vikramashila vishvavidyaalaya

vikramashila vishvavidyaalaya
ateesh deepankar

vikramashila vishvavidyaalaya Bihar raajya ke Bhaagalpur jile mein sthit tha. is vishvavidyaalaya ki sthaapana paal vansh ke raaja dharmapaal ne 775-800 i0 mein ki.[1] is vishvavidyaalaya ne apni sthaapana ke turant baad hi antarraashtreeya mahattv praapt kar liya tha. vikramashila vishvavidyaalaya ke prakhyaat vidvaanon ki ek lambi soochi hai. Tibet ke saath is shiksha kendra ka praarambh se hi vishesh sambandh raha hai. vikramashila vishvavidyaalaya mein vidyaadhyayan ke liye aane vaale Tibet ke vidvaanon ke liye alag se ek atithishaala thi. vikramashila se anek vidvaan Tibet gaye the tatha vahaaain unhonne kai granthon ka tibbati bhaasha mein anuvaad kiya. in vidvaanon mein sabse adhik prasiddh deepankar shreejnyaaan the jo upaadhyaaya ateesh ke naam se vikhyaat hain. vikramashila ka pustakaalaya bahut samruddh tha. vikramashila vishvavidyaalaya mein baarahaveen shataabdi mein adhyayan karne vaale vidyaarthiyon ki sankhya 3000 thi. vishvavidyaalaya ke kulapati 6 bhikshuon ke ek mandal ki sahaayata se prabandh tatha vyavastha karte the. kulapati ke adheen 4 vidvaan dwaar-panditon ki ek parishad pravesh lene hetu aaye vidyaarthiyon ki pareeksha leti thi.
is vishvavidyaalaya mein vyaakaran, nyaaya, darshan aur tantr ke adhyayan ki vishesh vyavastha thi. is vishvavidyaalaya ki vyavastha atyadhik susangathit thi. Bengal ke shaasak shiksha ki samaapti par vidyaarthiyon ko upaadhi dete the. san 1203 i0 mein bakhtiyaar khilji ne vikramashila vishvavidyaalaya ko nasht kar diya.[2]
yahaaain bauddh dharm aur darshan ke atirikt nyaaya, tattvajnyaaan, vyaakaran aadi ki bhi shiksha di jaati thi. vidyaarthiyon ki suvidha ke liye pustakein upalabdh karaai jaati theen tatha unki jijnyaaasaaon ka samaadhaan vidvaan aachaaryon dvaara kiya jaata tha. yahaaain desh se hi naheen videshon se bhi vidyaadhyayan ke liye chhaatr aate the. shiksha samaapti ke baad vidyaarthi ko upaadhi praapt hoti thi jo uske vishay ki dakshata ka pramaan maani jaati thi. poorv madhyayug mein vikramashila vishvavidyaalaya ke atirikt koi shiksha kendra itna mahattvapoorn naheen tha ki sudoor praanton ke vidyaarthi jahaaain vidya adhyayan ke liye jaaeain. iseeliye yahaaain chhaatron ki sankhya bahut adhik thi. yahaaain ke adhyaapakon ki sankhya hi 3000 ke lagbhag thi at: vidyaarthiyon ka unase teen guna hona to sarvatha svaabhaavik hi tha. is vishvavidyaalaya ke anekaanek vidvaanon ne vibhinn granthon ki rachana ki, jinka bauddh saahitya aur itihaas mein naam hai. in vidvaanon mein kuchh prasiddh naam hain- rakshit, virochan, jnyaaanapaad, buddh, jetaari ratnaakar shaanti, jnyaaanashri mishr, ratnavajr aur abhayankar. deepankar naamak vidvaan ne lagbhag 200 granthon ki rachana ki thi. vah is shikshaakendr ke mahaan pratibhaashaali vidvaanon mein se ek the. ab is vishvavidyaalaya ke keval khandahar hi avashesh hain.[3]

sandarbh

  1. "vikramashila vishvavidyaalaya". mithila vihaar. http://www.mithilavihar.com/mithilaStatic/bihar-SikShA_vyavasthA.html. abhigman tithi: 2009.
  2. ishvari prasaad, padmabhooshan (July 1986). praacheen bhaarateeya sanskruti, kala, raajaneeti, dharm tatha darshan. Allahabad: meenoo pablikeshan, myor road. pa॰ 355 se 356.
  3. "raashtreeya mahattv ki dharohar...". laaivahindustaan. http://www.beta.livehindustan.com/news/desh/national/39-39-65113.html. abhigman tithi: 2009.

inhein bhi dekhein

baahari kadiyaaain