glucagon beta blocker poisoning and calcium channel blocker poisoning
100% oxygen or hyperbaric oxygen therapy (HBOT) carbon monoxide poisoning and cyanide poisoning
Insulin beta blocker poisoning and calcium channel blocker poisoning
Leucovorin methotrexate and trimethoprim
Methylene blue treatment of conditions that cause methemoglobinemia
Naloxone hydrochloride opioid poisoning
N-acetylcysteine Paracetamol (acetaminophen) poisoning
Octreotide oral hypoglycemic agents
Pralidoxime chloride (2-PAM) organophosphate insecticides
Protamine sulfate Heparin poisoning
Prussian blue Thallium poisoning
Physostigmine sulfate anticholinergic poisoning
Pyridoxine Isoniazid poisoning, ethylene glycol
Phytomenadione(vitamin K) and fresh frozen plasma warfarin poisoning and indanedione
Sodium bicarbonate ASA, TCAs with a wide QRS

inhein bhi dekhiye

  • sarpadansh (Snakebite)
  • sarvapratikaarak (Universal antidote)

sandarbh