vikipeediya:shishtaachaar

is panne ka saar: yeh lekh vikipeediya aur yahaaain ke shishtaachaar se sambandhi jaankaari va rai upalabdh karaata hai va yeh ummeed ki jaati hai ki sabhi upayogakarta iska paalan kareinge.

sabse miljul kar shishtaachaar ke saath kaarya kare

vikipeediya ke sadasya vibhinn shaharon, raajyon va yahaaain tak anek deshon se aate hai. hamaare hindi vikipeediya par bhi anek praanton va sabhyataaon ke log apna yogadaan de rahe hai. Bhaarat jaise vibhintaaon vaale desh mein bhi ekta se sab shaanti se rah paate hai vaise hi yahaaain vikipeediya par bhi hamein dhyaan dena chaahiye ki har sadasya alag paristhiti, soch, vichaar, bhaasha va bhaugolik sthiti se aata hai va jaroori naheen ki kinheen do vyaktiyon ke vichaar har sambandh mein har samay ek doosare se mile.

mukhya baat yeh hain ki ham sabhi se tameej aur pyaar se pesh aayein taaki is bade kaarya jise ham vikipeediya kehte pe adhik se adhik yogadaan ho sake vah yeh prayaas adhik laabhakaari ban sake.

kuchh anya mukhya baatein jinpar aapka dhyaan hona chaahiye:

• sadbhaav kaayam kare - vikipeediya jis tarakki va neki ki raah par chal raha hai vo us neeti ki vajah se hi sampann ho paaya hai jo kisi ko bhi mukt roop se gyaan upalabdh karaati hai va kisi ko bhi kisi pratibndh ke bina usame aur adhik jaankaari jodne ka hak deti hai.
• sunahara vasool yaad rakhe - kisi doosare vyakti se vaise hi bartaav kare jaisa ki aap chaahate hai ki aap se ho. nae upayogakartaao se bhi. yaad rakhe ham sab bhi kabhi nae the.
• vinmr rahe - chaahe haalat kuchh bhi ho hamesha vinmr rahe isse yeh hoga ki aapki baat ant tak suni aur samajhi jaayegi.
• bhaavon ko samajhe - yahaaain vikipeediya par ham aapas mein vaarta likhkar karte hai va yeh ek achha maadhyam hai. par dhyaan dene waali baat yeh hai ki shabd aakhirkaar shabd hote hai va kore shabd kai baar asli mansha va bhaav pradarshit naheen kar paate ya saamane vaale ko iske peechhe ki mansha par sanshaya ho sakta hai. jitna ho sake khulkar va seedhe roop mein baat kare. shabdon ke chayan va likhne ke tareeke pe dhyaan de, taaki aapke saathi sadasya par iska vipreet asar na ho.
• apni pehchaan vyakt kare - har baar jab bhi aap kisi vaarta prushth par kuchh likhte hai to apne hastaakshar zaroor chhode, par sirf vaartaaon par na ki lekho par. vo alag baat hai ki aap kisi vishesh kaaran se apni pehchaan gupt rakhana chaahate ho. par isse aapke kahe gaye vaktavya ka bhaar kam ho sakta hai.
• samajhote ka prayaas kare - vichaaron mein matabhed hona laajmi hai par baat badhaane ki jagah ek madhyam raasta nikaale aur kisi nirnaayak samajhote tak pahuche.
• tathyon pe tark kare na ki vyaktitv par - vyakti vishesh ko nishaana na banaaye. yaad rakhe aapka unke kiye gaye kaarya se matabhed ho sakta hai par yeh koi niji dushmani naheen hai.
• baaton ka galat matlab naheen nikaale - jo kaha naheen gaya use sach na mane. jyaadaatar samay jo likha gaya hai vo hi kaha gaya hai. vibhinn pahaluon ki jagah seedha soche.
• uchit prashnon ki upeksha naheen kare - savaal kai tarah ke ho sakte hai va ho sakta sabhi hamein raas naheen aaye ya kuchh hamaare khud ke kaaryon ki sameeksha ke baare mein ho. yaad rakhe ki uchit prashn javaab ke hakdaar hote hai.
• aapke kiye gaye sanpaadan ki sameeksha - agar koi anya sadasya aapke dvaara kiye gaye sanpaadan se santusht naheen hai ya uske khilaaf hai to vaad-vivaad ki jagah tarkapoorn tareeke se yeh baat spasht kare ki aapka sanpaadan sahi kyon hai.
• apne vichaar rakhe - agar aapke paas kisi vishay ke baare mein koi uttar naheen ho to use sveekaar kare ya agar aap kisi vishay vastu ke khilaaf hai to use bataae va vajah saaf kare.
• sabhya rahe - chaahe koi bhi paristhiti kyon na ho hamesha sabhya bane rahe. isse aap saamane vaale ka dil jeet sakte hai. haan aisa karna kai baar mushkil ho sakta hai vo bhi jab vaarta aapke baare mein ya aap ki glatiyaaain nikaalne ke liye ho rahi ho. ho sakta hai ki saamane wala aap se sabhya na ho par aap shaaleenata ka parichay de.
• badtameeji ka javaab de par badtameeji se naheen - aisa karne vaale vyakti ko bataae ki vah kya galat kar rahe hai va aap is prakaar ke vyavahaar ka javaab naheen deinge va agar unhein aapse vaarta jaari rakhani hai to sabhyata se pesh aaye.
• kshama maange - kai baar ham bhaavana ke vash mein aisi kuchh baate kar jaate hai jinpar hamein baad mein khed hota hai. apni glati sveekaare. kshama maange.
• kshama kare aur bhool jaaye - agar aap kisi ko kshama kar rahe hai to fir dil se unhein maaf kar de, va nayi shuruaat kare. baad ke liye man kaala naheen rakhe.
• apne poorvaagrahon ko samajhe - ham mein se koi bhi paripoorn naheen hai. agar aap bhi koi poorvaagrah rakhate ho to unhein pahachaane va unape kaaboo rakhe.