vikipeediya:aaj ka aalekh - puraalekh/2009

yeh prushth aaj ka aalekh anubhaag ke puraalekhon ka sangrah hai.

February ke aalekh

Hampi1.jpg
hampi madhyakaaleen hindu raajya vijyanagar saamraajya ki rajdhani tha. tungabhadra nadi ke tat par sthit yeh nagar ab hampi naam se jaana jaata hai. is nagar ke ab khandahar hi avashesh hai. inhein dekhne se prateet hota hai ki kisi samay mein yahaaain ek samruddhashaali sabhyata nivaas karti hogi. Bhaarat ke Karnataka raajya mein sthit yeh nagar yoonesko dvaara vishv ke viraasat sthalon ki sankhya mein shaamil kiya gaya hai. har saal yahaaain hajaaron ki taadaad mein sailaani aur teerth yaatri aate hain. hampi ka vishaal failaav gol chattaanon ke teelon mein vistrut hai. ghaatiyon aur teelon ke beech paaainch sau se bhi adhik smaarak chinh hain. inmein mandir, mahal, tahakhaane, jal-khandahar, puraane baajaar, shaahi mandap, gadh, chabootare, raajakosh.... aadi asankhya imaaratein hain. vistaar se padhein...

March ke aalekh

गोविन्द मिश्र
govind mishr (janm- 1 August 1939) hindi ke jaane maane kavi aur lekhak hain. ve uttar pradesh hindi sansthaan, bhaarateeya bhaasha parishad, Calcutta, saahitya academy, Delhi, vyaas sammaan dvaara apni saahitya sevaaon ke liye sammaanit kiye gaye hain. abhi tak unke 10 upanyaas aur 12 kahaani sangrah prakaashit ho chuke hain. iske atirikt yaatra vruttaant, baal saahitya, saahityik nibandh aur kavita sangrah bhi prakaashit hue hain. vishvavidyaalayon mein unki rachanaaon par shodh hue hain. ve paathyakram ki pustakon mein shaamil kiye gaye hain, rangamanch par unki rachanaaon ka manchan kiya gaya hai aur TV dhaaraavaahikon mein bhi unki rachanaaon par chalachitr prastut kiye gaye hain. vistaar se padhein...

April ke aalekh

हिन्दी शंकर्स वीकली का आवरण पृष्ठ

shankars weekly Bhaarat mein prakaashit pehli kaartoon patrika thi. iski aavrutti saaptaahik hua karti thi. shankars weekly ka prakaashan Bhaarat mein kaartoon kala ke pitaamah kahe jaane vaale kaartoonist ke shankar pillai ne praarambh kiya tha. shankars weekly, shankar ka sapana tha jo 1948 mein saakaar hua. Bhaarat ke tatkaaleen pradhaanamantri pandit javaaharalaal Nehru ke haathon shankars weekly ka vimochan hua. shankars weekly mein Bhaarat ke kai jaane-maane kaartooniston ke raajaneetik aur saamaajik kaartoon prakaashit hote the jinmein ranga, kutti, baal Thackeray aur kaak-kaartoonist jaise anekon kaartooniston ke kaartoon shaamil hote the. apne lambe kaaryakaal mein is patrika ne charchit kaartooniston ke kaartoonon ke prakaashan ke saath hi nae kaartooniston ko bhi manch pradaan kiya. shankars weekly ne aise kai kaartoonist diye jinhonne aage chalakar kaafi prasiddhi pai.

[adhik jaanein]

May ke aalekh

स्वस्तिक
svastik atyant praacheen kaal se bhaarateeya sanskruti mein mangal-prateek maana jaata raha hai. iseeliye kisi bhi shubh kaarya ko karne se pehle svastik chihv ankit karke usaka poojan kiya jaata hai. svastik shabd su+as+k se bana hai. 'su' ka arth achha, 'as' ka arth 'satta' ya 'astitv' aur 'k' ka arth 'kartta' ya karne vaale se hai. is prakaar 'svastik' shabd ka arth hua 'achha' ya 'mangal' karne wala. 'amarakosh' mein bhi 'svastik' ka arth aasheervaad, mangal ya punyakaarya karna likha hai. amarakosh ke shabd hain - 'svastik, sarvatoriddh' arthaat 'sabhi dishaaon mein sabka kalyaan ho.' is prakaar 'svastik' shabd mein kisi vyakti ya jaati vishesh ka naheen, apitu sampoorn vishv ke kalyaan ya 'vasudhaiv kutumbakam' ki bhaavana nihit hai. vistaar se padhein

June ke aalekh

एलिफेंटा में त्रिमूर्ति
elifenta Bhaarat mein mumbai ke gate ve of indiya se lagbhag 12 kilometer door sthit ek sthal hai jo apni kalaatmak gufaaon ke kaaran prasiddh hai. yahaaain kul saat gufaaeain hain. mukhya gufa mein 26 stambh hain, jismein Shiv ko kai roopon mein ukera gaya hain. pahaadiyon ko kaatkar banaai gayi ye moortiyaaain dakshin bhaarateeya moortikla se prerit hai. iska aitihaasik naam ghaaraanagari hai. elifeinta naam purtagaaliyon dvaara yahaaain par bane patthar ke haathi ke kaaran diya gaya tha. yahaaain hindu dharm ke anek devi devataaon ki moortiyaaain hain. ye mandir pahaadiyon ko kaatkar banaaye gaye hain. yahaaain Bhagwan shankar ki nau badi-badi moortiyaaain hain jo shankar ji ke vibhinn roopon tatha kriyaaon ko dikhaati hain. inmein Shiv ki trimoorti pratima sabse aakarshak hai. yeh moorti 23 ya 24 feet lambi tatha 17 feet ooainchi hai. is moorti mein Bhagwan shankar ke teen roopon ka chitran kiya gaya hai. is moorti mein shankar Bhagwan ke mukh par apoorv gambheerata dikhti hai. vistaar mein...

July ke aalekh

dodo ka 1626 mein nirmit ek chitr
dodo maureeshas ka ek sthaaneeya udaan rahit pakshi tha. yeh pakshi kabootar aur faakhta ke parivaar se sambandhit tha. dodo murge ke aakaar ka lagbhag ek meter uaincha aur 20 kilogram vajan ka hota tha. iske kai dum hoti theen. yeh apna ghonsala jameen par banaaya karta tha tatha iski khuraak me sthaaneeya fal shaamil the. yeh ek bhaari-bharakam, golamatol pakshi tha va iski taangein chhoti va kamjor theen, jo usaka vajan sanbhaal naheen paati theen. iske pankh bhi bahut hi chhote the, jo dodo ke udne ke liye paryaapt naheen the. is kaaran ye na to tej daud sakta tha, na ud hi sakta tha. apni raksha kshamata bhulaane ke kaaran ye itne asahaaya siddh hue, ki choohe tak inke ande va choojon ko kha jaate the. vaigyaaniko ne dodo ki haddiyon ko dobaara se jod kar ise aakaar dene ka prayaas kiya hai, aur ab is praaroop ko maureeshas Institute mein dekha ja sakta hai. 1640 tak dodo poori tarah se vilupt ho gaye. ise antim baar London mein 1638 mein jeevit dekha gaya tha. yeh maureeshas ke raashtreeya chinh mein bhi dikhta hai. vistaar mein...

August ke aalekh

जैसलमेर शहर
jaisalamer Bhaarat ke Rajasthan raajya ka ek shahar hai. sudoor pashchim mein sthit thaar marusthal mein jaisalamer ki sthaapana bhaarateeya itihaas ke madhyakaal ke praarambh mein 1178 E. ke lagbhag yaduvanshi bhaati ke vanshaj raaval-jaisal dvaara ki gayi thi. raaval jaisal ke vanshajon ne yahaaain Bhaarat ke ganatantr mein parivartan hone tak bina vansh kram ko bhang kiye hue 770 varsh satat shaasan kiya. jaisalamer raajya ne Bhaarat ke itihaas ke kai kaalon ko dekha va saha hai. saltanat kaal ke lagbhag 300 varsh ke itihaas mein gujarata hua yeh raajya mugal saamraajya mein bhi lagbhag 300 varshon tak apne astitv ko banaae rakhane mein saksham raha. Bhaarat mein british shaasan ki sthaapana se lekar samaapti tak bhi is raajya ne apne vansh gaurav va mahatva ko yathaavat rakha. Bhaarat ki svatantrata ke pashchaat yeh bhaarateeya ganatantr mein vileen ho gaya. vileeneekaran ke samay iska bhaugolik kshetrafal 16,062 varg meal ke vistrut bhoo-bhaag par faila hua tha. registaan ki visham paristhitiyon mein sthit hone ke kaaran yahaaain ki janasankhya beensaveen sadi ke praarambh mein maatr 76,255 thi. vistaar mein...

September ke aalekh

“भारतीय रेल” का मुखपृष्ठ
bhaarateeya rel patrika rel mantraalaya (railway board) dvaara prakaashit maasik hindi patrika hai. is patrika ka pehla ank 15 August 1960 ko prakaashit hua tha aur is patrika ki shurooaat ke peechhe tatkaaleen rel mantri sv.shri laal bahaadur shaastri tatha babu jagajeevan Ram ka vishesh prayaas tha. is patrika ka uddeshya bhaarateeya railway mein kaaryarat logon mein saahitya ke prati ruchi badhaana, lekhakon ko protsaahit karna, bhaarateeya rel se sambandhit jaankaari aur soochanaaon ka prakaashan karna tatha hindi ka vikaas karna tha. is varsh 2009 mein yeh patrika apni gauravashaali yaatra ke svarn jayanti varsh mein pravesh kar rahi hai. beete paanch dashakon mein is patrika ne rel karmiyon ke saath anya paathak varg mein bhi apni ek vishisht pehchaan kaayam ki hai. iski saaj-sajja, vishay saamagri aur mudran mein bhi nikhaar aaya hai. iske paathakon ki sankhya mein bhi nirantar vruddhi hui hai. relon mein hindi ke prachaar-prasaar mein is patrika ka aitihaasik yogadaan raha hai. vistaar se padhein...

October ke aalekh

kuainvar Narayan ka janm 19 September 1927 ko hua. nai kavita aandolan ke sashakt hastaakshar kuainvar Narayan ajnyaeya dvaara sanpaadit teesara saptak (1959) ke pramukh kaviyon mein rahe hain. kuainvar Narayan ko apni rachanaasheelata mein itihaas aur mithk ke jariye vartamaan ko dekhne ke liye jaana jaata hai. apni rachanaasheelata mein itihaas aur mithk ke jariye vartamaan ko dekhne ke liye prasiddh kunvar Narayan ka rachana sansaar itna vyaapak evam jatil hai ki usako koi ek naam dena sambhav naheen. yadyapi kunvar Narayan ki mool vidha kavita rahi hai par iske alaava unhonne kahaani, lekh va sameekshaaon ke saath-saath cinema, rangamanch evam anya kalaaon par bhi bakhoobi lekhani chalaayi hai. iske chalte jahaaain unke lekhan mein sahaj sanpreshaneeyata I vaheen ve prayogadharmi bhi bane rahe. unki kavitaaon-kahaaniyon ka kai bhaarateeya-videshi bhaashaaon mein anuvaad bhi ho chuka hai. 'tanaav' patrika ke liye unhonne kavaafi tatha brorkhes ki kavitaaon ka bhi anuvaad kiya hai. ve ek aise lekhak hain jo apni tarah se sochata aur likhta hai. vistaar se padhein...
[shesh aalekh dekhein]

November ke aalekh

डाकटिकट पर सरोजिनी नायडू
sarojini Naidu (13 February 1879 - 2 March 1949) ka janm Bhaarat ke Hyderabad nagar mein hua tha. inke pita aghoranaath chattopaadhyaaya ek naami vidvaan tatha maaain kavayitri theen aur baangla mein likhti theen. bachapan se hi kushaagr-buddhi hone ke kaaran unhonne 12 varsh ki alpaayu mein hi 12veen ki pareeksha achhe ankon ke saath utteern ki aur 13 varsh ki aayu mein ledi of di lek naamak kavita rachi. ve 1895 mein uchch shiksha praapt karne ke liye England gain aur padhaai ke saath-saath kavitaaeain bhi likhti raheen. golden thraishold unka pehla kavita sangrah tha. unke doosare tatha teesare kavita sangrah bird of time tatha brokan ving ne unhein ek suprasiddh kavayitri bana diya. 1898 mein sarojini Naidu, da. govindaraajuloo Naidu ki jeevan-sangini bani. 1914 mein England mein ve pehli baar gaaaindheeji se mileen aur unke vichaaron se prabhaavit hokar desh ke liye samarpit ho gayeen. vistaar se padhein...

December ke aalekh

Cerebral angiography, arteria vertebralis sinister injection.JPG
enjiyograafi rakt vaahikaaon ka eksare adhyayan hota hai jo rakt vaahikaaon mein avarodh hone ki sthiti mein ya hrudaya rog, kidni sankraman, tyoomar, khoon ka thakka jamana aadi ki jaanch karne mein kiya jaata hai. enjiyograam mein rediyodharmi tatv ya daai ka prayog karke rakt vaahikaaon ko ex re dvaara dekha jaata hai. enjiyograafi ke baad beemaari se grasit dhamaniyon ko enjiyoplaasti dvaara khola bhi jaata hai. is upachaar se rogi ki hrudaya ki raktaviheen maansapeshiyon mein khoon ka pravaah badh jaata hai aur rogi ko turant laabh ho jaata hai evam hrudayaaghaat ki sambhaavana mein bhaari kami aa jaati hai. enjiyograafi do yoonaani shabdon enjiyaun matlab vaahikaaon aur grefiyn yaani record karna se milkar bana hai. yeh takaneek 1927 mein pehli baar purtagaali fijeeshiyn aur nyoorolaujist igaas monij ne khoji thi. 1949 mein unhein is kaarya ke liye Nobel puraskaar se sammaanit kiya gaya tha. vistaar mein...
[shesh aalekh dekhein]