viksit desh

viksit desh yaani audyogik desh, un deshon ko kaha jaata hai jinka kuchh maanakon ke anusaar uchch vikaas dar hai. ye maanak kaun hai aur kaun se desh audyogik ya viksit deshon ki shreni mein aate hain, yeh vivaadaaspad vishay hai. is charcha mein aksar aarthik maanakon ko shaamil kiya jaata hai. aise hi ek maanakon mein, prativyakti aay hai. jin deshon ka prativyakti aay yaani prativyakti sakal ghareloo utpaad jyaada hai vo viksit ya audyogik deshon mein gine jaate hain. doosra maanak, audyogikeekaran hai. jin deshon ki arthavyavastha udyog dhandhon par nirbhar hai vo audyogik desh kahalaate hain. anya maanakon mein maanav vikaas soochakaank, jismein raashtreeya aay ke saath jeevan pratyaasha aur shiksha shaamil hai. jo desh viksit desh banane ki hod mein hain unhein vikaasasheel desh kaha jaata hai. vikaasasheel deshon ko teesari duniya ke desh bhi kaha jaata hai. viksit aur vikaasasheel deshon se alag ek shreni hai aviksit desh ka.