vikipeediya:aaj ka aalekh - puraalekh/2009/March
- is varsh ke anya maheenon ke aalekh dekhein.
1 March 2009
govind mishr (janm- 1 August 1939) hindi ke jaane maane kavi aur lekhak hain. ve uttar pradesh hindi sansthaan, bhaarateeya bhaasha parishad, Calcutta, saahitya academy, Delhi, vyaas sammaan dvaara apni saahitya sevaaon ke liye sammaanit kiye gaye hain. abhi tak unke 10 upanyaas aur 12 kahaani sangrah prakaashit ho chuke hain. iske atirikt yaatra vruttaant, baal saahitya, saahityik nibandh aur kavita sangrah bhi prakaashit hue hain. vishvavidyaalayon mein unki rachanaaon par shodh hue hain. ve paathyakram ki pustakon mein shaamil kiye gaye hain, rangamanch par unki rachanaaon ka manchan kiya gaya hai aur TV dhaaraavaahikon mein bhi unki rachanaaon par chalachitr prastut kiye gaye hain. vistaar se padhein...
2 March 2009
vasant uttar Bhaarat tatha sameepavarti deshon ki chhe rituon mein se ek ritu hai, jo February March aur April ke madhya is kshetr mein apna saundarya bikherati hai. aisa maana gaya hai ki maagh maheene ki shukl panchami se vasant ritu ka aarambh hota hai. faalgun aur chaitr maas vasant ritu ke maane gaye hain. faalgun varsh ka antim maas hai aur chaitr pehla. is prakaar hindu panchaang ke varsh ka ant aur praarambh vasant mein hi hota hai. is ritu ke aane par sardi kam ho jaati hai. mausam suhaavana ho jaata hai. pedon mein nae patte aane lagte hain. aam bauron se lad jaate hain aur khet sarason ke foolon se bhare peele dikhaai dete hain at: raag rang aur utsav manaane ke liye yeh ritu sarvashreshth maani gayi hai aur ise rituraaj kaha gaya hai. vistaar se padhein...
3 March 2009
vings of fire: N aatobaayograafi of epeeje abdul kalaam (1999), Bhaarat ke poorv raashtrapati abdul kalaam ki aatmakatha hai. iske sah-lekhak Arun tivaari hain. isame abdul kalaam ke bachapan se lekar lagbhag 1999 tak ke jivn safar ke baare me bataaya gaya hai. mool rup me angreji me prakaashit yeh kitaab, vishv ki 13 bhaashaao me anoodit ho chuki hai. jisme Bhaarat ki pramukh bhaashaae hindi, gujaraati, telagu, tamil, maraathi, malayalam ke saath-saath Korean, cheeni aur brel lipi bhi shaamil hai. aatmakatha 4 bhaagon mein vibhaajit hai. da. kalaam ka janm Tamil Nadu me raameshvaram me madhyam vargeeya tamil muslim parivaar mein hua tha. vistaar se padhein...
4 March 2009
rab ne bana di jodi varsh 2008 mein bani ek hindi film hai. film ke mukhya kalaakaar Shahrukh Khan aur Anushka sharma hain. yeh navodit taarika Anushka sharma ki pehli film hai. film mein amrutasar ke ek daftar ke babu ko dikhaaya gaya hai, jiski shaadi se pehle kisi bhi ladki se koi pehchaan tak naheen hoti. soori (Shahrukh Khan) Punjab power ka ek karmachaari hai. usaki shaadi apne guru ki beti taani se tab ho jaati hai jab taani ki shaadi ke din usaka doolha ek bas durghatana mein maara jaata hai, aur is vajah se uske pita ki hrudayagati ruk jaati hai.
5 March 2009
amaranaath hinduo ka ek pramukh teerthasthal hai. yeh Kashmir raajya ke shahar shreenagar ke uttar-poorv mein 135 sahastrameetar door samudratal se 13,600 pad ki oonchaai par sthit hai. amaranaath gufa Bhagwan Shiv ke pramukh teerth sthalon mein se ek hai. amaranaath ko teerthon ka teerth kaha jaata hai kyon ki yaheen par Bhagwan Shiv ne maaain paarvati ko amaratv ka rahasya bataaya tha. yahaan ki pramukh visheshata pavitra gufa mein barf se praakrutik shivling ka nirmit hona hai. praakrutik him se nirmit hone ke kaaran ise svayanbhoo himaani shivling bhi kehte hain. aashaadh poornima se shuroo hokar rakshaabandhan tak poore saavan maheene mein hone vaale pavitra himling darshan ke liye laakho log yahaan aate hai. gufa ki paridhi andaajan dedh sau foot hogi. bheetar ka sthaan kamobesh chaalees foot mein faila hai aur ismein oopar se barf ke paani ki boonde jagah-jagah tapakati rahati hain.... vistaar se padhein...
6 March 2009
meri kyuri (praarambhik naam Maria skolodovaska) (7 November 1867 - 4 July 1934) vikhyaat bhautikvid aur rasaayanashaastri thi. Poland ke vaarasau nagar mein janmi meri ne rediym ki khoj ki thi. mahila hone ke kaaran tatkaaleen vaarasau mein unhein seemit shiksha ki hi anumati thi. isliye unhein chhup-chhupaakar uchch shiksha praapt karni padi. baad mein badi bahan ki aarthik sahaayata ki badaulat vah bhautiki aur ganit ki padhaai ke liye peris aain. unhonne fraans mein dauktaret poora karne waali pehli mahila hone ka gaurav paaya. unhein peris vishvavidyaalaya mein profesar banane waali pehli mahila hone ka gaurav bhi mila. yaheen unki mulaakaat piyre kyoori se hui jo unke pati bane. is vaigyaanik danpatti ne 1898 mein poloniym ki mahatvapoorn khoj ki.... vistaar se padhein...
7 March 2009
pan. shraddhaaraam sharma (ya shraddhaaraam fillauri) (1837-24 June 1881) lokapriya aarti om jaya jagadeesh hare ke rachayita hain. is aarti ki rachana unhonne 1870 mein ki thi. ve sanaatan dharm prachaarak, jyotishi, svatantrata senaani, sangeetajnya tatha hindi aur punjabi ke prasiddh saahityakaar the. pan. shraddhaaraam sharma ka janm Punjab ke jile Jalandhar mein sthit fillaur shahar mein hua tha. unke pita jayadayaalu khud ek achhe jyotishi the. unhonne apne bete ka bhavishya padh liya tha aur bhavishyavaani ki thi ki yeh ek adbhut baalak hoga. baalak shraddhaaraam ko bachapan se hi dhaarmik sanskaar to viraasat mein hi mile the. unhonne saat saal ki umr tak gurumukhi mein padhaai ki. das saal ki umr mein sanskrut, hindi, faarasi tatha jyotish ki padhaai shuru ki aur kuchh hi varsho mein ve in sabhi vishyon ke nishnaat ho gaye.... vistaar se padhein...
8 March 2009
govind shankar kurup ya ji shankar kurup(5 June 1901 - 2 February 1978) malayalam bhaasha ke prasiddh kavi hain. unka janm Kerala ke ek gaaainv naayatott mein hua tha. 3 saal ki umr se unki shiksha aarambh hui. 8 varsh tak ki aayu mein ve 'amar kosh' 'siddharupam' 'shreeraamodantam' aadi granth kanthasth kar chuke the aur raghuvansh mahaakaavya ke kai shlok padh chuke the. 11 varsh ki aayu me mahaakavi kunjikuttan ke gaaainv aagaman par ve kavita ki or unmukh huye . tiruvilvamala mein adhyaapan kaarya karte huye aaingreji bhaasha tatha saahitya ka adhyan kiya. aaingreji saahitya inko geeti ke aalok ki or le gaya. unki prasiddh rachana otakkushl arthaat baaainsuri Bhaarat sarkaar dvaara diye jaane vaale saahitya ke sarvochch puraskaar jnyaaanapeeth dvaara sammaanit hui. ... vistaar se padhein...
9 March 2009
gulaab ek bahuvarsheeya, jhaadeedaar, pushpeeya paudha hai. iski 100 se adhik jaatiyaan hain jinmein se adhikaansh eshiyaai mool ki hain. jabki kuchh jaatiyon ke mool pradesh Europe, uttari America tatha uttari pashchimi Africa bhi hai. Bhaarat sarkaar ne 12 February ko gulaab-diwas ghoshit kiya hai. gulaab ke anek sanskrut paryaaya hai. apni rangeen pankhudiyon ke kaaran gulaab paatal hai, sadaiv taroon hone ke kaaran tarooni, shat patron ke ghire hone par 'shatapatri', kaanon ki aakruti se 'kaarnika', sundar keshar se yukt hone 'chaarukeshar', laalima rang ke kaaran 'laaksha', aur gandh poorn hone se gandhaadhya kahalaata hai. ...vistaar se padhein...
10 March 2009
holi Bhaarat ke sabse puraane parvon mein se hai. yeh kitna puraana hai iske vishay mein theek jaankaari naheen hai lekin iske vishay mein itihaas puraan va saahitya mein anek kathaaeain milti hai. in kathaaon par aadhaarit saahitya aur filmon mein anek drushtikonon se bahut kuchh kehne ke prayatn kiye gaye hain lekin har katha mein ek samaanata hai ki asatya par satya ki vijay aur duraachaar par sadaachaar ki vijay aur vijay ko utsav manaane ki baat kahi gayi hai. holi ka tyohaar raadha aur Krishna ki paavan prem kahaani se bhi juda hua hai. vasant ke sundar mausam mein ek doosare par rang daalna unki leela ka ek ang maana gaya hai. Mathura aur vrundaavan ki holi raadha aur Krishna ke isi rang mein doobi hui hoti hai. ...vistaar se padhein...
11 March 2009
Bhaarat ke vibhinn kshetron mein bhale hi vividh prakaar se holi ka utsav manaaya jaata hai parantu sabka uddeshya evam bhaavana ek hi hai- bhakti, sachchaai ke prati aastha aur manoranjan. iske atirikt anek desh aise hain jahaaain ya to holi se milta julata koi parv manaaya jaata hai ya kisi anya avsar par rang ya saade paani se khelne ki parampara hai.Bhaarat hi naheen vishv ke anya anek deshon mein bhi holi athva holi se milte-julate tyohaar manaane ki paranparaaeain hain. Nepal mein holi ke avsar par kaathamaandoo mein ek saptaah ke liye praacheen darbaar aur naaraayanahiti darbaar mein baaains ka stambh gaad kar aadhikaarik roop se holi ke aagaman ki soochana di jaati hai. Pakistan, Bangladesh, shri lanka aur maureeshas mein bhaarateeya parampara ke anuroop hi holi manaai jaati hai.
12 March 2009
gujhiya ek prakaar ka pakavaan hai jo maide aur khoe se banaaya jaata hai. ise Chhattisgarh mein kusali, Maharashtra mein karanji, Bihar mein pidki aur Andhra pradesh mein kajjikyaalu, kehte hain. uttar Bhaarat mein holi evam dakshin Bhaarat mein divaali ke avsar par ghar mein gujhiya banaane ki parampara hai. gujhiya mukhya roop se do tarah se banaain jaateen hai, ek- maava bhari gujhiya ya rava bhari gujhiya. maava ilaayachi bhari gujhiya ke oopar cheeni ki ek parat chadhaakar vark lagaakar isko ek naya roop bhi dete hain. maava ke saath kabhi kabhi hara chana, meva ya doosare khaadya padaarth milaakar, jaise anjeer ya khajoor ki gujhiya bhi banaai jaati hain.
13 March 2009
premachandottar upanyaasakaaron mein
14 March 2009
pratibha deveesinh Patil (upanaam:pratibha taai) (janm 19 December 1934) svatantr Bhaarat ke 60 saal ke itihaas mein pehli mahila raashtrapati hain| raashtrapati chunaav mein pratibha Patil ne apne pratidvandi bhaironsinh shekhaavat ko teen lakh se zyaada maton se haraaya. pratibha Patil ko 6,38,116 moolya ke mat mile, jabki bhaironsinh shekhaavat 3,31,306 mat mile. is tarah ve Bhaarat ki 13veen raashtrapati chun li gayi hain. unhonne 25 July 2007 ko sansad ke central hall mein raashtrapati pad ki shapath li. Maharashtra ke Jalgaon jile mein janmi pratibha ke pita ka naam shri Narayan Rao tha. saadi aur badi si bindi lagaane waali yeh saadhaaran pahanaave waali mahila raajaneeti mein aane se pehle saamaajik kaaryakarta ke roop mein kaarya kar rahi thi.
15 March 2009
vardhamaan bhaarateeya raajya pashchim Bengal ka ek jila hai. iska mukhyaalaya Damodar nadi ke kinaare 23 degree 25' uttari akshaansh tatha 87 degree 85' poorvi deshaantar par sthit vardhamaan shahar mein hain. pradesh ki rajdhani Kolkata se 100 kilometer door sthit is nagar ka gauravashaali pauraanik itihaas hai. iska naamakaran 24vein jain teerthankar mahaaveer ke naam par hua hai. mugal kaal mein iska naam sharifaabaad hua karta tha. mugal baadshah jahaangeer ke farmaan par 17veen shataabdi mein ek vyaapaari krushnaraam rai ne vardhamaan mein apni jameendaari shooroo ki. krushnaraam rai ke vanshajon ne 1955 tak vardhamaan par shaasan kiya. vistaar mein...
16 March 2009
17 March 2009
Allah rakkha Rahman hindi filmon ke ek prasiddh sangeetakaar hain. inka janm 6 January 1967 ko chennai, Tamil Nadu, Bhaarat mein hua. janm ke samay unka naam A S dileep Kumar tha jise baad mein badalkar ve A aar Rahman bane. suron ke baadshah Rahman ne hindi ke alaava anya kai bhaashaaon ki filmon mein bhi sangeet diya hai. times patrika ne unhein mojaart of Madras ki upaadhi di. Rahman golden globe award se sammaanit hone vaale pehle bhaarateeya hain. A. aar. Rahman aise pehle bhaarateeya hain jinhein british bhaarateeya film slam daug mileniyr mein unke sangeet ke liye teen oscar naamaankan haasil hua hai.
18 March 2009
raamadhaari Singh 'dinkar' (23 September 1908- 24 April 1974) Bhaarat mein hindi ke ek pramukh lekhak. kavi, nibandhakaar the. raashtra kavi dinkar aadhunik yug ke shreshth veer ras ke kavi ke roop mein sthaapit hain. Bihar praant ke begusaraaya jile ka simriya ghaat kavi dinkar ki janmasthali hai. inhonne itihaas, darshanashaastr aur raajaneeti vigyaan ki padhaai Patna vishvavidyaalaya se ki. saahitya ke roop mein inhonne sanskrut, bangla, angreji aur urdoo ka gahan adhyayan kiya tha. jnyaaanapeeth puraskaar vijeta. raamadhaari Singh dinkar svatantrata poorv ke vidrohi kavi ke roop mein sthaapit hue aur svatantrata ke baad raashtrakavi ke naam se jaane jaate rahe. ve chhaayaavaadottar kaviyon ki pehli peedhi ke kavi the.
19 March 2009
jnyaaanapeeth puraskaar bhaarateeya jnyaaanapeeth nyaas dvaara bhaarateeya saahitya ke liye diya jaane wala sarvochch puraskaar hai. Bhaarat ka koi bhi naagrik jo aathaveen anusoochi mein bataai gayi 22 bhaashaaon mein se kisi bhaasha mein likhta ho is puraskaar ke yogya hai. puraskaar mein paanch lakh rupaye ki dhanaraashi, prashastiptr aur vaagdevi ki kaansya pratima di jaati hai. 1965 mein 1 lakh rupaye ki puraskaar raashi se praarambh hue is puraskaar ko 2005 mein 7 lakh rupae kar diya gaya. 2005 ke liye chune gaye hindi saahityakaar kunvar Narayan pehle vyakti thein jinhein 7 lakh rupae ka jnyaaanapeeth puraskaar praapt hua. pratham jnyaaanapeeth puraskaar 1965 mein malayalam lekhak ji shankar kurup ko pradaan kiya gaya tha.
20 March 2009
21 March 2009
vandana Joshi Nagpur, Maharashtra ki vaasi hain, vah paani ke oopar rangoli banaane waali vishv ki pehli mahila hain aur vah 7 February 2004 ko duniya ki sabse badi rangoli banaakar gineej book of vaaarld rikaard mein bhi apna naam darj kara chuki hain. 22vein soorajakund hastashilp mele ke udghaatan avsar par rangoli banaane ke liye Haryana ke paryatan mantraalaya ne vandana Joshi ko vishesh taur par aamantrit kiya tha. rangoli Maharashtra ki lok kala hai. Maharashtra mein log apne gharon ke daravaaje par subah ke samay rangoli isliye banaate hain, taaki ghar mein koi buri taakt pravesh na kar sake.
22 March 2009
kaufi (arab. قaaهaaوaaة qahwa uttejak peya padaarth) — ek lokapriya peya padaarth (saadhaaranataya garm) hai, jo kaufi ke ped ke bhune hue beejon se banaaya jaata hai. kaufi mein kaifeen hone ke kaaran vah halke uddeepak sa prabhaav daalati hai. iske vishay mein vaigyaaniko ka koi nishchit mat naheen hain. jahaaain ise ek or kaha jaata hai ki kaufi se shukraanuon ki sakriyta badhti hai. vaheen doosari or kuchh adhyayanon mein yeh bhi pata chala hai ki adhik kaufi peene se matibhram bhi ho sakta hai. yeh maana jaata hai ki kaufi ka paudha sabse pehle 600 isvi mein ithiyopiya ke kafa praant mein khoja gaya tha.
23 March 2009
jalebi uttar Bhaarat va Pakistan ka ek lokapriya vyanjan hai. iska aakaar peinchadaar hota hai aur svaad karaara meetha. is mithaai ki dhoom bhaarateeya upamahaadveep se shuroo hokar pashchimi desh Spain tak jaati hai. is beech Bhaarat, Bangladesh, Pakistan, Iran ke saath tamaam arab mulkon mein bhi yeh khoob jaani-pahachaani hai. aamtaur par to jalebi saadi hi banaai va pasand ki jaati hai, par paneer ya khoya jalebi ko bhi log bade chaav se khaate hain. kuchh logon ka maanana hai ki jalebi mool roop se arabi shabd hai aur is mithaai ka asli naam hai jalaabiya.
24 March 2009
25 March 2009
26 March 2009
kutub meenaar Bhaarat mein dakshin Delhi shahar ke maharauli bhaag mein sthit, int se bani vishv ki sabse ooainchi meenaar hai. yeh parisar yunesko ki vishv dharohar ghoshit hai. iski ooainchaai 72.5 mi.aur vyaas 14.3 meter hai, jo oopar jaakar shikhar par 2.75 mi.ho jaata hai. kutubameenaar mool roopaa se saat manjil ki thi, lekin ab yeh paaainch manjil ki hi rah gayi hai. ismein 379 seedhiyaaain hain. meenaar ke chaaron or bane aahaate mein bhaarateeya kala ke kai utkrusht namoone hain, jinmein se anek iske nirmaan kaal san 1193 ya poorv ke hain. bhaarateeya puraatatv sarvekshan vibhaag ke anusaar, iske nirmaan poorv yahaaain sundar 20 jain mandir bane the. unhein dhvast karke usi saamagri se vartamaan imaaratein bani. vistaar mein...
27 March 2009
devataaon ki saal va veeron ka daalaan Bhaarat ke Rajasthan praant mein sthit Jodhpur nagar ke mandor bageeche mein sthit ek darshaneeya sthal hai. raajasthaani bhaasha mein saal ka arth kaksh aur daalaan ka arth baraamada hai. ajeet pol se pravesh karte hi ek lamba baraamada dikhaai padta hai ise hi devataaon ki saal va veeron ka daalaan kaha jaata hai. is baraamade mein vibhinn devataaon va vibhinn sthaaneeya veeron ki vishaalakaaya pratimaaon ka samooh bana hai, sabhi pratimaaeain ek hi samoochi chattaan mein utkeern ki gayi hai. ye shila par utkeern pratimaaeain is baat ki parichaayik hain ki maaravaad raajya mein kala ki parampara 18vi. sadi mein bhi paryaapt viksit avastha mein vidyamaan thi. is devataaon ki saal mein veeron ka daalaan ka nirmaan kaarya Jodhpur ke mahaaraaja ajeet Singh ji (1707-1724) ke shaasan kaal mein hua tha. vistaar mein...
28 March 2009
meharaanagadh kila Bhaarat ke Rajasthan praant mein sthit Jodhpur shahar mein sthit hai. pandrahavi shataabdi ka yeh vishaalakaaya kila, pathareeli chattaan pahaadi par, maidaan se 125 meter ooainchaai par sthit hai aur aath dvaaron va anginat burjon se yukt das kilometer lambi ooainchi deevaar se ghira hai. baahar se adrushya, ghumaavadaar sadkon se jude is kile ke chaar dwaar hain. kile ke andar kai bhavya mahal, adbhut nakkaasheedaar kivaad, jaaleedaar khidkiyaaain aur prerit karne vaale naam hain. inmein se ullekhaneeya hain moti mahal, fool mahal, sheesh mahal, sileh khaana, daulat khaana aadi. in mahalon mein bhaarateeya raajaveshon ke saaj saamaan ka vismayakaari sangrah nihit hai. iske atirikt paalakiyaaain, haathiyon ke haude, vibhinn shailiyon ke laghu chitron, sangeet vaadya, poshaakon va furniture ka aashcharyajanak sangrah bhi hai. vistaar mein...
29 March 2009
30 March 2009
31 March 2009
