vikipeediya:pramukh lekh/puraalekh/2013

vishisht aapekshikta siddhaant gatisheel vastuon mein vaidyutasthitiki par apne shodh-patra mein albart aainsteen ne 1905 mein prastaavit jadtveeya nirdesh tantr mein maapan ka ek bhautik siddhaant diya. gaileeliyo gailili ne abhigruheet kiya tha ki sabhi samaan gatiyaaain saapekshik hain aur yahaaain kuchh bhi nirpeksh naheen hai tatha kuchh bhi viraam avastha mein bhi naheen hai, jise ab gaileeliyo ka aapekshikta siddhaant kaha jaata hai. aainsteen ne is siddhaant ko vistaarit kiya, jiske anusaar prakaash ka veg nirpeksh va niyat hai, yeh ek aisi ghatna hai jo maaikalasan-morale ke prayog mein haal hi mein drushtigochar hui thi. unhone ek abhigruheet yeh bhi diya ki yeh sabhi bhautik niyam, yaantriki va sthirvaidyutiki ke sabhi niyamon, vo jo bhi hon, samaan rahate hain. is siddhaant ke parinaamon ki sankhya vruhat hai jo praayogik roop se prekshit ho chuke hain, jaise- samay vistaaran, lambaai sankuchan aur samakshanikta. is siddhaant ne nishchar samay antaraal jaisi avadhaarana ko badalkar nishchar dik-kaal antaraal jaisi nai avadhaarana ko janm diya hai. is siddhaant ne krantikaari dravyamaan-oorja sambandh E=mc² diya, jahaan c nirvaat mein prakaash ka veg hai, yeh sootr is siddhaant ke do abhigruheeton sahit anya bhautik niyamon ka sayunkt roop se vyutpan hai. aapekshikta siddhaant ki bhavishyavaaniyaaain nyootaneeya bhautiki ke parinaam ko sahaj hi ullekhit karte hain. vistaar se padhein...

barfi! 2012 mein pradarshit romeintik haasya-naatak hindi film hai jiske lekhak, nirdeshak va sah-nirmaata anuraag Basu hain. 1970 ke dashak mein ghatit film ki kahaani Darjiling ke ek goonge aur bahare vyakti marfi "barfi" Johnson ke jeevan aur uske do mahilaaon shruti aur mandabuddhi ke saath sambandhon ko darshaati hai. film mein mukhya bhoomika mein Ranbeer Kapoor (chitrit), Priyanka Chopra aur iliyaana di'krooj hain tatha sahaayak abhinay karne vaale saurabh shukla, aasheesh vidyaarthi, aur roopa Ganguly hain. lagbhag 30 karod (US$4.38 million) ke bajat mein bani, barfi! vishv star par 14 sitmbar 2012 ko vyaapak sameekshakon ki prashansa ke saath pradarshit hui. sameekshakon ne abhinay, nirdeshan, patakatha, chhaayaankan, sangeet aur shaareerik roop se viklaang vyaktiyon ke sakaaraatmak chitran ki prashansa ki. film ko box-office par badi saflata praapt hui, parinaamasvaroop yeh Bhaarat aur videshon mein 2012 ki uchchatam arjak Bollywood filmon ki shreni mein shaamil hui. duniya bhar mein film ne Ru.. 175 karod (US$ 25.55 million) arjit kiye. film ko 85vein academy puraskaaron ki sarvashreshth videshi bhaasha film shreni ke naamaankan ke liye bhaarateeya aadhikaarik pravishti ke roop mein chuna gaya. vistaar se padhein...