vikipeediya:svashiksha/sampaadan
| parichay | sampaadan | rooparang | vikipeediya jod | sandarbh aur srot | samvaad prushth | dhyaan rakhein | panjeekaran | jaate-jaate |
kuchh surakshit panno ke alaava har prushth mein ek "sampaadan" taib hota hai jis se aap us prushth mein badlaav la sakte hain. yeh sanpaadan karne ki sakshamata vikipeediya ka sabse buniyaadi lakshan hai, aur aapko prushth mein sanshodhan karne aur usamein tathya daalne ki anumati deta hai. agar aap tathya daalte hai to krupaya sandarbh dena na bhoole, kyoki asandarbhit tathya hataae ja sakte hain.
sampaadan karne ke abhyaas ke liye prayogasthal par jaakar "sampaadan" taib par klik karein. jab aap "sampaadan" taib par klik karege, ek sanpaadan khidki khul jaaegi jismein us prushth ka moolapaath hoga. usamein kuchh majedaar ya dilchasp likhe, ya shabdo ko hata kar apna paath likhe. fir "prushth saheje" par klik kare aur dekhein ki kya hota hai!
sanpaadan ka saaraansh
aapke is pehle sanpaadan ke abhyaas se do cheejein baahar chhod di gayi jo vaastav mein kare gaye lekh-sanpaadan mein ki jaani chaahiyein. chaliye fir se "sanpaadan" ka taib dabaaeain, kuchh aur likhein aur fir in do zaroori cheejon ko bhi karein.
pratham, jab bhi aap kisi lekh ko sampaadit karte hain to viki-shishtata ke niyamon ke anusaar yeh achhi baat maani jaati hai ki aap apne badlaav ke baare mein kuchh "saaraansh" ke dabbe mein likh dein. ismein aap yeh likh sakte hain ke aapne kis kaaran se yeh badlaav kiya ya aapka badlaav kis tarah ka hai, jaise "desh ka naam theek kiya" ya "fal ke baare mein mahatvapoorn jaankaari daali". agar aapka badlaav chhota-sa hai to "yeh ek chhota badlaav hai" naamak dabbe mein aap chinh laga sakte hain (yeh dabba keval panjeekrut sadasyon ko upalabdh hai - aap swayam ko aasaani se panjeekrut kar sakte hain aur yeh svashiksha lekh aapko aage chalakar panjeekaran ke baare mein sikhaaega).
poorvaavalokan
doosra, aap ko hamesha "poorvaavalokan" vaale batan ka prayog karna chaahiye. prayogasthal mein badlaav karne ke baad "lekh saheje" vaale batan ki bajaae "poorvaavalokan" wala batan dabaaeain. ab aapko vahi dikhega jo aapko lekh sahejane ke baad nazar aata, lekin aapke badlaav abhi saheje naheen gaye hain. ham sabhi samay-samay par glatiyaaain karte hain, aur poorvaavalokan ke prayog se ham lekh sahejane se pehle apni glatiyaaain pakadkar unhein sudhaar sakte hain. haaain, poorvaavalokan karne ke baad apne lekh ko sahejana na bhoolein!
lekh sahejein
poorvaavalokan ka prayog karke glatiyaaain sudhaar leen? sanpaadan ka saaraansh likh liya? to fir aap lekh sahejane ke liye taiyaar hain. "lekh sahejein" wala batan dabaaie!
is sambandh mein aur jaanane ke liye drushtibaadhit saathi drushtibaadhitaarth prushth bhi dekh sakte hain.