vikramaaditya 6

vikramaaditya shashth (1076 – 1126 E) pashchimi chaalukya shaasak tha. vah apne bade bhaai someshvar dviteeya ko apadasth kar gaddi par baitha. chaalukya-vikram sanvat uske shaasanaaroodh hone par aarambh kiya gaya. sabhi chaalukya raajaaon mein vah sabse adhik mahaan, paraakrami tha tatha usaka shaasan kaal sabse lamba raha. usane 'paramaadidev' aur tribhuvanamall' ki upaadhi dhaaran ki.

vah kala aur saahitya ka sanrakshak aur sanvardhak tha. uske darbaar mein kannad aur sanskrut ke prasiddh kavi shobha dete the. uske bhaai keertivrma ne kannad mein 'govaidya' naamak pashuchikitsa granth likha. brahmashiv ne kannad mein 'samayapareekshe' naamak granth likha aur 'kavichkravarti' ki upaadhi praapt ki. 12veen shataabdi ke poorv kisi aur ne kannad mein utane shilaalekh naheen likhvaaye jitne vikramaaditya shashth ne. sanskrut ke prasiddh kavi bilhan ne 'vikramaankadevacharit' naam se raaja ka prashasti granth likha. vijnyaaaneshvar ne hindu vidhi se sambandhit mitaakshara naamak prasiddh granth likha. chandalaadevi naamak usaki ek raani (jise Abhinav sarasvati kehte the) achhi nrutyaangana thi. apne charamotkarsh ke samay chandragupt shashth ka vishaal saamraajya dakshin Bhaarat mein kaaveri nadi se aarambh karke madhya Bhaarat mein narmada nadi tak vistrut tha.