vikipeediya:kathaputali

kathaputali ya ayyaar vah sadasya khaata hai jise koi sadasya apne nitaant niji svaarth ke liye aur vikipeediya ke niyamon ka ullanghan karne ke liye banaata hai. saadhaaranataya koi bhi sadasya ek se jyaada khaata bana sakta hai parantu use in khaaton ki jaankaari apne mukhya khaate va sabhi dviteeyak khaaton par deni chaahiye. vibhinn khaaton ka durapayog vikipeediya samudaaya ke vishvaas ka gambhir ullanghan maana jaata hai. aisa hone par sabhi prabhaavit khaate aur in khaaton ke peechhe ke sadasya ko vikipeediya se pratibandhit kiya ja sakta hai.

vaikalpik khaaton ka anuchit prayog

vikipeediya par dviteeyak khaaton ka prayog agar nimnalikhit ke liye ho to in khaaton aur inke chaalak ko pratibndhit kiya ja sakta hai:

  • nirvaachan mein apne samarthan mein sadasya sankhya badhaane ke liye. ismein hataane hetu charcha, nirvaachit vishay vastu naamaankan, aadi shaamil hain.
  • kisi pratibndhit sadasya ka doosra khaata.
  • doosare sadasyon par vyaktigat hamla ya avaidh/anuchit tippaniyaaain karne ke liye banaaya gaya khaata.
  • kisi prastaav ya charcha ke dauraan apne gupt khaate se bhaag lena.

kathaputali khaaton se nipatna

agar kisi sadasya ko kisi/kinhi khaate/khaaton par kathaputali honi ka shak hai to in khaaton se nipatne ke uske paas do raaste hain:

  1. iski soochana prabandhak soochanaapat par ya kisi bhi prabandhak ke vaarta prushth par de.
  2. meta viki par chaikayoojr se sandigdh khaaton ki jaaainch ke liye nivedan kare.

check yujar parinaam safal ghoshit karna

check yujar parinaam ke baad yadi aaropit khaaton ki takaneeki jaankaari jaise I pi pate, braaujar ityaadi samaan paaye jaate hai to use aur pusht karne ke liye prabandhak nimn sandarbh aur jaaainch sakte hai-

  1. jaise khaaton ki ekdam se sakriyta
  2. samaan samay par sanpaadan evam sakriyta
  3. samaan lekhan trutiyaaain
  4. samaan lekhan ruchi
  5. anya vaidh kaaran.
  6. iske alaava meetpuppetry (saamoohik khaate) arthaat ek dam se viki par naye khaate banaakar gutbaaji karna ya apna paksh majaboot karavaana ityaadi bhi isi shreni mein aayega aur un khaaton ko bhi kathaputali neeti ke tahat avarodhit kiya ja sakta hai.

prabandhak bhi keval chaikayoojr ki report aane ke baad hi koi kaaravaai kar sakte hain. is beech agar kathaputali khaaton se barbata jaari rahein to unhein chetaavani dein. agar samasya jyaada gambhir ho to nimn maamalon mein bina chaikayoojr ki report ke bhi kaaravaai ki ja sakti hain:

  • keval barbata ke liye hi prayog mein laaeain gaye khaate.
  • kisi khaate ke yogadaan mein se mukhya bhaag barbata ke liye istemaal kiya gaya ho tatha anya sadasyon ke saath durvyavahaar kiya ho.

yahaaain barbata se abhipraaya lekhon mein ki gayi barbata ya anya sadasyon par kiye gaye vyakti hamlon se hai. chaikayoojr ki report agar khaaton ke kathaputali hone ki pushti karti hai to sabhi prabhaavit khaaton ko mukhya khaate sahit turant pratibandhit kar diya jaae.

inhein bhi dekhein