viraatanagar (Rajasthan)

Nepal ke viraatanagar ke liye dekhein, viraatanagar


bairaath
viraatanagar
town
विराटनगर (राजस्थान) is located in राजस्थान
bairaath
nirdeshaank : 27°a27′aN 76°a11′aE / 27.45°aN 76.18°aE / 27.45; 76.18Erioll world.svgnirdeshaank: 27°a27′aN 76°a11′aE / 27.45°aN 76.18°aE / 27.45; 76.18
Country India
State Rajasthan
District Jaipur
ooainchaai 430
janasankhya (2001)
• kul 17,237
Languages
• Official Hindi
samay mandal IST (UTC +5:30)
jaalasthal http://www.viratnagar.in

viraat nagar (bairaath) Rajasthan praant ke Jaipur jile ka ek shahar hai. iska puraana naam bairaath hai. viraat nagar Rajasthan mein uttar me sthit hai. yeh nagari praacheen matsya raaj ki rajdhani rahi hai. chaaro aur suramya parvaton se ghire praacheen matsya desh ki rajdhani rahe viraatanagar mein puraataatvik avasheshon ki sampada bikhri padi hai ya bhoogarbh mein samaayi hui hai.

viraat nagar araavali ki pahaadiyon ke madhya mein basa hai. Rajasthan ke Jaipur jile mein shaahapura se uttar-poorv ki taraf 25 kilometer door viraat nagar kasba apni pauraanik aitihaasik viraasat ko aaj bhi samete hue hai.

viraatanagar naam se praaya: logon ko bhram ho jaata hai. viraatanagar naamak ek ksba Nepal ki seema mein bhi hai. kintu Nepal ka viraat nagar, mahaabhaarat kaaleen viraatanagar naheen hai. paavanadhaam shri panyachakhandapeeth se sambandh viraatanagar pauraanik, pragetihaasik, mahaabhaaratakaaleen tatha guptakaaleen hi naheen mugalakaaleen mahatvapoorn ghatanaao ko bhi apne mein samete hue, Rajasthan ke Jaipur aur alavar jile ki seema par sthit hai viraatanagar mein pauraanik shaktipeeth, guha chitron ke avashesh, boddh maathon ke bhagnaavashesh, ashok ka shila lekh aur mugalakaaleen bhavan vidyamaan hai. anek jalaashaya aur kund is kshetr ki shobha badha rahe hai. praakartik shobha se praant paripoorn hai. viraatanagar ke nikat sariska raashtreeya vyaaghr abhyaaran, bhartruhari ka tapovan, paandupol naaldeshvar aur silisedh jaise ramaneeya tatha darshaneeya sthal laakhon shraddhaaluon aur paryatakon ko aakarshit karte hai.

itihaas

yeh vahi viraat nagar jahaaain mahaabhaarat kaal mein paandvo ne apna ajnyaaatavaas vyateet kiya tha. yahaaain par panchakhand parvat par bheem taalaab aur iske hi nikat jain mandir aur Akbar ki chhatari hai jahaaain Akbar shikaar ke samay vishraam karta tha.

darshaneeya sthal

yeh sthal raaja viraat ke matsya pradesh ki rajdhani ke roop mein vikhyaat tha. yahi par paandavon ne apne ajnyaaatavaas ka samay vyateet kiya tha. mahaabhaarat kaaleen smrutiyon ke bhautik avashesh to ab yahaan naheen rahe kintu yahaan aise anek chinh hain jinse pata chalta hai ki yahaan par kabhi bauddh evam jain sampradaaya ke anuyaayiyon ka vishesh prabhaav tha. viraat nagar, jise poorv mein bairaath ke naam se bhi jaana jaata tha, ke dakshin ki or beejak pahaadi hai.

is ke oopar do samatal maidaan hain yahaan par vyavasthit tareeke se raasta banaaya gaya hai. is maidaan ke madhya mein ek golaakaar parikrama yukt inton ka mandir tha jo aayataakaar chaar deevaari se ghira hua tha. is mandir ke golaakaar bheetari dwaar par 27 lakdi ke khambhe lage hue the. ye avashesh ek bauddh stoop ke hain jise saanchi va saaranaath ke bauddh stoopon ki tarah gumbadaakaar banaaya gaya tha.

yeh bauddh mandir golaakaar inton ki deevaar se bana hua tha, jiske chaaron taraf 7 feet chaudi gailari hai. is golaakaar mandir ka pravesh dwaar poorv ki taraf khulata hua 6 feet chauda hai. baahar ki deevaar 1 feet chaudi inton ki bani hui hai. isi platform par bauddh bhikshu evam bhikshuniyon aadi ke chintan-manan karne hetu shraavak gruh bane hue the.

yahaan bani 12 kothariyon ke alaava anya kai kothariyon ke avashesh bhi chaaron taraf dekhe ja sakte hain. ye kothariyaan saadhaaranataya vargaakaar roop mein banaai jaati theen. in par kiye gaye nirmaan kaaryon par sundar aakarshak plaastar kiya jaata tha. is platform ke beech mein pashchim ki taraf shila khandon ko kaatkar guha-gruh banaaya gaya tha jo do taraf se khulata tha. ismein bhi bhikshuon evam bhikshuniyon ke nivaas ka prabandh kiya gaya tha. is guha gruh ke neeche ek chattaan kaatkar kund arthaat tanki bhi banaai gayi hai jismein pooja va peene ke liye paani ikattha kiya jaata tha.

viraat nagar ki buddh-dhaam beejak pahaadi par sthit is mandir ke pravesh dwaar par ek chattaan hai jis par bhaabaroo bairaath shilaalekh utkeern hai. ise bauddh bhikshu evam bhikshuniyon ke alaava aam log bhi padh sakte the. is shilaalekh ko bhaabaroo shilaalekh ke naam se bhi jaana jaata tha. yeh shilaalekh paali va braahmi lipi mein likha hua tha.

ise samraat ashok ne swayam utkeern karavaaya tha taaki janasaadhaaran use padhkar tadanusaar aacharan kar sake. is shila lekh ko kaalaantar mein 1840 mein british senaadhikaari captain bart dvaara katava kar Calcutta ke sangrahaalaya mein rakhava diya gaya. aaj bhi viraatanagar ka yeh shilaalekh vahaan surakshit rakha hua hai. isi prakaar ek aur shila lekh bheemasen doongari ke paas aaj bhi sthit hai. yeh us samay mukhya raajamaarg tha. beejak ki pahaadi par bane golaakaar mandir ke platform ke samatal maidaan se kuchh meter oonchaai par pashchim ki taraf ek chabootara hai jiske saamane bhikshu baithakar manan va chintan karte the. yaheen par ek svarn manjoosha thi jismein Bhagwan buddh ke do daant evam unki asthiyaan rakhi hui theen. ashok mahaan bairaath mein swayam aae the. yahaan aane ke pehle ve 255 sthaanon par bauddh dharm ka prachaar-prasaar kar chuke the. bairaath varshon tak buddham sharanam gachhaami, dhammam sharanam gachhaami se gunjaayamaan raha hai.

yeh sthal bauddh dharm ke prachaar prasaar ka kendra raha hai. kaalaantar mein jaakar jain samaaj ke viml soori naamak sant ne yaheen par rahakar varshon tapasya ki. aisi maanyata hai ki unheen ke prabhaav mein aakar Akbar ne sampoorn mugal raajya mein varsh mein ek sau chh: din ke liye jeev hatya band karavaai. viraat nagar ke uttar mein nasiya mein jain samaaj ka sangamaramar ka bhavya mandir hai. is mandir ki bhavyata dekhte hi banti hai. pahaad ki talahati mein sthit yeh mandir apni dhaval aabha ke kaaran pratyek aagantuk ko apni or aakarshit karta hai.

nasiya ke paas hi mugal gate bhi bana hua hai. is imaarat ko Akbar ne banavaaya tha. vah yahaan par shikaar ke liye aaya karta tha. yaheen par Akbar ne raajya ke liye sone chaandi evam taanbe ki takasaal sthaapit ki thi jo aurangajeb ke samay tak chalti rahi.

paavan dhaam

mahaan hindu sant, gobhakat mahaatma raamachandr veer dvaara sthaapit paavan dhaam panchankhand parvat par vajraang mandir bhi yahi sthaapit hai. is mandir ke vishay mein sabse mahatvapoorn baat ye hai ki yahaaain hanumaan ji jaati vaanar maani gayi hai, tan se unako maanav saamaan maana gaya hai. yeh mahaatma raamachandr veer ki janmabhoomi bhi hai.

viraat nagar se 90 ki॰mee॰ ki doori par Jaipur aur 60 ki॰mee॰ par alavar aur 40 ki॰mee॰ par shaahapura sthit hai.