vikipeediya:prabandhak

dhyaan de ki prabandhak ka chinh ek jhaadoo hai. iska arth hai unke dvaara kiye jaane vaale kaamon se jinse ki vah vikipeediya ko ek svachh samaaj banaate hai va doshon ko door kar use saaf karte hai. yeh is baat ki bhi pehchaan hai ki apne aap ko vishesh vyakti na maankar apne aapko samaaj ka sevak maanate hain.

prabandhak (angreji:Administrators) jinhein edmins ya sis-ops (system chalaane wala) bhi kaha jaata hai, vikipeediya ke vah sampaadak sadasya hai jinhein vikipeediya pranaali ke kuchh aavashyak aur apratibndhit aujaaron ya vishesh aadeshon ko kaam mein lene ki anumati hoti hai. jaise ki prabandhak kisi lekh ya prushth ko mita sakte hain, anya sadasyon ko pratibndhit kar sakte hai ityaadi .

prabamdhak poornat: swayamsevak hote hai aur vikimeediya sanstha ke karmachaari naheen hote. unhein apne adhikaaron ko upayog karna aavashyak naheen hai aur vah inka upayog kisi aise vivaad mein naheen kar sakte jismein ve swayam sammilit hon.

hindi vikipeediya par nivartamaan samay mein 6 prabandhak hain.

koi bahut badi baat naheen

vikipeediya ke praarambhik dinon mein har sadasya hi ek ekal paasavard ka upayog karke prabandhak ke rup mein kaarya karta tha. yeh paasavard svatantr roop se saunp diya jaata tha.[1] vikipeediya ka nivartamaan prashaasakatv code sanshodhan ka nateeja hai jisne ekal paasavard ke upayog dvaara yeh kaarya karne ke sthaan par prakriya ko bhoomika-aadhaarit abhigm niyantran (angreji:role-based access control (RBAC)) kar diya tha. is kaaryapranaali mein vyaktigat khaate ko kuchh vishisht aavashyakataaon ko poora karne par ek ya ek se adhik flaig diya jaata hai, jo us khaataadhaarak ko samaanya sampaadakon se alag kuchh upakaranon ko upayog karne ki suvidha deta hai.

is parivrtanakaal ke dauraan is baat par bal diya gaya tha ki prabandhakon ko ek vishesh upasamooh mein kabhi naheen viksit karna chaahiye. balki, prabandhakon ko anya sampaadkon ki tarah samudaaya ka ek hissa hona chaahiye, iske saath hi jab ye sampaadak ke roop mein kaarya karein to inhein koi vishesh shaktiyaaain ya visheshaadhikaar naheen milne chaahiye. sadaiv yeh maana gaya hai ki prabandhak samaaj ka koi vishesh bhaag na hokar usi ka sadasya hai. dekha jaaye to vikipeediya ke adhiktar prabandhan ke kaarya koi bhi kar sakta hai, jinke liye kisi vishisht takaneeki upakaranon ki aavashyakta naheen hoti jo prabandhakon ko diye gaye hain.

vikipeediya ke sansthaapak Jimmy vels ke anusaar:

main yeh kehna chaahata hooain ki sis-op banana *koi bahut badi baat naheen hai*.

mera maanana hai ki main un logo ko yeh adhikaar doonga jo ki kuchh samay se yahaaain sakriya hai. main prabandhak shabd ke hauve ko samaapt karna chaahata hooain. yeh to keval takaneeki baat hai ki kisi ko yahaaain ke kuchh mukhya takaneeki kaarya karne ke liye chuna gaya, sabhi ko naheen.

main naheen chaahata ki koi soche ki prabandhak pad koi vishesh tamaga hai.

is poore kathan ka yeh arth lagaaya ja sakta hai ki takaneeki kaaryo ko daayitvapoorn roop se va sahi karna jitna mahattvapoorn hai utana, vahi keval ek prabandhak hona naheen.

prabandhak kaise bane

vikipeediya ke anusaar koi tay niyam naheen hai jinse ki koi prabandhak ban sakta aur naheen. koi bhi prabandhak pad ke liye aavedan kar sakta hai. aavedak ka poorv mein vikipeediya par anubhav ke bajaay yahaaain us par vishvaas hona adhik aavashyak hoga. par fir bhi aavedak dvaara poorv mein kiye gaye kaaryo ka mahatva to hai hi. har sampaadak ki drushti mein kisi pratyaashi ke baare mein alag-alag vichaar ho sakte hai. unka vishvaas praapt karna unke aapke baare mein vichaaron par nirbhar hai. naamaankan ke liye nivedan karne se pehle ya kisi aur dvaara kiye gaye aapke naamaankan ko sveekaarane se pehle yeh dhyaan de ki pratyaashi ko kam se kam kuchh maheene se vikipeediya par sakriya hona chaahiye, yahaaain ke kaamo se parichit hona chaahiye ki kya kaise kiya jaata hai. achhe vyavahaar aur vikipeediya ki neeti nirdeshon mein vishvaas use maanana chaahiye aur samaaj ka vishvaas praapt karna chaahiye.

yadi aap prabandhak ke sabhi kaanoonon aur neeti nirdeshon se sahamat hai to aap apne naamaankan ke liye nivedan se sambandhit adhik jaankaari ke liye chaupaal par jaaen. naamaankan hone ke baad uske baare mein samaaj dvaara is baare mein charcha hogi na ki koi matadaan. lagbhag ek saptaah baad ya jaise ki prashaasak ki mansha ho is charcha ko samaapt kar use par nirnaya liya jaayega. yadi vaartaaon mein 80% se adhik log pratyaashi ke samarthan mein charcha karte hai to prashaasak use prabandhak ke pad par naamaankit kar dete hai.

dhyaan rakhe kisi vyakti dbaara bhale hi kitne bhi khaate vikipeediya par ho par unamein se keval ek ko hi prabandhak ke adhikaar diye ja sakte hai. ek baar prabandhak banaae jaane par yeh sada ke liye ho sakta hai jab tak use kisi vishesh kaarano se naheen hata diya jaaye jo ki praay: vikipeediya ke niyam todne par ya apne adhikaaron ke durupyog par hota hai.

krupaya saavadhaani barte

yadi aapko prabandhak bana diya jaata hai to aapko mile nae adhikaaron ka upayog karne mein aapko vishesh saavadhaani baratani chaahiye. vishesh roop se lekhon va prushthon ko mitaana aur aai॰apee॰ paton ke anusaar sadasyon par pratibndh lagaana. aapko apne nae adhikaaron ka kaise upayog karna hai aur kya kare ya na karein ke liye yeh nirdesh dekhein ya pehle se hi prabandhak pad par kaaryarat sadasyon se rai lein. krupaya jhijhke naheen.

prabandhak ke adhikaaron ka upayog karna aap ke swayam ke nirnaya par nirbhar karta hai aur yeh seekhane samajhne mein bahut samay lag sakta hai ki kis tool ko kaise aur kab prayukt kiya jaae aur kitne samay ke liye. jaise ki prushthon va lekhon ko surakshit karna ya kisi sadasya ko pratibndhit karna. nae prabandhakon ko paraamarsh diya jaata hai ki vah nae mile pad par dheere-dheere apne kaaryo ko aarambh karein, samajhe aur aage badhein. ek saath sab kuchh karne ki neeti naheen apanaae.

yeh bhi aasha ki jaati hai ki prabandhak apne khaaton ki suraksha par vishesh dhyaan rakheinge. apne khaaton ki kunyaji kathin rakhein jo ki socha ya toda na ja sake aur apne khaate ke saath jude imel pate ki suraksha bhi chaak chobandh (sudrudh) rakhe.

jin kaamo mein prabandhak sahaayata kar sakte hai

prabandhak ke adhikaaron ko vikipeediya ke in kaaryo ko karne ke liye vishesh roop se prayukt kiya ja sakta hai:

  • jin ghatnaaon par prabandhak ka dhyaan chaahiye
  • teen baar lekh poorvat niyam aur sampaadan yuddh
  • utpaat virodh
  • kaupeeraait dikkate
  • sheegra mitaane yog lekh
  • prabandhan baikalaug

prabandhak ka aacharan

prabandhakon se yeh aasha ki jaati hai ki vah sabke liye ek udahaaran prastut kare aur sadaiv auron se vaartaalaap karte samay tameej va sanyam barte. prabandhako se yeh bhi aasha ki jaati hai ki vah vikipeediya ke niyam maane aur apne kaaryo ko achhe dhang se kare. kabhi kabhaar koi bhool ho sakti hai, aakhir prabandhak bhi manushya hote hai aur kabhi kabhaar ke doshon kshama kiya ja sakta hai. haalaanki vikipeediya ko bhaari kshati pahuainchaane vaale doshon par ya lagaataar galat nirnaya ya kaarya karne par unhein is pad se hataaya bhi ja sakta hai. prabandhakon ko aur puraane anubhavi lekhako ko aisa vyavahaar karna chaahiye jo ki anya sadasyon ke liye udaaharan bane.

prabandhakon ko yeh dhyaan rakhana chaahiye ki vikipeediya ke ho rahe vikaas ke is tej daur mein unke saath yahaaain aur bhi kai prabandhakon va saathi hai. yadi kisi vishay par unhein lage ki vah sahi ya nyaayapoorn nirnaya naheen le pa rahe hai to unako anya saathiyo se sahaayata maaaingani chaahiye aur un vishyon par chaupaal aur samaaj mein charcha karaani chaahiye, yeh naheen ki vah apne aap nirnaya lene ke chakkar mein galat nirnaya lein.

uttaradaayita

prabandhak apne dvaara kiye gaye prabandhan kaaryon ke liye poornat: uttaradaai hai. jaise ki unako diye gaye adhikaaron va aujaaron ke upayog, jinke dvaara vah anya sampaadakon ko thes ya haani pahooaincha sakte hain jinke paas unke jaise adhikaar naheen hai. kisi bhi sampaadak ya sadasya ko kisi prabandhak dvaara kiye kaam ki aalochna karne ka poora adhikaar hai jab tak ki yeh sammaanajanak dhang se, tameej ke daayare mein aur dvesh ki bhaavana se otaprot hokar na kiya jaae. prabandhakon se yeh aasha ki jaati hai ki vah is prakaar ki gayi aalochna ko galat bhaav se na lekar usaka poore uttaradaayitv va tameej ke saath uttar de va yadi koi bhool ho to use saaf man se maan le.

aise prabandhak jinhonne ki samaaj ka apne oopar se vishvaas kho diya hai va jinke dvaara baar-baar doshapoorn vyavahaar hota hai unhein is pad se hataaya ja sakta hai. yeh vo kaaran hai jinkein kaaran poorv mein kai prabandhakon ko hataaya ja chuka hai:

  • baar-baar doshon ko doharaana va galat nirnaya lena
  • vikipeediya ke niymo ko todna
  • anya sadasyon se vaartaalaap ka abhaav ya unase sahi dhang se sammaanajanak roop se vyavahaar naheen karna
  • bure man se dvesh mein kaarya karna
  • aur kahi aise kaarya karna jo ki vikipeediya prabandhan mein baadha pahuaincha sakte hai.

upayogakartaaon dvaara shikaayat ( "prabandhak adhikaaron ka durupayog")

agar kisi sadasya ko lagta hai ki kisi prabandhak ne uske khilaaf galat nirnaya liya hai to use us prabandhak se seedhe is masale pe shishtaachaar ke saath baat karni chaahiye aur is masale ko sulajhaane ki koshish karni chaahiye. dvesh mein ya galat shabdon ka prayog karne se bache. haalaaki agar donon pakshon mein yeh masala naheen sulajhe to ise chopaal mein uthaaya ja sakta hai ya anya prabandhako se is baare mein baat kare. aap unhein seedhe imel bhi bhej sakte hai (anya prabandhako ki soochi niche dekhe).

prabandhak upakaranon/adhikaaron ka durupayog

apne prabandhak upakaranon aur adhikaaron ka durupayog ek gambhir masala hai va vikipeediya ke niyamon ke viruddh hai. yeh sabhi adhikaar kisi sadasya ko vikipeediya pranaali ke kuchh mahattvapoorn kaam karne ke liye diye jaate hai va inka kisi bhi soorat mein durupayog naheen hona chaahiye. har haalat mein inka soch samajh kar upayog kare, galat upayogon ke kaaran yeh vaapas bhi liye ja sakte hai.

aam sthitiyaaain jaha apne prabandhak adhikaaron ka istemaal karne se bache:

  • jaha aap khud aise vaartaalaap ya shikaayat ka hissa ho.

prabandhako ko aise maamalo mein apne adhikaaron ke upayog se bachana chaahiye jinmein vo khud shaamil ho, un par apne adhikaaron ka faayda uthaane ka aarop lag sakta hai. aise mein nirnaya kisi aur ko lene dein.

  • niyamon ke khilaaf adhikaaron ka upayog na kare.

agar vikipeediya ke kisi niyam mein yeh likha hai ki kinheen kaamon mein ya vajahon mein prabandhako ko apne adhikaaron ya upakaranon ka upayog naheen karna chaahiye, to na hi kare. kuchh maamalon mein apavaad ke tor par prayog kare to usaki majaboot vajah honi chaahiye va usase pehle chaupaal par vaartaalaap karna uchit hoga.

  • anya prabandhako ke kaaryo ke khilaaf kaarya

kisi bhi prabandhak ko apne hi jaise saathi prabandhak ke dvaara kiye gaye kaarya ko badalna ya uske khilaaf kaaryavaahi karne se bachana chaahiye. jaroori hone par, pehle baatcheet kare va dekhe asli masala kya hai. miljulakar kaarya kare.

  • badle hue kaarya ko dubaara poorvavat karna.

agar kisi kaaryo ko badla ja chuka hai ya kisi se koi adhikaar vaapas liya ja chuka hai, to bina aam rai ke use poorvavat naheen kare.

har baar khud nirnaya lene se bache va jaroori hone pe anya prabandhako se salaah le va unhein nirnaya lene de. jaroori naheen ki aap har masale mein sahi nirnaya le paae, par anya koi jaroor le sakta hai. miljul kar kaarya karna jaroori hai.

gairashaamil prabandhak

yeh baat dhyaan mein rakhani chaahiye ki kisi prabandhak dvaara agar kisi sadasya, lekh, pusht, vivaad aadi pe apne adhikaaron ka upayog liya gaya ho, va agar voh uchit, kaaryapranaali ke adheen, aur sankshipt ho to voh unhi lekho, pusht, vivaado va sadasyon ke saath dubaara un adhikaaron ka upayog kar sakta hai. isse koi farak naheen padta ki voh poorv mein bhi ismein shaamil tha. yeh isliye kyon ki prabandhak ka to kaam hi aise kaarya karna hai. haan agar vo chaahe toh ek achhi aadat ke tahat ise kisi aur prabandhak ko karne ke liye sop sakte hai, par aisa karna jaroori naheen hai.

agar maamala poorv jaisa hi hai va unhi kaaranon ke vajah se jaach mein aaya hai to yeh ho sakta hai ki prabandhak ka nirnaya us maamale mein pehle jaisa hi ho.

kisi prabandhak ka kisi masale mein ya sadasya ke saath vivaad mein sirf isliye naheen maana ja sakta ki usane pehle kabhi use koi chetaavani jaari ki thi jo ki uske dvaara kiye gaye koi aise kaam ki vajah se thi jisse ki koi vikipeediya niyam toota tha. isse kisi prabandhak dvaara bhavishya mein aise kisi lekh ya sadasya ke khilaaf karavaai ko dvesh mein ya "khud samilit hone ka aarop" ke tahat naheen liya ja sakta.

haalaaki fir bhi, agar aisi ummeed ho ki yeh sab baate uth sakti hai, to sabse badiya to yeh hi rahega ki aise maamalo mein nirnaya koi anya prabandhak leleve, va aap usako yeh kaarya dedeve.

prabandhak ko hataana

prabandhak/prashaasak pad se nivruti

prabandhak/prashaasak pad se kisi sadasya ko hataane ka praavadhaan kuchh vikiyon mein hai evam kuchh vikiyon mein naheen hai. jaise saadhaaran angreji viki [2] par prashaasak prabandhak ko hata sakte hai (On the Simple English Wikipedia bureaucrats can also remove administrator status) is prakaar kuchh anya viki pariyojanaaon par bhi prabandhak ko hataane ke praavadhaan hain. fraaainseesi vikipeediya mein to 6 maheene se adhik nishkriya rahane vaale prabandhako ko nirntar hataaya jaata raha hai jiska kaaran hai ki naye kushal sakriya sadasyon ko padonatti dena evam lambe samay ki anupasthiti ke kaaran haiking dvaara prabandhakon ke khaaton ka durupayog na hona hain.[3].

jaisa ki prabandhan naam se hi spasht hai ki kai mahattvapoorn kaaryon ka mahattvapoorn avsaron par prabandh karna, at: prabandhan adhikaar rakhane vaale sadasyon ki viki par sakriya upasthiti atyaavashyak hai. ab hindi viki par kai sadasyataaeain bhi bana di gayi hain jinse kaarya vishesh hetu prabandhak banana aavashyak bhi naheen raha. sadasya prabandhak ke jis adhikaar mein swayam ko kushal maanate hai use alag se praapt kar sakte hai. haaain prabandhak ke kai kaarya ya jo kaarya naye sadasyon ki seema se baahar hain, ityaadi ke liye prabandhan adhikaar hetu samast sadasyon ka svaagat hai. in sab vikiyon ki tarj par hindi viki par bhi prashaasakon dvaara prabandhakon ko nimn kaaranon se pad mukt kiya ja sakta hai-

  1. prabandhak ki lambe samay se viki par anupasthiti hone par prabandhakon ki anaavashyak sankhya mein vruddhi rokane evam nae ati sakriya sadasyon ko prabandhak banane ka avsar dekar viki ki satat rup se pragati ke liye nimn paristhiyon mein unhein hataaya ja sakta hain:-
  2. 23 March 2015 ko niymaavali mein kuchh parivartan sveekrut kiye gaye the jiske anusaar pratham niyam ko badalkar naveen niyam nimn prakaar banaaye gaye hain:
    • yadi koi prabandhak chh: maah tak 180 se kam saarthak sampaadan karta hai to use prabandhak pad se hata diya jaayega aur pun: sakriya hone par aam sahamati se hi unhein prabandhak banaaya jaayega.
    • yadi koi prabandhak sadasyon ke saath hindi ke sthaan par anya bhaasha mein (sadasya ki ichha ke viprit) charcha karne lage to use prabandhak pad se hata diya jaayega. (yeh niyam neeche diye gaye gaye anya niyam ka hi doosra roop hai jiske anusaar prabandhak ka daayitv maitreepoorn vyavahaar banaana hai.)
    • yadi kisi bhi samay chunaav mein kisi prabandhak ko 70% (matadaan karne vaalon mein) se kam sadasyon ka samarthan praapt ho to use padachyut kar diya jaaye. (ismein naveen sadasyon evam atyalp athva nakaaraatmak yogadaan rakhane vaale sadasyon ki ganana naheen ki jaayegi.)
  1. prabandhak ko chetaavani milne ke baad bhi apne adhikaaro ka durupayog athva chetaavani milyaaainne ke baad bhi viki neetiyon ka ullanghan jaise niji tippani, kathaputali aadi se sadasyon ko pareshaan karna. dhyaan rahe meediyaaviki neetiyon ke anusaar prabandhak ka daayitv sabse maitreepoorn vyavahaar banaakar sabko utsaahit karte hue viki ki pragati karna hai. at: apne adhikaar ka baar-baar durupayog karne par prabandhak ko kuchh samay ya hamesha ke liye nilmbit kiya ja sakta hain.
  2. yadi sadasya ne aavadhik seema ke andar prabandhak pad liya hai to us avadhi ke samaapt hone par use prabandhak pad daayitv se mukt kiya ja sakta hai.
  3. kisi prabandhak dvaara swayam ko is pad se nivruti hetu aavedan karne par bhi use is pad se mukt (sevaanivrut) kiya ja sakta hai.
  • haaain pad mukt kiye gaye prabandhakon ko nimn paristhiyon mein viki par pun: sakriya hone par fir se prabandhak pad diya ja sakta hai:
  1. fir se matadaan dvaara samarthan praapt karne par, athva
  2. hindi viki mein 5000 se adhik sampaadan rakhane vaale prabandhak padamukt anubhavi sadasyon/athva takaneeki rup se daksh sadasyon ko nirantar (1 maah) pun: sakriya rahane par unke aavedan par bina matadaan ke seedha hi pun: prabandhak bana diya jaayega, agar unke aavedan par koi vishesh virodh na ho to.

.

shikaayaton ka nirsteekaran

praay: prabandhako se hue kisi bhi vaad-vivaad ko vaartaalaap se sulajhaana chaahiye aur chaupaal par charcha karni chaahiye. par agar yeh maamala koi bhaari galati se ya prabandhak ke dvaara kiye gaye nuksaan ya dvesh poorn ravaiye se taalluk rakhata ho to is tarah se bhi masala sulajhaaya ja sakta hai.

aise maamale mein kisi prabandhak dvaara kiye gaye kaarya par charcha karaayi ja sakti hai. agar kisi sadasya ko pratibandhit kar diya ho to vah kisi anya sadasya ke dvaara yeh karva sakta hai. aap is masale par seedhe prashaasak se baat kar sakte hai va unase tunrat madad ki appeal kar sakte hai.

suraksha

prabandhako se yeh aasha ki jaati hai ki vah apni aur vikipeediya ki suraksha ko dhyaan mein rakhate hue aur apne ko diye hue vishesh adhikaaron ki suraksha ke liye apne vikipeediya khaato par khaas dhyaan de. unhein apne khaato ki suraksha badhaane ke liye unki majaboot kuainji chunani chaahiye. saath hi aise khaaton ke saath jude imel paton ki bhi suraksha par dhyaan dena chaahiye.

yaad rakhe ki agar prabandhak apne khaaton ki suraksha karne mein aksham rahe ya inhi kaaranon se vikipeediya ki suraksha par koi khtara utpann hua to unhein is pad se hataaya ja sakta hai. aisa nirnaya hamesha ke liye ho sakta hai.

  • krupaya dhyaan de: yeh niymaavali english vikipeediya se prerit aur sambandhit hai, par jaroori naheen ki yeh bilkul vaise hi ho. hindi vikipeediya ek alag viki-pariyojana hai aur yahaaain par kuchh niyam va kaayade alag ho sakte hain. yeh niymaavali chaupaal par vaartaalaap kar sahamati se badli bhi ja sakti hai. aap ke vikipeediya yogadaanon ko is aur is jaisi anya niymaavaliyon ke tahat karne ki koshish kare.

yeh bhi dekhe

sandarbh

prabandhak soochi

prabandhakon ki soochi ke liye vishesh:ListUsers/sysop dekhein. prabandhak ke pad ke liye praarthi apni vinti yahaaain sanlagn karein. prabandhakon ke niyam evam daayitvon hetu vikipeediya:prabandhak niyam va daayitv dekhein. prabandhakon ke adhikaar dekhne hetu vishesh:ListGroupRights dekhein.

sakriya prabandhak soochi

yeh soochi hindi viki par haal hi ke dinon mein sakriya rahane vaale prabandhako ki soochi hai. kisi bhi prakaar ki sahaayata ke liye sadasya inse sampark kar sakte hai. koi bhi prabandhak jab bhi sakriya ho to is soochi mein apna naam jod de. yeh soochi sadasyon ki samasyaaon ko sheeghrata se sulajhaane ke liye banaayi gayi hai. krupaya ise anyatha na le

bhootapoorv prabandhak

is soochi mein hindi vikipeedeeya ke poorv prabandhakon ko rakha gaya hai -

inmein se adhiktar sadasyon ko sadasya adhikaar hetu neetiyon ke anusaar lambi nishkriyta ke kaaran prabandhan adhikaar se mukt kar diya gaya, hindi viki in prabandhakon ke sahayog evam yogadaan ke liye inka aabhaari hai. pun: sakriya hone par yeh sadasya sadasya adhikaar hetu neetiyon ke anusaar fir se yeh adhikaar praapt kar sakte hai.

nilmbit prabandhak

is soochi mein hindi viki ke un prabandhakon ko rakha gaya hai jinhonein apne prabandhakiya adhikaaron ko durupayog kiya jiske parinaam svarup unhe inke prabandhakiya adhikaaron se nilmbit kar diya gaya-

  • rajeevmass
    • kaaran-ek se adhik khaate kholkar kai sadasyon ko pareshaan karna, check yujar evam dk test ne yeh siddh kiya ki inhonein logic naam ka doosra khaata banaaya aur jisse inhonein kai sadasyon ko pareshaan karna shuru kiya, jiske chalte inhe nirdhaarit vikineetiyon ke anusaar prabandhak pad se hata diya gaya.

sambaddh vishay

  • prabandhak soochi