vikipeediya:svashiksha/samvaad prushth

Play media

samvaad prushth kaise istemaal karte hain

samvaad prushth vikipeediya ka ek bahut hi mahatvapoorn ang hain aur lekhakon ko aapas mein baatcheet, rai-mashavara karne ka manch dete hain. yahaaain vikeesadasya aapas ke matabhed bhi sulajhaate hain. yaad rakhein ke yeh gapashap karne, upadesh aur bhaashan dene, aapas mein jang ladne aur vishay par idhar-udhar ki asanbandhit baatcheet karne ka manch naheen hai.

agar kisi lekh ke baare mein aapko koi prashn, chinta, aapatti ya sujhaav hai, to use lekh ke samvaad panne par daalein, swayam lekh mein naheen. iske liye lekh ke oopar "samvaad" ke taib par jaaeain. agar samvaad ka jod (link) laal rang mein hai, iska matlab hai ke samvaad prushth abhi khaali hai. yeh koi chinta ki baat naheen - vahaaain klik kar ke jaaeain aur naya prushth aarambh kar dein.

agar samvaad prushth mein pehle se kisi ne kuchh likha hua hai jiska javaab aap de rahein hain, to unke kathan ke neeche apni baat likhein. padhne mein aasaani rakhane ke liye apni likhaai ko "indeint" karein (yaani jra daaen ki or karein) - yeh ":" (dvibindu ya kolan) ke istemaal se aasaani se kiya jaata hai aur yaheen neeche samajhaaya jaaega. agar aap kisi ki pratikriya ka uttar naheen de rahein, to samvaad prushth par oopar "vishay jodein" ke taib par klik kar ke naya vishay aarambh kar sakte hain, jo seedha samvaad panne ke ant se shuroo hoga.

jab bhi aap samvaad prushth par kuchh likhte hain to hamesha apne kathan ke baad ~~~~ likhein (yaani ek-saath chaar baar ~ ka chinh). is se aapka vikinaam aur likhaai ka samay aapke kathan ke peechhe ek hastaakshar ki tarah jud jaaega. agar aap panjeekrut sadasya naheen hain ya aapne laug-in (login) naheen kiya hua, to aapke vikinaam ke bajaae aapka aai॰apee॰ (IP) pata likha jaaega. yaad rakhein ki aap hastaakshar karein ya na karein, kisi bhi vikipeediya ke panne par badlaav karne se aapke computer ka aai॰apee॰ pata us panne ke itihaas mein darj ho jaata hai aur use vishv mein koi bhi dekh sakta hai. agar aap naheen chaahate ke aapka aai॰apee॰ pata dekha jaae to panjeekrut sadasya bankar ek manapasand vikinaam chun leejiye. yeh poori tarah se muft bhi hai.

sadasya vaarta prushth

vikipeediya par har panjeekrut sadasya ka ek vaarta prushth hota hai jahaaain anya sadasya uske liye sandesh chhod sakte hain. gair-panjeekrut sadasya bhi yahaaain sandesh chhod sakte hain. agar kisi ne aapke liye naya sandesh chhoda hai to vikipeediya aapko oopar ki taraf ek "aapke liye ek naya sandesh hai" ki ghoshana dega jismein aapke vaarta prushth ke liye ek kadi hogi.

apne liye chhode gaye sandeshon ka aap do tarah se uttar de sakte hain: ya to apne hi vaarta panne par jahaaain vah sandesh chhoda gaya hai, ya fir sandesh chhodne vaale sadasya ke vaarta prushth par. sadasyagan donon hi karte hain, lekin dhyaan rakhana hoga ki agar aap apne pej" par javaab dete hain aur jisne aapko sandesh chhoda tha vah baar-baar aapke vaarta panne ko dekh naheen raha to use pata bhi naheen chalega ke aapne usako uttar de diya hai. agar aap yahi tareeka prayog karne vaale hain to apne vaarta panne par oopar logon ko bata dein ki sandesh chhodne vaale aapke vaarta panne par javaab dekhte rahein kyonki aap unke prushthon par koi javaabi sandesh naheen chhodne vaale.

indeint (khiskaav)

jab kisi vishay par bahut si baatcheet chal rahi ho to likhaai mein daaeain-baaeain khiskaav karne se aasaani se padha ja sakta hai ke kisne kya kaha hai, varana sabhi kuchh ek gutthi-sa lagta hai. saadhaaran niyam hai ki kisi ka javaab dete samay apni likhaai ko ek star daaeain ki or khiska deejiye.

vikipeediya par likhaai khiskane ke kai tareeke hain:

saadhaaran khiskaav

khiskane ka sabse saral tareeka hai ke kisi pankti ke bilkul shuroo mein ek dvibindu (: ka chinh, jise kolan bhi bolte hain) likhein. aap jitne dvibindu likheinge, likhaai utani hi daaeain ki or khisak jaaegi. agar aapne nai pankti shuroo ki (Enter ya Return dabaakar), to uske baad likhaai ke liye yeh khiskaav ant ho jaata hai.

masalan, yeh:

yeh poora baaeain ki or hai.

: yeh thoda sa khiska hua hai.

:: yeh thoda aur bhi khiska hua hai.

dekhne mein aisa lagta hai:

yeh poora baaeain ki or hai.

yeh thoda sa khiska hua hai.

yeh thoda aur bhi khiska hua hai.

nukte (bindu)

aap nukton (bindu/bulet pauints) ka bhi upayog kar sakte hain jo aksar soochiyon ke liye istemaal kiye jaate hain. nukta jodne ke liye taare (*) ke chinh ka prayog karein. khiskaav ki hi tarah, aap jitne taare daaleinge, aapki likhaai us nukte mein utani hi daaeain ko khiski hui hogi.

ek chhota sa udaaharan:

* soochi ka pratham nukta

* soochi ka doosra nukta

** doosare nukte ke neeche upasoochi ka ek nukta

* soochi ka teesara nukta

jo padhne mein aisa lagega:

• soochi ka pratham nukta
• soochi ka doosra nukta
  • doosare nukte ke neeche upasoochi ka ek nukta
• soochi ka teesara nukta

ankon waali soochi

aap aisi soochiyaaain bhi bana sakte hain jismein ank hon. iske liye ank vaale chinh (#) ka prayog kiya jaata hai. pehle ki hi tarah, aap jitne # ke chinh daaleinge, utana hi khiskaav hoga.

udaaharan:

# pehli baat

# doosari baat

## doosari baat ke neeche ek baat

# teesari baat

yeh aisa dikhega:

1. pehli baat
2. doosari baat
   1. doosari baat ke neeche ek baat
3. teesari baat

baatcheet ka udaaharan

yeh khiskaav ke sahi prayog se aasaani se padhe jaane waali baatcheet ki ek misaal hai:

namaste. mujhe is lekh ke baare mein ek prashan hai. ismein kaha gaya hai ki Haryana mein laal magaramachh milte hain lekin mujhe pakka vishvaas hai ki laal magaramachh keval Bihar mein hi milte hain! teevrabuddhi_55 02:49, 10 Dec 2003 (UTC)

aisa naheen hai, jab main pichhli dafa Bihar gaya to saare magaramachh hare rang ke the. — sarvasahaayakasinh 17:28, 11 Dec 2003 (UTC)

sarvasahaayak ji, zaroor dekhe honge, lekin vikipeediya par keval vah saamagri daali ja sakti hai jiske liye pramaanik srot ho. mool shodh poori tarah varjit hai. shakki mijaaj 20:53, 11 Dec 2003 (UTC)

aisi baat hai to dekhiye, magaramachh ke baare mein yeh patrikaaeain mujhse sahamat hain:

• vishv magaramachheeya samaachaar
• raktim magaramachh saaptaahik

ab kya kehte hain? — sarvasahaayakasinh 19:09, 12 Dec 2003 (UTC)

main dakshin Africa mein rahata hooain, aur yahaaain magaramachh bilkul shuturamurg jaise lagte hain! nimnalikhit sadasya sab mujh se sahamat hain: bhopaalameinbachapana_kepataaunameinjavaani 17:28, 14 Dec 2003 (UTC)

1. magaraheemagar 01:22, 15 Dec 2003 (UTC)
2. samudreebhediya 05:41, 15 Dec 2003 (UTC)
3. gehooainkumaar 18:39, 27 Jan 2004 (UTC)

dhyaan rahe ki agar aap apni pratikriya mein soochi banaana chaahate hain, to har nukte se pehle dvibindu (:) lagaana na bhoolein, jaise:

::: aisi baat hai to dekhiye, magaramachh ke baare mein yeh patrikaaeain mujhse sahamat hain:

::: * ''vishv magaramachheeya samaachaar''

::: * ''raktim magaramachh saaptaahik''

::: ~~~~

jaisa ki pehle kaha gaya tha, apni pratikriya par hastaakshar aisa kiya jaata hai:

• ~~~~ likhne se aapka vikinaam aur likhaai ka samay aa jaaega (sarvasahaayakasinh 19:09, 12 Dec 2003 (UTC))

agar aap chaahein to keval vikinaam ya keval samay bhi daal sakte hain, lekin log aisa bahut kam karte hain:

• ~~~ likhne se keval vikeenaam aaega (sarvasahaayakasinh)
• ~~~~~ likhne se keval samay aur tithi aaegi (19:09, 12 Dec 2003 (UTC)).

aajmaaie

ab aap swayam samvaad mein kuchh likhne ka anubhav kariye. isi lekh ke samvaad prushth par kuchh likhiye. yaad se apni likhaai ke baad hastaakshar lagaaie. aap pehle se maujood kisi tipnni ka uttar bhi de sakte hain. yaad rakhiye, apni likhaai sahejane se pehle aap "poorvaavalokan" karke dekh sakte hain ke jo aapne likha hai vah padhne mein kaisa lagega.