vikipeediya:vikipeediya kya naheen hai

yeh prushth hindi vikipeediya ki ek neeti ya niyam ke baare mein hai, jo ek aisa maanak hai jiska paalan sabhi sampaadkon ko saadhaaran taur par karna chaahiye. ismein badlaav tabhi kiya jaana chaahiye jab ispar sadasya-samaaj mein aam sahamati bani ho.

laghu path: vi:! vi:naheen vi:vinheen vi:kyaanaheen vi:viknahai

is panne ka saar: vikipeediya par jaankaari ki maatra vyaavahaarik roop se aseemit hai, lekin vikipeediya ek digital jnyaaanakosh hai aur isliye kaheen aur paayi sabhi jaankaari ya abhivyakti ko ismein shaamil karne ka lakshya naheen karti hai. haalaanki koi bhi sampaadak ho sakta hai, lekin vikipeediya samudaaya ki prakriyaaeain aur maanakon ne ise na araajakata, na jantantra aur na hi naukarashaahi banaaya hai. vikipeediya cheejon ko badhaava dene ke liye jagah naheen hai, vichaaraadhaara rakhane ki jagah, samvaad karne ke liye website, mukt media kendra, ya censor jnyaaanakosh naheen hai.

vikipeediya ek online jnyaaanakosh hai, aur use banaane ke liye jute hue aise logon ka ek samaaj bhi hai jo ek-doosare se aadarapoorvak vyavahaar karte hue is jnyaaanakosh ko badhaate hain. isliye, kuchh aisi bhi cheejein hain jo vikipeediya naheen hai.

vikipeediya kaagj par chhapa jnyaaanakosh naheen hai

vikipeediya kaagj par chhapa jnyaaanakosh naheen balki ek digital jnyaaanakosh pariyojana hai. pramaanikta aur is lekh mein kuchh ginti ke niyamon ko chhodkar, vikipeediya par vishyon aur likhaai par koi paabandi naheen. lekin kya kiya 'ja sakta hai' aur kya 'kiya jaana chaahiye' mein frk hai, jispar neeche saamagri ke vibhaag mein aur bataaya gaya hai. isliye, yeh neeti yeh haragij naheen kehti ki vikipeediya par manamaani cheej daali ja sakti hai: lekhon ko saamagri neetiyon ka paalan karna hoga, visheshakar vah neetiyaaain jinka ullekh panchasheel mein hai.

bahut se paathak vikipeediya par apne mobile fonon aur dheeme intaranet saadhanon ke jriye pahuainchate hain. aavashyakta se adhik lambe lekhon ko braaujron mein laane mein bahut samay lagta hai isliye lekhon ki lambaai seemaaon ke andar rakhani zaroori hai. lambe lekhon ko do ya us se adhik lekhon mein baant deejiye aur lekh ke oopar ke saaron ko chhota aur arth se bharpoor rakhiye. kuchh lekh chhote honge, lekin unamein baahari kadiyaaain daali ja sakti hain aur unhein zaroorat ke anusaar jaldi-jaldi badla ja sakta hai. vikipeediya kisi chhape jnyaaanakosh se aur kya antar rakhata hai, iske liye vikipeediya shaili nirdesh dekhiye.

kisi bhi jnyaaanakosh mein jaankaari sirf isliye naheen daali ja sakti kyonki vah sach hai ya laabhadaayak hai. haalaanki tarah-tarah ki shreniyon ke lekhon ko vikipeediya mein hona chaahiye ki naheen ise lekar vivaad hote rahate hain, fir bhi bahut tajurabe se bani aam sahamati hai ki neeche likhe udaaharan yeh dikhne ke liye achhe hain ki vikipeediya kya naheen hai. in vibhaagon mein udaaharan diye gaye hain, aur inke alaava bhi aisi cheejein hain jo vikipeediya par naheen honi chaahiye.

vikipeediya shabdakosh naheen hai

vikipeediya ek shabdakosh ya kisi shabd ya vaakya ki paribhaasha samajhaane wala kosh naheen hai. vikipeediya ke lekh nimnalikhit cheejon par kendrit naheen hote:

1. paribhaasha: har lekh ko ek achhi paribhaasha ya vyaakhyaan ke saath shuroo hona chaahiye lekin agar kisi lekh mein keval kisi shabd ki paribhaasha hi hai to use us vishay ke baare anya gyaan ke saath badhaane ki jrurat hai. agar aisa naheen kiya ja sakta, to vikipeediya par vah lekh naheen hona chaahiye. agar chaahein to use vikshanari par daaliye.
2. shabdakosh: jnyaaanakosh ke lekh kisi vyakti, samooh, avadhaarana, jagah, cheej, ghatna, vagairaah ke baare mein hote hain. kabhi-kabhaar koi shabd ya vaakya hi kisi lekh ka vishay hota hai, jaise ki kleeshe, pati ya madhu (shabd). lekin lekhon mein kabhi bhi kisi shabd ya vaakya ka ek se adhik taatparya naheen milta kyonki jahaaain shabdakoshon mein kisi shabd ke sabhi matlab samajhaae jaate hain vahaaain vikipeediya ke lekh ek hi cheej ke baare mein gyaan dete hain. fir bhi dhyaan dein ki sankhyaaon aur ankon ke saanskrutik mahatva ke baare mein likhe lekh sveekaarya hain. agar aap shabdakosh ki talaash mein hain to hamaari saathi pariyojana vikshanari dekhiye. agar vikipeediya par jod ke jriye aap kisi shabd ka shabdakosheeya arth samajhaana chaahein to paaraviki tareeke ka prayog karein.
3. shabd-prayog, kathaboli (slaing) aur muhaavare: bhaashaaoain, upabhaashaaon aur kathaboliyon par lekh zaroor banaaeain, jaise ki pashto, khadeeboli aur giij bhaasha ke lekh hain. lekin yeh lekh in bhaashaaoain ko seekhane vaalon ke liye kunjion ya paathon ke roop mein naheen hone chaahiye. vikipeediya paath, niymapustika, vaigyaanik lekh ya patrika naheen hai. agar aap aisi viki chaahate hain jismein kitaabein aur paath hon to hamaari saathi pariyojana vikibuks par jaaie.

vikipeediya mool vichaar aur naya shodh prakaashit karne ki jagah naheen hai

vikipeediya aapke taaja vichaaron, tippaniyon aur shodhon ya nai jaankaari ko prakaashit karne ki jagah naheen hai. hamaari mool soch varjit neeti ke tahat krupaya vikipeediya ka kisi bhi neeche likhi cheej ke liye istemaal na karein:

1. mool (nai) khoj ya shodh, jaise ki nae vichaar aur masalon ke hal bataana, nai vichaaradhaaraaeain bayaan karna, nae shabd gadhna, ityaadi. agar aapne kisi vishay par nayi jaankaari banaai hai to use kisi aur jagah chhapavaaie, jaise ki patrikaaeain, akhbaar, pustakein, bharosemand aur pramaanit vebasaaitein aur anya maanya prakaashan. agar aapki shodh kisi maanya jagah chhapati hai to, haaain, usaka prayog vikipeediya mein ho sakta hai. lekin dhyaan rahe ki mahaj chhap jaane se koi saamagri vikipeediya par sveekrut naheen hoti - vah kisi bharosemand aur pramaanit srot mein chhapi honi chaahiye jo ullekhaneeya bhi ho aur keval lekhak ki vyaktigat rai na darshaae.
2. vyaktigat aavishkaar. frj keejiye ki aapne ya aapke kisi mitr ne ek naya shabd 'frindala​' gadh diya, ya ek naya naach banaaya, ya fir ek naya bachchon ka khel ijaad kar diya. chaahe yeh duniya mein kitna hi lokapriya kyon na ho, ise vikipeediya par lekh ke yogya tab tak naheen mana jaaega jab tak kai, ek-doosare se svatantr, bharosemand aur pramaanit srot iske baare mein jaankaari na likhein. vikipeediya ek din mein banaai hui jaankaari ke liye naheen hai.
3. vyaktigat nibandh jo kisi vishay ke baare mein visheshagyon dvaara di gayi jaankaari ke bajaae aapki bhaavanaaeain bataate hain. vikipeediya maanavon dvaara gyaat jaankaari ko jama karne ka prayaas zaroor hai lekan yeh aapki raayon ko us jamaavade mein sammilit karne ka aujaar naheen hai. agar aisi anokhi paristhiti ban jaae ki ek vyakti ki rai ke baare mein kisi vishay ke sandarbh mein likhna aavashyak ho, jo usaki likhaai us vyakti ke atirikt anya logon ko karni chaahiye. agar aap kisi cheej par apni tippani dena chaahate hain to apne sadasya prushth par ya fir meta-viki par zaroor dein, lekin vikipeediya ke lekhon mein naheen. ek vikeeinfo naamak alag viki pariyojana bhi hai jismein lekhon mein vyaktigat rai shaamil karne ko badhaava diya jaata hai. vikipeediya par mehnat lagaakar vyaktigat nibandh na likhein kyonki yeh hata diye jaaeainge aur aapka shram akaaran hi bekaar jaaega.
4. charcha sabha. krupaya yahaaain jnyaaanakosh banaane ke lakshya par nazar rakhiye. vikipeediya-sambandhit vishyon par aap anya sadasyon se unke samvaad prushthon par aur lekhon ke masalon ke baare mein lekhon ke samvaad prushthon par baatcheet kar sakte hain, lekin yeh baatcheet lekhon mein kabhi sammilit naheen honi chaahiye. samvaad prushth bhi keval lekhon ko sudhaarane ke liye bane hain aur inapar lekhon ke vishyon par aam baatcheet ya rai-prastuti naheen karni chaahiye. udaaharan ke liye Bhaarat mein saaksharata ke samvaad prushth par bhaarateeya saaksharata ko badhaane ke upaayon par vichaar-vimarsh karna varjit hai. samvaad prushthon par vikipeediya par kaam karne ke nirdesh maaaingana bhi glat hai. agar aap sahaayata chaahate hain ya kisi vishesh maujoo par aapko koi prashan poochhana hai to chaupaal par aaiye - vahaaain sadasya samaaj aapke prashnon ka javaab zaroor dega. agar aap doosare mitr-sadasyon ke saath seedha khul-dul kar baat karna chaahein to #wikipedia jaisi I aar si channelon ka istemaal karein. dhyaan rakhein ki samvaad prushthon par daali gayi niti-viruddh saamagri hata di jaaegi.

vikipeediya bhaashan dene ya prachaar karne ka manch naheen hai

vikipeediya bhaashan aur upadesh dene ka manch naheen hai, jang ka maidaan naheen hai aur prachaar karne ka maadhyam naheen hai. yeh manaahi lekhon, shreniyon, saanchon aur samvaad prushthon par sabhi jagah laagoo hai. isliye vikipeediya par daali saamagri mein neeche likhi cheejein naheen honi chaahiye:

1. daleelein, prachaar ya bharteekaran: chaahe kisi bhi tarah ka ho, vyavasaayik, vyaapaarik, raajanaitik, khel-kood sambandhi, dhaarmik, raashtreeya, bhaasha-sambandhi, ya kuchh bhi. koi lekh aisi gatividhiyon ke baare mein nishpaksh roop se bata sakta hai lekin saari jaankaari bina koi paksh liye sammilit honi chaahiye. masalan angreji par lekh ho sakta hai lekin lekh swayam yeh paksh naheen le sakta ki yeh bhaasha achhi hai ya buri, ya kisi ko use seekhana chaahiye ya naheen. agar aap kisi vishay par koi daleel ya tark dena chaahate hain to krupaya anginat intaranet sabhaaon mein se kisi par bhi zaroor jaaiye, lekin vikipeediya par aisa karna varjit hai.^[1]
2. mat-prastuti: bahut se aise vishay hote hain, visheshakar raajaneeti, bhaasha, desh aur dharm ko lekar, jinpar log bhaavuk hokar rai prakat karne ke liye, upadesh sunaane ke liye, ya bhaashan dene ke liye taiyaar ho jaate hain. vikipeediya inka maadhyam naheen hai. sabhi lekhon mein santulit drushtikon hona zaroori hai, visheshakar aise samvedansheel vishyon ke lekhon mein. agar kisi vartamaan ghatna ya sthiti par lekh likha ja raha hai to sampaadkon ko koshish karni chaahiye ki lekh aise lahaje mein likha jaae jo jald hi puraana na lage. udaaharan ke liye agar aaj ki tithi 11 December 2012 hai aur 20 November 2012 mein ek rocket chhoda gaya tha to lekh mein '20 November 2012 mein rocket chhoda gaya' likhein na ki 'pichhle maheene rocket chhoda gaya' (kyonki yeh vaakya chand hi hafton mein glat ho jaaega).
3. keechad uchhaalana, afvaahein failaana ya gappe lagaana. jeevit logon ke baare mein jaankaari ka star vishesh roop se ooaincha hona chaahiye kyonki unke baare mein afvaahein failaana kaanoonan jurm ho sakta hai aur unke vyaktigat gopaneeyata ke adhikaar ka ulanghan bhi ho sakta hai. koi bhi lekh kisi bhi vyakti ke naam ya maan par hamla karne ke liye naheen likha jaana chaahiye.
4. vyaktigat prachaar. apne baare mein lekh banaane ko ya apni vyaktigat krutiyon ya pariyojanaaon ke baare mein likhne ke liye aapka dil lalacha sakta hai. lekin yaad rakhein ki jnyaaanakosh ke lekhon par laagoo hone vaale niyam aise lekhon par bhi poori tarah laagoo hain. nishpakshata banaae rakhana anivaarya hai, jo apne baare mein likhi baat par rakh paana kathin hai. aapki apni banaai saamagri ke liye jod daalna ya use srot banaana mana hai. aur jaankaari ke liye vikipeediya:jeevani, vikipeediya:ullekhaneeyata and vikipeediya:svaarth takaraav dekhiye.
5. vigyaapan. companyon aur beeche-khreede jaane vaale utpaadanon ke liye saari jaankaari poornat: nishpaksh lahaje mein prastut ki jaani chaahiye aur keval pramaanit, svatantr aur company ya utpaadan se har tarah asambandhit sroton se hi li ja sakti hai. iska arth yeh bhi hai ki chhoti ya sthaaneeya companyon par lekh aam-taur par vikipeediya par naheen daale ja sakte. kisi lekh mein us lekh se asanbandhit badi company ke liye baahari jod daalna bhi mana hai lekin agar vah company vishay-anukool hai to jod daala ja sakta hai. vikipeediya kisi bhi sangathan ya company ko sahaayata, saujanya ya samarthan naheen deti, isliye lekhon mein companyon ya utpaadanon ki badhaai ya ninda na karein. aisi sansthaanon ka zikr bhi tabhi hona chaahiye jab yeh companyon aur sangathanon ki ullekhaneeyata ki kasauti par khara utare. kisi bhi dhyeya, samaaroh aur janahit ghoshana ke prachaar ko, chaahe vah kitne hi bhale kaarya ke liye kyon na ho, vikipeediya par na daalein. iske liye intaranet par aur bahut si jagahein hain.

androoni vikipeediya neetiyon aur niyamon par sadasya prushthon par rai zaroor daali ja sakti hai, basharte usaka vikipeediya ke kaamkaaj se sambandh ho aur vah is kaarya mein adchane na daale.

vikipeediya jodon, chitron, filmon, gaanon ya faailon ki soochi ya dher naheen hai

vikipeediya doosari vebasaaiton ki saamagri ko nakl karke daalne ki jagah naheen hai. yeh jodon (linkon), chhaviyon aur anya faailon ki soochiyaaain ya dher banaane ki jagah bhi naheen hai.^[2] vikipeediya ke lekh nimnalikhit cheejon par aadhaarit naheen hote:

1. maatr baahari jodon (linkon) ke samooh ya intaranet daairektriyaaain. kisi lekh mein ek ya usase adhik saamagri-praasangik jod daalne mein koi harj naheen, lekin itne jod daalna ki lekh ki saamagri hi us ke aage chhoti dikhne lage uchit naheen hai. udaaharan ke liye jin vishyon par bahut si vebasaaitein bani hui hain (jaise ki Amitabh Bachchan) unamein kisi ek mukhya aur yogya vebasaait ka daalna to theek hai lekin us se adhik na daalein. is vishay mein aur hidaayaton ke liye baahari jod dekhiye.
2. maatr androoni jodon ke samooh. kisi lekh ko keval bahut se anya lekhon ke jodon ki soochi ya samooh ke roop mein banaana anuchit hai. haaain, agar kisi vishay ke naam ke kai matlab nikalte hain to uske liye ek bahuviklpi prushth bilkul banaaya ja sakta hai, jaisa ki aanandapur ke liye kiya gaya hai. aise bhi lekh hain jinka bada bhaag uchit kaaranon se soochi ke roop mein hota hai, jaisa ki Turkmenistan ke praant mein hai. inmein krupaya soochi sambandhit neetiyon ka paalan karein.
3. maatr saarvajanik domen ya anya jagah milne waali saamagri ke samooh. aisi pustakein, computer program, aitihaasik dastaavej, paatr, kaanooni dhaaraaeain, ghoshanaaeain, aur anya saamagri jo keval apne poorn roop mein hi prayog karne yogya ho vikipeediya par naheen daali jaani chaahiye. bahut si krutiyon par mudraadhikaar (kaupeeraait) laagoo naheen hain ya unapar lage mudradhikaaron ki avadhi khtm ho jaate se ve mukt roop se milti hain. agar chaahein to unhein vikisors par zaroor daalein, lekin vikipeediya par naheen. masalan raamacharitmaanas mudradhikaaron se mukt hai - ispar lekh banaana bilkul theek hai lekin is granth ko vikipeediya par naheen daala ja sakta. haaain, vikisors par raamacharitmaanas poora-ka-poora uchit roop se upalabdh hai. agar aisi saamagri ke chhote se kuchh ansh aap uchit sandarbh mein kisi lekh mein prastut karte hain to mool srot ko shreya dekar 'saahityik chori' ki neeti ka ullanghan karne se zaroor bachein - bina shreya diye kisi saamagri ke shabdon ko seedha-seedha chori karna vikipeediya par sakhta​ mana hai aur aapke kshetr mein kaanoonan jurm bhi ho sakta hai. ispar aur jaankaari ke liye aap mool sroton ka vistrut roop na prayog karne ki neeti aur saamagri samaaveshan neeti dekh sakte hain.
4. bina shabdon ke maatr chitron, dhvani-faailon aur video-faailon ke samooh. agar aap koi chitr paathakon ko prastut karna chaahate hain to vah sahi lekh mein aur sahi sandarbh prastut honi chaahiye. ya fir use vikimediya kaumans mein daal dein. kabhi bhi mudradhikaaron dvaara surakshit chhaviyaaain aur anya faailein chori na karein kyonki yeh ek kaanooni aparaadh hai.

vikipeediya blog, vebasaait seva, smaarak sthal ya saamaajik network naheen hai

vikipeediya twitter ya fesabuk ki tarah ka saamaajik network naheen hai. ispar aap apne niji vebasaait, blog, viki, faailaseva ya smaarak ke roop mein prayog naheen kar sakte. vikipeediya prushthon ko nimnalikhit cheejon ki tarah prayog naheen kiya ja sakta:

1. vyaktigat web prushth. vikisdasyon ke apne sadasya panne hote hain lekin unka istemaal keval vikipeediya ke kaarya se sambandhit cheejon ke liye hi kiya jaana chaahiye. ismein kuchh had tak aap apne baare mein niji jaankaari zaroor daal sakte hain lekin na to inhein aap apne vyaktigat web prushthon ke roop mein prayog kar sakte hain aur na hi inapar bahut-si aisi saamagri daal sakte hain jiska vikipeediya ke kaam se koi taallok naheen. agar aap apna niji web panna banaana chaahate hain, blog chalaana chaahate hain ya baayodeta daalna chaahate hain to intaranet par vikipeediya se asambandhit bahut-si muft sevaaeain upalabdh hain. unka istemaal keejiye. sadasya prushthon ko saamaajik network ki tarah mitrata karne ke liye, mitron se sampark banaae rakhane ke liye ya manoranjan ke liye prayog karna mana hai. inka istemaal aapasi taalamel se vikipeediya ke jnyaaanakosh ko badhaane ke liye hi karna chaahiye.
2. faailein rakhane ki jagah. vikipeediya par unhi faailon ko laaiye jinki jrurat lekhon mein ya pariyojana prushthon mein ho. baaki sabhi faailon ko hata diya jaaega. agar aapke paas aisi tasveerein ya dhvani-faailein hain jo gyaan ki drushti se aham hain to unhein vikimediya kaumans par daal dein jahaaain par kisi bhi bhaasha ke vikipeediya lekh unka prayog kar sakein. kabhi-kabhi kaumans par daali gayi achhi chhaviyon ka istemaal das se bhi adhik bhaashaaoain ke darjnon lekhon mein hota hai.
3. vivaah seva ya jeevanasaathi talaashane ki jagah. vikipeediya aise rishte banaane ki liye uchit jagah naheen hai. aap apne sadasya prushth par yeh kah sakatein hai ki aap stri hain ya purush, kaunasi bhaasha bolte hain, kaunase sthaan par rahate hain, ityaadi. agar vikipeediya ke kaarya ke dauraan anaayaas hi kisi se mitrata ho jaae jo rishte mein badal jaae to baat aur hai, lekin koi bhi sadasya apne prushth ka prayog spasht roop se rishte banaane ke liye naheen kar sakta.
4. smaarak. kisi vyakti par lekh banaane se pehle yeh aavashyak hai ki vah vikipeediya ki ullekhaneeyata ki kasauti par poora utare. yeh gujre hue doston, rishtedaaron, jaan-pehchaan vaalon, ya anya logon ke liye yaadagaar sthaapit karne ka sthaan naheen hai. haaain, durbhaagyavash agar kisi aise vikisdasya ka dehaant ho jaata hai jinhonne vikipeediya par anekon lekhon ka yogadaan diya ho aur jinke sadasya panne ya pannon par anya vikisaathi apne vaakya chhodna chaahein to, usaki mrutyu ki khabar ki sachchaai ko parakhane ke baad, aisa karne ki anumati hai.

agar aap viki takaneekon ka kisi gair-vikipeediya kaarya mein prayog karna chaahate hain, masalan apne vyaapaar mein anya logon ke taalamel se ek naya viki taiyaar karna chaahate hain, to vikipeediya istemaal karne ki bajaae bahut-si anya muft ya shulk-vaaleen viki sevaaon mein se ek ka prayog karein. skraichapaid viki laibj​ bhi ek viki seva hai jo niji viki chalaane ki ijaajt deti hai. angreji mein likha anya sevaaon par lekh bhi dekh leejiye.

yeh baat fir doharaane yogya hai ki saamagri par lagi yeh shartein aur rokatok aapke apne sadasya aur vaarta prushthon par bhi laagoo hai. vaastav mein aapke sadasya aur vaarta panne aapke apne naheen hain balki vikipeediya pariyojana ka hissa hain aur usaki badhautari ke liye hi prayog karne chaahiye. apne niji laabh ya prachaar ke liye inka istemaal karna mana hai. aur jaankaari ke liye sadasya prushth sahaayata par nazar daal lein.

vikipeediya nirdeshika (daayarektri) naheen hai

vikipeediya mein bahut si soochiyaaain aur nirdeshikaaeain hain jo vikipeediya ke lekhon ko sangathit aur aayojit karti hain. inse lekh dhooaindhane mein, ek lekh se anya sambandhit lekhon tak jaane mein aur vikipeediya ko badhaane ke kaarya mein madad milti hai. lekin vikipeediya sansaar ki sabhi cheejon ki soochi, taalika ya nirdeshika (daayarektri) naheen hai. agar vikipeediya se asambandhit cheejon ke liye aapko koi sthaan chaahiye to angreji mein likha anya sevaaon ka lekh dekhiye. vikipeediya ke lekh nimnalikhit cheejon par naheen hote:

1. kisi bhi manachaahe vishay ke baare mein banaai gayi soochi ya nirdeshika, masalan kathan (koteshan), muhaavare aur vyakti. agar aap kathanon (koteshanon) ko kaheen daalna chaahate hain to hamaari saathi vikikot pariyojana mein daaliye. haaain, vikipeediya par aisi mashahoor cheejon ki soochiyaaain sveekaarya hain jo ullekhaneeyata ki jrooreeyaat poori karein aur un lekhon ke liye aavashyak hon jinmein ve daali gayi hain. udaaharan ke liye cheen ke raajavansh mein ek aisi soochi hai jo us lekh ke liye aavashyak hai.
2. kisi bhi (asli ya kaalpanik) vyakti ki jeevani. keval un hi vyaktiyon par lekh ban sakte hain jo kisi kaaran se prasidd hon ya fir badnaam hon. is ullekhaneeyata ko is baat se bhi parakha ja sakta hai ki us vyakti ka anek svatantr, vikipeediya se asambandhit, pramaanit aur bharosemand sroton mein ullekh ho. jo log is kasauti par poore naheen utaarate unka zikr anya lekhon ke andar kiya ja sakta hai. udaaharanat: solaaris (upanyaas) ke lekh ke andar 'kris kailvin' naamak paatr ka naam aata hai jo swayam itna prasiddh naheen hai ki uske apne naam ka alag lekh ho.
3. doorabhaash nirdeshika (teleefon daayarektri). fon number, pate, imel pate, faiks number ityaadi ke liye jnyaaanakosh theek jagah naheen hai.
4. vyaapaarik soochi ya kaaryakram taalika. vikipeediya par kisi radio ya TV station ke kaaryakramon ki soochi, kisi company ki har daftar-shaakha ki jaankaari, ya kisi sansthaan ke har sammalen ka byaura na daalein. agar koi kaaryakram ullekhaneeyata ke maap par sahi baithe to yeh zaroor kaha ja sakta hai ki vah '1975 se 1986 tak dooradarshan par shukravaar ko 9 baje prasaarit hua karta tha'. isi tarah jis Congress ki baithak mein Bhaarat chhodo aandolan ka ailaan hua usaka zikr karna bhi uchit maana jaaega. dhyaan dein ki kisi lekh ke vaarta prushth ka lekh-sudhaar ke liye hi prayog ho, na ki us sansathaan ya company ka kaam chalne ke liye jiske baare mein vah lekh hai.
5. bikri soochiyaaain. kisi bhi cheej ka bikri-daam tab tak kisi lekh mein naheen hona chaahiye jab tak ki usaki lekh mein jrurat na ho aur uske liye svatantr, bharosemand aur pramaanit srot na ho. agar kisi vastu ya seva ko pradaan karne waali company se mukt akhbaaron, patrikaaon aur pustakon mein kisi cheej ke daam par dhyaan dekar tippani ki jaati hai (yaani sirf halka-fulka zikr naheen hota), to vah ek sanket hai ki us daam ki jaankaari jnyaaanakosh mein daalne yogya hai. is sthiti mein bhi daam daalne se pehle samajhaboojh se kaam lein kyonki daam samay-samay par badalate rahate hain. aaj se paaainch ya das varshon baad aapka likha padhne vaalon ke liye kya yeh jaankaari praasangik rahegi? vikipeediya par khreedane vaalon ke liye vibhinn sevaaon ya utpaadanon ke daamon ki tulana na karein kyonki yeh jnyaaanakosh ka dhyeya naheen hai.
6. utpaadanon mein har chhote badlaav ka byaura. agar kisi utpaadan par lekh hai to uske jeevanakaal mein hue mahatvapoorn vikaason aur badlaavon ki charcha karein lekin har chhote-mote parivartan ka naheen. 'amuk eyaralaainj ne sitmbar 2011 mein antarraashtreeya udaanein shuroo kar Dean' shaayad ullekhaneeya ho aur jnyaaanakosh mein daala ja sake, lekin 'amuk eyaralaainj ne apni Delhi se landan ki udaan par December 2010 mein ek ki bajaay do baar khaana parosana shuroo kar diya' haragij ullekhaneeya naheen hai.
7. gair-jnyaaanakosheeya taalikaaeain, jaisi ki "Kanpur mein biryaani banaane vaale bhojanaalaya" ya "maaikrosauft mein kaam karne vaale sindhi-bhaashi log' chaahein inmein aane vaale sabhi bhojanaalaya aur log ullekhaneeya hi kyon na hon aur unapar vikipeediya mein lekh hi kyon na bane hon. aisa isliye hai kyonki yeh taalikaaeain jnyaaanakosheeya star par ullekhaneeya jaankaari naheen deteen. isi tarah 'bachapan mein gulli-danda khelne vaale hindi film abhineta' vikipeediya par uchit taalika naheen hai, bhale hi 'gulli danda' aur in sabhi abhinetaaon par lekh hon. yahi neeti shreniyon par bhi laagoo hai. shreniyon se ullekhaneeya jaankaari milni chaahiye isliye atyaadhik shreneekaran na karein.
8. har sambhav tathya ka poorn vivran. lekhon ko apne vishyon ke baare mein pramaanit aur bharosemand jaankaari ka saar hona chaahiye.^[3] pramaanit tathyon par lekhon mein utana hi vajn daaliye jitna uchit hai.

vikipeediya paathyapustak, vaigyaanik patrika, kunji, sandarshika ya paath naheen hai

vikipeediya ek jnyaaanakosh hai, koi kunji, sandarshika, aadhyaatmik pustak, paathyapustak, paath, granth ya vaigyaanik patrika naheen. vikipeediya ke lekh padhne mein nimnalikhit cheejon jaise naheen hone chaahiye:

1. kunji ya sandarshika. vikipeediya mein logon, jagahon aur cheejon ka vivran zaroor hai lekin lekh kisi kunji, nuskhe, salaah ya sujhaav ke roop mein naheen hone chaahiye. ismein kisi cheej ko seekhane ke paath, kisi khel mein jeetne ki tarakeebein, koi vyanjan pakaane ke nuskhe, kisi beemaari ka ilaaj karne ki salaah, ityaadi naheen honi chaahiye. kisi bimaari par lekh ho to usamein pramaanit sroton ke saath yeh kaha ja sakta hai ki daaktar usaka ilaaj kis prakaar karte hain lekin usaka ilaaj karne ke liye mashavare ke roop mein koi vidhi dena varjit hai.^[4] agar aap logon ko kisi cheej ko karne ki salaah ya vidhi dena chaahate hain to use vikeehaao par daal sakte hain ya hamaari saathi vikibuks pariyojana par ja sakte hain.
2. yaatra maargadarshika. Delhi ke lekh mein us shahar ke kutub meenaar aur laal kile jaise mashahoor sthalon ke baare mein likha hona chaahiye lekin usamein apne manapasand hotel ka fon number, dhaula kuaaain ke chauraahe par sabse badhiya tarabooj bechne vaale ka naam ya Khan maarkit mein kulfi ke bhaav daalna uchit naheen hai. vikipeediya mein aisi saamagri na daalein jo safranaamon aur yaatra sandarshikaaon mein jaani chaahiye. jo sthaan ullekhaneeya hain unka zikr kiya ja sakta hai lekin Delhi ke lekh mein Delhi ki pratyek ullekhaneeya cheej daalne ki koi tuk naheen hai. agar aisa kiya gaya to lekh padhne laayak naheen rahega. agar aap yaatriyon ki madad karne ke liye kisi sthaan ke sabhi aakarshanon ki jaankaari daalna chaahate hain to vikipeediya ki bajaay vikeeyaatra (vikeetraival) ya vikiya traival par zaroor daalein.
3. video khelon ki kunji. kisi ullekhaneeya video khel ya computer khel ke baare mein bane lekh mein uske mukhya niyamon aur khilaadi ke jeetne ke liye aavashyak mukhya chaalon ko daalna theek hai, lekin us khel ke har pahalu ke baare mein vistaar dena uchit naheen. lekh mein har sambhav chaal, har ank batorane ki tarakeeb aur khel ke har marahale ke baare mein jaankaari na daalein. jnyaaanakosh mein khel ke vishay mein jaankaari di jaani chaahiye, lekin khilaadiyon ko jeetne ka prashikshan dena dhyeya naheen hai. is neeti ke baare mein aur jaankaari angreji bhaasha mein vi:veejeeskop par upalabdh hai.
4. intaranet sandarshika. vikipeediya ke lekhon mein kisi ullekhaneeya vebasaait ke baare mein sirf usaki shreni, rooparang aur sevaayon ko hi na bataaeain balki saath-hi-saath uske itihaas, mahatva, sambandhit ghatnaakram, upalabdhiyon aur asafalataaon ke saar ko bhi nishpaksh-drushtikon se jnyaaanakosh-anukool dhang mein prastut karein.
5. aksar poochhe jaane vaale prashnon ki soochi. vikipeediya lekhon ko kisi vishay ke baare mein 'aksar poochhe jaane vaale prashnon ki soochi' ke roop mein jaankaari naheen deni chaahiye. iske bajaae lekhon mein hi yeh jaankaari saadhaaran gadya ke roop mein daalein.
6. paathyapustak. vikipeediya ek jnyaaanakosh hai, shiksha ki pustak naheen. vikipeediya ka maksad tathyon ko pesh karna hai, shiksha ke lahaje mein gyaan pradaan karna naheen. paath ki tarah lagne vaale lekh likhna uchit naheen hai. agar aap shikshak ke svar mein likhna chaahate hain to apni saamagri vikipeediya par na daalein. iske bajaae vikibuks, vikisors aur vikeevarsiti par jaakar yogadaan dein. aise lekh likhna jismein paathakon se prashn poochhe jaaeain vikipeediya par anuchit hai. saadhaaran paathakon ke padhne ke liye aasaani banaae rakhane ke liye yeh bhi zaroori hai ki saamagri ko bina khandon mein vibhaajit kiye lambe parichhedon mein prastut naheen kiya jaae. lekh padhne mein saral hone chaahiye. jahaaain tak sambhav ho kuchh samajhadaari se chune hue sambandhit chitron ka bhi prayog karein.
7. vaigyaanik patrika ya shodh nibandh. vikipeediya ke har lekh ki prastuti aisi honi chaahiye ki unhein samajhne ke liye us vishay mein pehle se hi mahaarat hone ki aavashyakta na ho. oopar ke sabse pehle vaale anuchhed aur sabhi shuroo ke khandon mein bilkul saadhaaran boli mein mahatvapoorn tathya likhe hone chaahiye. inhein kisi bhi hindi padh sakane vaale aam paathak ko bina vishesh gyaan hue samajh paana chaahiye. haaain, agrim aur pecheeda shabdon aur avadhaaranaaon vaale lekhon ke liye jod daale ja sakte hain lekin unhein daalte hue yeh dhyaan mein rakhein ki adhiktar paathak un jodon par kabhi klik naheen kareinge. har sambhav prayatn karein ki paathakon ko vishyon ka mool saar samajhne ke liye lekh-se-lekh bhatakna na pade.
8. paathashaala waali, aakaadameeya ya prashikshan waali bhaasha. lekh aam paathakon ke liye likhe jaane chaahiye, vidyaarthiyon ke liye naheen. jahaaain tak sambhav ho, lekhon ke naam rojmarra mein prayog hone waali bhaasha par aadhaarit keejiye, vidyaalayon aur vishvavidyaalayon ki bhaasha par naheen.
9. ati-vishisht cheejon par lekh. kisi bahut hi vishisht maujoo par lekh likhne se pehle swayam se poochhein ki kya yeh vishay vaastav mein ullekhaneeyata ke maapdand par khara utarata hai. udaaharan ke liye 'Jodhpur mein ganne ke ras ki bikri' ke liye aap jod-tod karke shaayad saamagri ekatrit kar lein lekin agar Jodhpur kisi saanskrutik ya aarthik kaaranon se ganne ke ras ke liye vishesh roop se naheen jaana jaata to aisa baareek lekh ullekhaneeya naheen hai aur ise na banaae.

vikipeediya jyotishi ya bhavishya-darpan naheen hai

vikipeediya par apramaanit bhavishyavaaniyaaain karna varjit hai. agar kisi lekh mein kisi bhavishya mein hone waali ghatna ki apeksha ki jaati hai to uske liye bharosemand aur pramaanit sroton ka daalna aavashyak hai. aur aise lekh keval un vishyon par hone chaahiye to ghatna ghat jaane ke baad ullekhaneeya honge. sampaadakon ke liye aise lekhon mein apne mool vichaar, rai ya khoj jodna hamesha anuchit hai. sroton ke saath pramaanit visheshagyon ke bhavishyavaani karne vaale kathan zaroor jode ja sakte hain lekin sampaadakon ko aisa bahut saavadhaani se kisi tathya par anuchit vajn na daalte hue karna chaahiye. agar do jhagadte deshon, chamakistaan aur jamakistaan, ke yuddh ke baare mein 100 visheshagyon ka kathan hai ki donon mein se koi naheen jeet paaega aur 2 ka kathan hai ki jamakistaan jeetega, to lekh mein un do vidvaanon ke aadhaar par jamakistaan ke jeetne ki sambhaavana par adhik vajn dena glat hoga. visheshakar agar koi nai film ya kitaab aane waali hai to vijnyaaapanabaaji aur apramaanit tathyon ko prastut karne se bache (jaisa ki 'yeh film zaroor hit hone waali hai'). visheshakar filmon ke sambandh mein bani neeti (angreji mein) ko bhi dekh lein. visheshakar, dhyaan dein ki:

1. kisi bhavishya mein hone waali ghatna ke baare mein tabhi likhein jab vah ullekhaneeya ho aur uske vaastav mein ghatne ki lagbhag poori sambhaavana ho. jab tak ghatna ho na jaae, usaki tithiyon ko pakka naheen maanana chaahiye. agar kinhi ghatnaaon ki taiyaariyaaain jor pakad raheen hain to lekhon mein unke hone ki sambhaavana ko sroton ke saath pramaanit karne ki jrurat hai. udaaharan ke liye June 2012 mein likhe lekh mein landan mein hone vaale 2012 greeshmakaaleen olympic khelon par lekh sroton ke saath daala ja sakta hai lekin 2060 greeshmakaaleen olympic khelon ki koi taiyaari naheen chal rahi aur vah itna aage bhavishya mein hai ki usapar lekh naheen banaana chaahiye. haaain, agar kisi lekh mein kisi kaaranavash jrurat ho to kaha ja sakta hai ki olympic khelon ki samay-shrrunkhala ke anusaar 2060 mein olympic khelon ka aayojan apekshit hoga, haalaanki olympic aayojan ke har apekshit varsh ki soochi banaana anuchit hai. agar bhavishya mein bahut door koi bahut hi mahatvapoorn ghatna hone waali hai jispar bahut se pramaanit aur bharosemand srot hain, to usapar lekh bhi banaaya ja sakta hai. udaaharan ke liye angreji vikipeediya mein brahmaand ka antim bhaagya naamak ek bilkul uchit lekh bana hua hai jismein aaj se arabon varshon baad brahmaand ke bhavishya par saamagri sammilit hai.
2. kisi bhavishya mein hone waali ghatnaaon ke liye pehle se nirdhaarit naamon ki soochi ke naamon par lekh tab tak na banaaeain jab tak unke baare mein ullekhaneeya aur paaryaapt jaankaari na ho. udaaharan ke liye pandrahavi lok sabha san 2009 ke chunaavon mein nirvaachit hokar I. bhavishya mein 'teesavi lok sabha' ka bhi gathan hona lagbhag yakeeni hai, lekin uske baare mein jaankaari apaaryaapt hai. isliye 'teesavi lok sabha' naamak lekh na banaaeain. iske vipreet bhavishya mein hone waali kuchh vaigyaanik khojon ke liye lekh banaae ja sakatein hain kyonki unke baare mein aksar pramaanit aur kaafi jaankaari hoti hai. masalan shuddh aur anuprayogik rasaayan ka antararaashtreeya sangh (I you pi A si) pehle se hi kuchh aise raasaayanik tatvon (elimeinton) ke naam nirdhaarit kar leta hai jinka astitv abhi kisi prayogashaala mein pramaanit bhi naheen hua hota.
3. bhavishya mein banane vaale itihaas ko prastut karne vaale lekh vikipeediya par anuchit hain. vikipeediya mein aaj ke tathyon ko pesh kiya jaata hai na ki aane vaale tathyon ka. haaain, aise lekh jo pramaanit sroton ke prayog se visheshagyon, kalaakaaron aur shodhakartaaon ke bhavishya-sambandhi anusandhaan, vichaar, kaalpanik krutiyaaain ya bhavishyavaaniyaaain santulit aur nishpaksh lahaje mein prastut karatein hon vikipeediya par sveekaarya hain. isliye ameriki vigyaan katha (saains fikshan) telivijhn dhaaraavaahik "star trek" par aadhaarit "star trek mein prayog hone vaale hathiyaaron ki soochi" naamak lekh uchit hai lekin "truteeya vishvayuddh mein prayog hone vaale hathiyaaron ki soochi" uchit naheen hai.
4. yeh sach hai ki bahut-si aise vaigyaanik dhaaranaaeain hain jo aage jaakar jhoothi saabit hoti hain aur iske vipreet aisi bhi bahut-si vivaadit dhaaranaaeain hain jo aage chalakar sach saabit hoti hain, lekin inapar paksh lena ya bhavishyavaaniyaaain karna vikipeediya ka kaam naheen.
5. vikipeediya utpaadanon, vyaapaaron ya sevaaon ke baare mein ghoshanaaeain karne ya afvaahein failaane ki jagah naheen hai. vikipeediya par nae utpaadanon, vyaapaaron aur sevaaon ke baare mein sabse nai gyaat jaankaari daalna achhi baat hai lekin aise chhote lekh likhna jo keval aisi ghoshanaaeain karein anuchit hai. agar kisi utpaadan ke baare mein apaaryaapt pramaanit jaankaari hai to use ek ya do vaakyon mein kisi anya sambandhit lekh mein shaamil kiya jaana chaahiye. usaka alag chand vaakyon wala lekh na banaaeain.

vikipeediya akhbaar naheen hai

vikipeediya kaagj par chhapa hua naheen hai isliye ispar nai-se-nai jaankaari ke prayog se lekhon ko kabhi-bhi sudhaara ja sakta hai aur sudhaara jaana chaahiye. lekin har khabar aur har ghatna ko vikipeediya mein na daalein bhale hi ve pramaanit hi kyon na hon. vikipeediya ke lekhon mein nimnalikhit naheen hona chaahiye:

1. patrakaarita. vikipeediya par vikisdasyon ke aaainkhon-dekhe bayaan naheen hone chaahiye kyonki ve praathamik srot neeti ka ullanghan karte hain. vikipeediya par prastut har tathya ka pramaanit aur vikipeediya se poori tarah alag sroton se aana zaroori hai. agar aap apni taraf se swayam praathamik srot banana chaahate hain to hamaari saathi vikisors aur vikeenyooj pariyojanaaon par yogadaan deejiye. vikipeediya par lekh akhbaari shaili mein naheen likhe jaate.
2. khabarein. haalaanki vikipeediya ke lekhon ke liye samaachaarapatron mein chhapi khabarein bahut mahatvapoorn srot ho sakatein hain, lekin adhiktar khabarein chhaape jaane ke liye theek par jnyaaanakosh ke drushtikon se ullekhaneeya naheen hoteen. udaaharan ke liye aae din khelon, mashahoor hastiyon se sambandhit cheejon, chhoti-moti durghatanaaon aur ghoshanaaon ki khabarein chhapati rahati hain lekin yeh jnyaaanakosh ke liye uchit naheen hain. vikipeediya mein sammilit cheejon ki ullekhaneeyata sthaai honi chaahiye, yaani aaj se varshon aur dashakon baad bhi unhein mahatvapoorn samjha jaana chaahiye. vishesh dhyaan dein ki taaja ullekhaneeya jaankaari lekhon mein daalna uchit hai lekin ise aise likhein ki yeh anya prastut jaankaari ke saath hil-mil jaae. aap chaahein to ghatnaaon ki ullekhaneeyata neeti par bhi nazar daal sakte hain.
3. gair-ullekhaneeya vyaktiyon ka vivran. aksar kisi ullekhaneeya ghatna se sambandhit log swayam ullekhaneeya naheen hote. agar kisi vyakti ka naam keval ek hi ghatna se sambandhit hone ke liye ullekhaneeya hai, to aksar us vyakti ke naam ka lekh banaana uchit naheen hota. iske bajaae usaka naam keval us ghatna ke lekh mein hi sammilit hona chaahiye aur usapar uchit se adhik vajn naheen daalna chaahiye. adhik jaankaari ke liye jeevit vyaktiyon ki jeevaniyon par neeti padhein.
4. dincharya, rojnaama ya daayari. kisi vyakti ke baare mein likhte hue dhyaan dein ki haalaanki koi vyakti ullekhaneeya ho sakta hai, usase sambandhit adhiktar ghatanaaeain aur tathya ullekhaneeya naheen hote. telivijhn aur samaachaar-patron mein mashahoor hastiyon ke baare mein chhoti-chhoti khabaron ka taanta bandha rahata hai lekin in sabhi tathyon ko kisi lekh mein shaamil kiya jaae to vah lekh us vyakti ka niji rojnaama (daayari) lagne lagega. kisi cricket ke prasiddh khilaadi ke baare mein uske liye har run, uske khele har match aur uske milaae har haath ke baare mein jaankaari dena jnyaaanakosh ke liye uchit naheen hai.

vikipeediya manamaani cheejon ke baare mein jaankaari ka sangrah naheen hai

inhein bhi dekhein: vikipeediya:ullekhaneeyata

koi tathya sirf sach hone se ya pramaanit hone se hi jnyaaanakosh mein sammilit hone ke liye uchit naheen ban jaata. vikipeediya ke lekhon mein yeh baatein naheen honi chaahiye:

1. keval kisi rachana ka saar, bina atirikt jaankaari ke. vikipeediya par upanyaas aur anya katha-aadhaarit (fikshan) saahitya ke baare mein jnyaaanakosheeya andaaj mein likha jaana chaahiye. iska matlab hai ki uske kathaanak ke saar ke saath-saath us upanyaas ke baare mein anya jaankaari bhi deni chaahiye, masalan uske baare mein sameekshakon ne kya kaha, lekhak ne use kab chhapavaaya, usaka bhaashaantaran hua ki naheen, ityaadi. saar likhne ke liye saar likhne ki shaili par neeti dekh lein. yahi nirdesh kathetar saahitya (naun-fikshan), dhaarmik granthon, shodh nibandhon aur pustakon aur dastaaveji filmon (daukyoomaintariyon) par bhi laagoo hota hai.
2. keval gaanon ke bol. kisi gaane par bane lekh mein uske lekhak, prakaashan tithi, saamaajik ya saanskrutik prabhaav, sambandhit film, ityaadi ka zikr hona chaahiye. gaane ya kavita ki shaili dikhaane ke liye uske kuchh chune hue bol darshaae ja sakte hain. agar gaana mudraadhikaaron (kaupeeraait) se mukt hai to uske poore bol vikisors par daale ja sakte hain. agar gaana mudradhikaaron se mukt naheen hai to uske kuchh chune hue bolon ko gaane ki shaili dikhne ke liye ya gaane ke baare mein koi tippani karne ke liye kaanoon mein ijaajt di jaati hai. kabhi bhi aisi kisi baahari web prushth ke liye jod na daalein jispar poora gaana likha hua ho kyonki yeh mudradhikaaron ka ullanghan ho sakta hai. aur jaankaari ke liye praathamik sroton ki poorn likhaai na daalne ki neeti par nazar dauda lein.
3. aavashyakta se adhik aankade. kisi lekh ko aankadon ki lambi taalikaaon aur soochiyon se bhar diya jaae to vah paathakon ke padhne-yogya naheen rahata aur dikhne mein bhi bhadda lagta hai. aankadon ke saath-saath unka arth, mahatva aur sahi sandarbh samajhne ke liye bhi kuchh vaakya hone chaahiye. agar bahut se aankade hain to unhein ek taalika (table) mein prastut karne ki koshish karein. agar zaroori naheen hai to zyaada aankadein prastut na karein ya sankshiptata se prastut karein.

vikipeediya abhivechit (censor kiya gaya) naheen hai

vikipeediya par aisi saamagri ho sakti hai jise kuchh paathak anapi saanskrutik, dhaarmik ya vyaktigat maanyataaon ke hisaab se aapattijanak, ghrunaayogya ya dukhadaayak maane. vikipeediya is baat ki koi jmaanat naheen de sakta ki usamein prastut likhaai aur chhaviyaaain sabhi paathakon aur sabhi sthaanon ke liye sveekaarya hongi, ya sthaaneeya maanyataaon ka hamesha aadar kareingi.

vikipeediya par koi bhi sampaadan kar sakte hai aur lagbhag sabhi parivartan vikipeediya par fauran darshaae jaate hain. kabhi-kabhaar vikipeediya ki neetiyon ka ullanghan karne waali saamagri kuchh der ke liye pradarshit ho jaati hai haalaanki use aksar anya sampaadak jald hi hata dete hain. vikipeediya ki jinda logon ki jeevani neeti, nishpakshata neeti ya anya neetiyon ka ullanghan karne waali saamagri hata di jaaegi. vikipeediya ki saamagri sanyukt raajya America ke florida raajya mein sthit sanganak (computer) sarvaron par jama ki jaati hai aur us raajya ka sthaaneeya kaanoon ullanghan karne par hata di jaaegi.

is sab ke baavajood, kuchh lekhon mein aisi likhaai, chitr aur jod honge jo kuchh padhne vaalon ko bure lageinge haalaanki ve lekhon se sambandhit hain. iske baare mein neeti yeh hai ki saamagri keval buri lagne ke kaaran naheen hataai ja sakti. keval vahi saamagri jo vikipeediya neeti ya florida ke kaanoon ka ullanghan karti hai hataai jaaegi. agar aap kisi saamagri ko hatavaane ke baare mein baatcheet ka hissa bante hain to dhyaan dein ki aapke tark uske us lekh ke liye uchit hone par kendrit hon.

vikipeediya aisi koi saamagri naheen hatega jo kisi sangathan ke neetiyon ke viruddh ho ya jiska intaranet par pradarshit hona uske niyamon ke khilaaf ho. kisi sangathan, sansathaan ya dhaarmik gut ka koi niyam jo uske apne sadasyon ko naamon ya chitron ko khule taur par dikhaane se rokata hai vikipeediya par ktai laagoo naheen hai kyonki vikipeediya aise kisi dal ka sadasya naheen hai.

uparalikhit neetiyaaain saamagri par laagoo hoti hain. vikipeediya ke prashaasan aur prakriyaaon ke liye neeche likhi neetiyaaain bani hain.

vikipeediya avyavasthit naheen hai

raajanaitik soch mein ek raajanaitik pranaali 'araajakata' (enaarki) ki bhi hai, jismein samaaj ya desh mein koi aupachaarik prashaasan hota hi naheen. vikipeediya khula aur svatantr hai aur usapar koi bhi yogadaan de sakta hai. lekin iska matlab yeh naheen hai ki ismein araajakata hai. ismein manamaani naheen chalti aur ismein bina kisi seema ke mukt boli naheen hai. yeh ek sv-prashaasit samaaj hai. ismein neeti-niyam hain. yeh bhi dhyaan dein ki vikipeediya ka dhyeya ek jnyaaanakosh banaana hai, raajanaitik ya prashaasanik pranaaliyon par tajurabe karna naheen.

vikipeediya jantantra naheen hai

vikipeediya jantantra ya kisi bhi anya raajanaitik pranaali par kiya ja raha prayog naheen hai. iska faisale karne ka mukhya tareeka sampaadan aur samvaad hai, matadaan naheen. kabhi-kabhi sampaadak ek doosare ke mat jaanane ke liye chhoti-moti gintiyaaain kar lete hain lekin inke nateeje sahamati banaane ka ikalauta maarg bilkul naheen hain. aupachaarik chunaav keval sadasyon ko kametiyon ke liye chunane mein prayog hote hain. sampaadan mein inke jriye jbaradasti faisale karavaane ki koshish na karein.

vikipeediya jang ka maidaan naheen hai

vikipeediya dvesh rakhane, dushmaniyaaain banaane ya dikhaane, vyaktigat jhadpon mein padne, vichaaradhaaraaon ki ladaai ladne aur nafrat ya bhaya badhaane ki jagah naheen hai. vikipeediya ke sanvaadon ko vyaktigat yuddhon mein badal dena hamaari neetiyon aur dhyeyon ke viruddh hai. baatcheet mein ladaai se door rahane ke saath-saath, vivaadon mein apne niji drushtikon ko neetiyaaain ya saamagri badalkar adhik majboot karne ka prayaas na karein. kabhi bhi apni baat samajhaane ke liye vikipeediya ke kaam ya vikaas mein adchan na daalein.

sabhi sadasyon se ummeed ki jaati hai ki vah shishtata, shaanti aur sahayog ki maanasikta se doosaron ke saath vyavahaar kareinge. vivaadon mein doosaron ka apamaan na karein, unhein pareshaan na karein aur unhein daraane ki koshish na karein. buddhimaani aur vivek se kaam lein. agar koi aap se ashishtata se pesh aaye ya aapko daraane ya tang karne ki koshish kare to apni samajhadaari ka sahaara lekar swayam ko bekaar ki ladaai mein padne se rokein. iske bajaae keval prastut kiye gaye lekh-sambandhi tathyon par dhyaan dekar usapar samvaad karein. agar koi lagaataar badatameeji se pesh aaye to ho sake to use najrandaaj hi kar dein - us se baatcheet na karein. agar bahut pareshaani ho to maamala vikipeediya:chaupaal par laaeain, jahaaain prabandhak aur anya prashaasak aapki sahaayata kar sakte hain.

bade vivaadon mein vikipeediya ko do guton ke beech jang ka maidaan banane se rokein. sabhi sampaadakon ki neeyat shubh samajhein - sabhi gut aur log vikipeediya ka vikaas chaahate hain. jab aapka drushtikon doosare se alag ho, to yeh baat hamesha yaad rakhein. jis ke saath sahayog karna chaahein, zaroor karein, lekin doosaro se joojhane ke liye apna koi giroh taiyaar na karein. is se vikipeediya ke sahamati par aadhaarit faisale karne ke tareeke mein kathinaaiyaaain paida hoti hain. badi bahason mein achhi niyat se vivaad karne vaalon ke beech sarvasammati vaale kuchh siddhaant dhoondhein.

vikipeediya par kisi kism ki dhamaki na dein. yahaaain dhamakiyon ko bardaasht naheen kiya jaata aur kisi ko dhamakaane par aap par pratibndh lag sakta hai.

aisi ek buri cheejon ki lambi soochi banaai ja sakti hai jinmein se vikipeediya koi bhi naheen hai. ham pehle se hi har us khraab vichaar ya neeyat se nibatne ki taiyaari naheen kar sakte jo kisi ko aa sakta hai. is prushth par jitni bhi buri cheejon ka varnan hai, vah isliye hai ki kisi-na-kisi ne yeh glatiyaaain ki hain aur ham uske liye taiyaar naheen the isliye hamein neeti banaani padi. hamaari soch hai ki har sambhav bure vichaar ki taiyaari pehle se kar rakhana bhi apne-aap mein ek glati hai - vi:matar dekhiye - aur jo glati abhi hui hi naheen hai usase joojhane ki koi tuk naheen banti. apne vivek ka prayog karein - jab koi vichaar haanikaarak lage to use na karein.

• vikipeediya:svashiksha
• vikipeediya:panchasheel