vikipeediya:drushtibaadhitaarth prushth

hindi vikipeediya apne drushtibaadhit saathiyon ka svaagat karta hai. iske prayog tatha sanvardhan mein yogadaan karne ki drushti se drushtibaadhit hona siddhaantat: kisi seema ka nirdhaaran naheen karta hai. un sansaadhanon ke saath jiski sahaayata se doosare antarjaal prushth padhe aur likhe ja sakte hain vehi tareeke sabhi vikipeediya prushth ko padhne aur usamein yogadaan karne ke liye upayogi hain. isi tarah vahi takaneeki samasyaaen vikiya par bhi mil sakti hain jo doosare vev prushthon par ho sakti hain. vikipeediya lekhon ki sanrachana jaise ki prushthon ka vibhinn sheershakon (hedings) mein vibhkt hona, soochiyon (lists) aur taalikaaon (tebals) ka prayog, paaribhaashik aur naamavaachi shabdon par link bane hona, aadi adhikaanshat: saral naivigeshan mein sahaayak hain. kintu kai taalikaaen aur saaainche mushkil bhi paida karte hain. ham aisi baadhaaon ko paar karne ke liye utsuk aur prayatnasheel hain. is sambandh mein apne sujhaav aur jijnyaaasaaen aap is prushth ke vaarta prushth ya chaupaal par rakh sakte hain.

vikipeediya padhne ke liye speech sinthesaaijar ke sheershak, soochi, taalika, jod, aadi tak pahuainchane vaale tareeke bahut upayogi hain. vikipeediya ke sabhi prushth is tarah nirmit hote hain ki prushth ka naam pehla sheershak ban jaata hai. isliye kisi bhi prushth ko kholne par pehle sheershak nirdesh (heding command) ke saath lekh ke sheershak tak pahuaincha ja sakta hai. yahi tareeka shreni, saaaincha evam anya pariyojana prushth ke shuruaati hisse tak pahuainchane ke liye bhi upayogi hai. yadi lekh par anukram bana hua ho to doosra sheershak command us tak pahuaincha deta hai. anukram ke diye gaye vibhinn link ke sahaare lekh ke us khaas hisse tak aasaani se pahuaincha ja sakta hai.

kisi vishesh prushth tak pahuainchane ke liye sanpaadan baksa (edit box) tak pahuainchane ke command ka upayog karein. adhiktar prushthon par is tarah ka ek hi baksa hai. is khoj bakse mein manachaaha shabd tankit karein aur intar kunji daba dein. yadi us shabd par koi lekh bana hoga to vah lekh prushth khul jaaega. yadi theek usi shabd ka lekh pehle se bana hua na ho to ek khoj parinaam prushth khulega. pehla sheershak nirdesh sinthesaaijar ko khoj parinaam likhe sheershak tak le jaaega. doosra sheershak nirdesh naam-sthaanon mein khojein tak pahuaincha dega. is sheershak ke neeche ke tebul mein apne khoj parinaam ko aur vyavasthit aur usaki shreni ko sankara karne ke liye kai check box bane hain. yadi chaahein to iska prayog karein. ya doosare sheershak par pahuainchane ke baad soochi nirdesh dene par aapka sinthesaaijar seedhe 20 khoj parinaamon ki soochi par pahuainch jaaega. airo kunjiyon ke sahaare manapasand link par jaakar use kholein. yeh bhi ho sakta hai ki 20 parinaamon ke bajaay ek bhi khoj parinaam prakat na ho. iska matlab yeh hai ki hindi vikipeediya mein na to us shabd se sambandhit koi lekh bana hai na heen us shabd ka anya lekhon mein vyavahaar hua hai.

vikiya par sanpaadan ke liye adhikaanshat: vahi tareeke prayukt hote hain jo kisi bhi sanpaaditr jaise ki vard, notapaid aadi mein kaam aate hain. tankit karne, sudhaarane, mitaane ke saare nirdesh (command) ek hi hain. antar keval shreni lagaane, heding banaane, sandarbh daalne, saaainche lagaane aadi ke tareekon mein hai.

prushth sanpaadit karein

aap lekh ke jis hisse ko sanpaadit karna chaahate hain uske sheershak par pahuainchakar intar kunji dabaaen. isse lekh ke us hisse ko sanpaadit karne ke liye ek sanpaadan anubhaag prushth khul jaaega. is prushth par teen sanpaadan kshetr hai- anubhaag sanpaadan baksa, saaraansh baksa, aur khoj baksa. sanpaadan nimn charanon mein kar sakte hain-

• yadi aap prushth ki shuruaat mein hon to pehla edit command karsar ko lekh ya anubhaag sanpaadan kshetr tak pahuaincha deta hai. ismein yadi koi soochana galat hai to aap use theek kar sakte hain, soochana jod sakte hain ya use vyavasthit kar sakte hain athva bilkul naya lekh aarambh kar sakte hain.
• pehle kshetr mein kaam poora kar lene ke baad taib se doosare sanpaadan kshetr mein pahuainchein. yeh saaraansh baksa hai. ismein apne pehle kshetr mein kiye gaye kaaryon ke baare mein kuchh shabd likh sakte hain.
• agala taib ek tik baksa (check box) tak le jaata hai jahaaain likha hai ki 'yeh ek chhota badlaav hai.'. yadi aapne keval kuchh vartani sudhaari ho ya kuchh shabd badle hon to space kunji dabaakar is bakse par tik kar dein. yadi aapne bada parivartan kiya ho to ise yooainhi chhodkar taib dabaaen.
• agala taib se aap ek aur tik baksa tak pahuainchate hain jispar likha hai ki is prushth ko meri dhyaan soochi mein shaamil karein. yadi aapko kisi prushth ko apni dhyaan soochi mein shaamil karna hai ya hataana hai to aap is bakse par space kunji dabaakar tik laga ya hata sakte hain.
• agala taib aapko badlaav sahejein batan tak le jaata hai. intar dabaate hi aapke dvaara kiye gaye parivartan surakshit ho jaate hain tatha lekh prushth par dikhaai dene lagte hain.
• yadi aap chaahein to apne dvaara kiye gaye parivrtanon ko surakshit karne se pehle unka purvaavalokan bhi kar sakte hain. aisa karne ke liye badlaav sahejein batan par intar karne ke bajaay taib se agale batan par jaaen. yeh purvaavalokan batan hai. intar karte hi aapke saamane parivrtit lekhaprushth aa jaaega. theek lagne par batan command se sahejein batan par pahuainchakar intar dabaaen anyatha vaapas lautakar manonukul parivartan karein.

aj ka samaj kis or j rah hai