vikipeediya:prushth hataane ki neeti

vikipeediya prushthon ko prabandhak evam utpaat niyantrak hata sakte hain. prushth hataaye jaane par vah prushth aur uske sabhi puraane avataran antarjaal par dikhaai dena band ho jaate hain. hataae gaye prushthon ko utpaat niyantrak evam prabandhak vaapas la sakte hain.

yeh vikipeediya neeti hataane ki jagah kuchh vikalp deti hai jinhein prushth hataane se pehle prayog karne ki koshish karni chaahiye. yeh neeti bataati hai ki vikipeediya prushthon ko kab aur kin kaaranon se hataaya ja sakta hai aur hataane ki kya-kya prakriyaaeain hain.

anya vikalp

prushth hataane ki jagah kai vikalp maujood hain:

  • lekh ko behtar banaana: yadi lekh ka vishay jnyaaanakosh ke anukool hai to use behtar banaaya ja sakta hai.
  • vilay karna: yadi ek hi vishay par ek se adhik lekh ban gaye hain to sabhi lekhon ko ek uchit naam par vilay kara ja sakta hai. yadi kisi aise vishay par lekh ban gaya ho jo swayam mein sampoorn lekh jitna bada naheen hai to use kisi sambandhit vishay ke lekh mein bhaag ke taur par vilay kiya ja sakta hai.
  • punarnirdeshan: yadi ek se adhik aise lekh ban gaye hain jinmein hoobahoo saamagri hai to un sabko ek hi lekh par punarnirdeshit kara ja sakta hai.
  • anya prakalp: yadi prushth jnyaaanakosh ke bajaae vikimeediya faaundeshan ke anya kisi prakalp ke anuroop hai to use hataane se pehle us prakalp par niryaat kar dena chaahiye.
  • aarkaaiving: yadi prushth par aisi saamagri athva charcha ho jo bhavishya mein kaam aa sakti hai, to prushth ko hataane ke bajaae usaka puraalekh bana lena chaahiye.

sheegra hataana

laghu path:
vi:sheeh

prushthon ko nimn kaaranon se bina kisi mat ke sheegra hataaya ja sakta hai:

vaishvik maapdand

ye maapdand vikipeediya par sabhi prakaar ke prushthon, arthaat sabhi naamasthaanon par laagoo hote hain:

koot maapdand vyaakhya
; va1. arthaheen naam athva sampoornataya arthaheen saamagri vaale prushth ismein ve prushth aate hain jinka naam arthaheen hai, udaaharan:"sdgfdg"; athva jinmein saamagri arthaheen hai, chaahe usaka naam arthaheen na ho, udaaharan:lekh jismein saamagri hai:"dhbdfhf"
; va2. pareekshan prushth ismein ve prushth aate hain jinhein pareekshan ke liye banaaya gaya hai, arthaat yeh jaanane ke liye ki sachmuch sadasya vahaaain badlaav kar sakta hai ya naheen. is maapdand ke antargat sadasyon ke upaprushth naheen aate.
; va3. saaf barbarata is maapdand ke antargat aise prushth aate hain jinpar keval barbarata ho. ismein keval vahi prushth aate hain jinke itihaas mein barbarata mukt koi bhi avataran na ho.
; va4. saaf dhokha is maapdand ke antargat ve prushth aate hain jinpar saaf dikhaai de raha dhokha ho.
; va5. khaali prushth ismein ve sabhi prushth aate hain jinmein koi saamagri naheen hai, aur na hi kisi puraane avataran mein thi. yadyapi yadi aise prushth agar kisi aise vishay par hon jispar prushth ban sakta hai to usamein saamagri daalne ki koshish karni chaahiye, parantu aisa karna anivaarya naheen hai. aise prushthon ko is maapdand ke antargat hataaya ja sakta hai.
; va6. saaf kaupeeraait ullanghan is maapdand mein ve sabhi prushth aate hain jo saaf taur par kaupeeraait ullanghan hain aur jinke itihaas mein ullanghan se mukt koi bhi avataran naheen hai. jin prushthon ke itihaas mein koi bhi kaupeeraait ullanghan mukt avataran ho unhein is maapdand ke antargat naheen hataaya ja sakta, balaki unhein us avataran par poorvavat kar diya jaana chaahiye. ismein ve prushth bhi aate hain jinpar daali gayi saamagri ka kaupeeraait swayam usi sadasya ke paas hai aur sadasya ne usaka pehla prakaashan kisi mukt license ke antargat naheen kiya hai.
; va6l. lekh ismein ve lekh bhi aate hain jinhein kisi anya vebasaait athva blog se jyon-ka-tyon athva bahut kam badlaavon ke saath kaupi-pest kar ke banaaya gaya hai.
; va6f. faailein ve sabhi faailein jo antarajaal par kisi aisi website se liye gaye hain jo saaf-saaf faail ko mukt license ke antargat naheen deti hai. is maapdand ke antargat ve faailein naheen aati hain jo kaupeeraait dvaara surakshit hain aur uchit upayog(fair use) ke antargat vikipeediya par srot, kaupeeraait jaankaari aur uchit upayog auchitya sahit hain. parantu, yadi kaupeeraait chitron par uchit upayog auchitya naheen diya hai to unhein is maapdand ke antargat hataaya ja sakta hai. antarajaal par upalabdh faailein aam taur par kaupeeraait hoti hain aur jab tak srot vebasaait par saaf taur par na kaha gaya ho athva faail ka kaupeeraait samaapt na ho gaya ho, antarjaal se li gayi faailein kaupeeraait maani jaayeingi aur is maapdand ke antargat aaeaingi.

ismein ve sabhi faailein bhi aati hain jinpar saaf-saaf galat license ka prayog kiya gaya hai. udaaharan:kisi film ke poster ko apna swayam banaaya kaarya kehna, ya kisi mukt license ke antargat upload karna.

; va6s. sadasya prushth sadasya apne sadasya prushth, vaarta prushth athva kisi upaprushth par kaupeeraait saamagri naheen rakh sakte aur aise prushthon ko sheegra hataaya ja sakta hai. ismein aise prushth bhi aate hain jinmein mukhya roop se "gair mukt uchit upayog chitron" ki deergha(gailari) ho, kyonki aise chitron ka sadasya naamasthaan mein prayog vikipeediya ki neetiyon ke viruddh hai. mukt chitron ki deergha is maapdand ke antargat naheen hataai ja sakti.
; va7. saaf prachaar is maapdand mein ve sabhi prushth aate hain jinmein keval prachaar hai, chaahe vah kisi vyakti-vishesh ka ho, kisi samooh ka, kisi product ka, athva kisi company ka. ismein prachaar vaale keval vahi lekh aate hain jinhein jnyaaanakosh ke anuroop banaane ke liye shuroo se dobaara likhna padega. yadi lekh ke itihaas mein koi aisa avataran hai jo ki poornataya prachaar naheen tha aur jismein kuchh jaankaari jnyaaanakosh ke anuroop bhi thi, to un lekhon ko is maapdand ke antargat naheen hataaya ja sakta, balki unhein us avataran par poorvavat kar diya jaana chaahiye.

lekh

la1. poornataya anya bhaasha mein likhe lekh

ismein ve lekh aate hain jo poornataya hindi ke alaava kisi aur bhaasha mein likhe hue hain, chaahe unka naam hindi mein ho ya kisi aur bhaasha mein.

la2. saaf prachaar

ismein ve sabhi prushth aate hain jinmein keval prachaar hai, chaahe vah kisi vyakti-vishesh ka ho, kisi samooh ka, kisi product ka, athva kisi company ka. ismein prachaar vaale keval vahi lekh aate hain jinhein jnyaaanakosh ke anuroop banaane ke liye shuroo se dobaara likhna padega. yadi lekh ke itihaas mein koi aisa avataran hai jo ki poornataya prachaar naheen tha aur jismein kuchh jaankaari jnyaaanakosh ke anuroop bhi thi, to un lekhon ko is maapdand ke antargat naheen hataaya ja sakta, balaki unhein us avataran par poorvavat kar diya jaana chaahiye.

la4. pratilipi lekh

is maapdand ke antargat vo lekh aate hain jo kisi puraane lekh ki pratilipi hain. ismein ve lekh bhi aate hain jo kisi aise vishay par banaae gaye hain jinpar pehle se lekh maujood hai aur puraana lekh nae lekh se behtar hai. aise prushthon ko is maapdand ke antargat keval tabhi hataaya jaana chaahiye yadi unhein punarnirdeshit karna sambhav na ho. udaaharan:yadi kisi bahuviklpi naam vaale prushth par sambhav vishyon mein se kisi ek vishay ka prushth bana diya jaae. ya fir kisi galat naam se lekh bana diya jaae, jaise vikipeediya par vikimeediya faaundeshan par lekh.

faailein

f1. 14 din(2 saptaah) se adhik samay tak koi license na hona

ismein ve sabhi faailein aati hain jinmein upload hone se do saptaah ke baad tak bhi koi license naheen diya gaya hai. aisa hone par yadi faail puraani hone ke kaaran saarvajanik kshetr(pablik domen) mein naheen hogi, to use sheegra hata diya jaaega.

f2. chitr ka vikimeediya kaumans par srot aur license jaankaari sahit upalabdh hona

ismein ve sabhi faailein aaeaingi jo vikimeediya kaumans par usi naam athva kisi aur naam se upalabdh hain, kyonki kaumans ki faailon ko vikipeediya par seedhe prayog kiya ja sakta hai aur ve anya prakalpon par bhi prayog ki ja sakti hain. jo faailein kisi aur naam se upalabdh hain, unhein hataane se pehle unki jagah kaumans ki faail ka prayog karna hoga. yadi kaumans ki srot jaankaari galat ho, jaise vah faail hindi vikipeediya par kaumans se pehle kisi aur sadasya ne apna swayam ka kaarya upload kiya ho, to aisi faail ko hataane se pehle kaumans par di srot jaankaari theek karni athva karavaani anivaarya hai.

f3. aprayukt gair mukt uchit upayog faail

is maapdand ke antargat ve faailein aati hain jo kaupeeraait surakshit hain aur uchit upayog hetu vikipeediya par daali gayi hain, parantu jinka koi upayog na kiya ja raha hai aur na hi hone ki sambhaavana hai. jo chitr kisi aise lekh ke liye upload kiye gaye hain jo banaaya jaana hai, unhein is maapdand ke antargat tabhi hataaya ja sakta hai yadi unke upload hone ke 7 din pashchaat tak vo lekh na bane.

f4. gair mukt uchit upayog upayog faail jispar koi uchit upayog auchitya na diya ho

aisi kaupeeraait surakshit faailein jinpar 7 din tak koi uchit upayog auchitya na diya ho, unhein is maapdand ke antargat hataaya ja sakta hai. aise chitron ko hataane se pehle yeh koshish karni chaahiye ki unako hataane ke bajaae unapar uchit upayog auchitya lagaae jaaeain, parantu aisa karna hataane ke liye naamaankit karne vaale athva hataane vaale sadasya ki jimmedaari naheen hai.

f5. gair mukt faailein jinka mukt vikalp upalabdh ho

is maapdand ke antargat ve faailein aati hain jo gair mukt hain aur jinka koi mukt vikalp upalabdh hai. yeh aavashyak naheen ki mukt vikalp hoobahoo vahi faail ho. udaaharan: yadi kisi vyakti ka mukt chitr upalabdh hai, to uske gair mukt chitr is maapdand ke antargat hataae ja sakte hain.

f6. faalatoo faailein

is maapdand ke antargat ve faailein aati hain jinka koi prayog naheen ho raha hai aur jinka koi jnyaaanakosheeya prayog naheen kiya ja sakta hai. ismein chitr, dhvaniyaaain evam video faailein naheen aati hain.

saaainche

saa1. aprayukt saaainche jinki jagah kisi behtar saaainche ne le li hai

iske antargat ve sabhi saaainche aate hain jo ab prayog mein naheen hain aur jinki jagah unase behtar kisi saaainche ne le li hai. yadi nae saaainche ke behtar hone par vivaad ho, athva saaaincha prayog mein ho to neeche di hataane hetu charcha prakriya ka prayog karein.

sadasya prushth

sa1. sadasya anurodh

yadi sadasya apne sadasya prushth, vaarta prushth athva kisi upaprushth ko hataane ka swayam anurodh karta hai to us prushth ko sheegra hataaya ja sakta hai.

sa2. astitvaheen sadasyon ke sadasya prushth athva upaprushth

aise sadasyon ke prushth, vaarta prushth athva upaprushth jo vikipeediya par panjeekrut naheen hain; is maapdand ke antargat sheegra hataae ja sakte hain.

sa3. web host ke roop mein vikipeediya ka spasht durupayog

sadasya sthaan mein prushth aise lekhan, jaankaari, charcha, aur/ya gatividhiyon se milkar bana hai jiska vikipeediya ke lakshyon se baareeki se sambandh naheen, jahaaain svaami ne sadasya sthaan ke baahar bahut kam ya koi sanpaadan naheen kiya hai. mumkin draft aur vi:sapru#mere sadasya prushthon mein kya ho sakta hai? ka paalan kar rahe prushth is maapdand ke apavaad hai.

hataane hetu charcha

jo bhi prushth oopar diye gaye maapadandon ke antargat naheen aate, unhein hataane ke liye is prakriya ka prayog kiya jaana chaahiye. is prakriya ke antargat prushth ko vikipeediya:prushth hataane hetu charcha par hataane ke liye naamaankit karein. vahaaain prushth ko hataane par charcha ki jaaegi aur sadasya milkar yeh faisala kareinge ke prushth ko vikipeediya par rakha jaana chaahiye ya naheen. aisi charcha mein keval mat naheen gine jaate balaki unke peechhe ke tarkon par bhi dhyaan diya jaata hai. yahaaain par charcha ke pashchaat yadi faisala prushth ko hataane ka ho to use hata diya jaaega aur hataane ki charcha vikipeediya:prushth hataane hetu charcha ke puraalekh mein daal di jaaegi. isse yadi us prushth ko fir kabhi banaane ki baat aati hai, to use pehle hataane ka kaaran pata chal jaaega. yahaaain par lekh ko naamaankit karne ke aam kaaran ho sakte hain:

  • lekh ki nishpakshata atyant vivaadit hona
  • lekh ke vishay ki ullekhaniyta vivaadit hona
  • atyant vishisht naam ki shreni hona jismein adhik lekh hone ki sambhaavana na ho
  • gair mukt faail ke uchit upayog ke auchitya par vivaad hona

sahaayak kadiyaaain

  • shreni:sheegra hataane hetu saaainche: is shreni mein sheegra hataane ke maapadandon se sambandhit sabhi saaainche hain
  • shreni:vikineetiyaaain: is shreni mein hindi vikipeediya par laagoo sabhi neetiyaaain hain
  • vikipeediya:shaili maargadarshak: achhe lekh likhne hetu sahaayata