vidur

vidur
Vidura and Dhritarashtra.jpg
dhrutaraashtr ke saath vidur (baayein)
parivaar vyaas (pita)
parishrami (maaain)
vidur ki aatma ka yudhishthir mein pravesh
Yudhistira meets vidhura.jpg

vidur (arth kushal, buddhimaan athva maneeshi) hindu granth mahaabhaarat ke kendriya paatron mein se ek hain. vo hastinaapur ke pradhaanamantri, kauravo aur paandavo ke kaaka aur dhrutaraashtr evam paandu ke bhaai the. unka janm ek daasi ke garbh se hua tha. vidur ko dharmaraaj ka avataar bhi maana jaata hai.

janm ki katha

hastinaapur naresh shaantanu aur raani satyavati ke chitraangad aur vichitraveerya naamak do putr huye. shaantanu ka svargavaas chitraangad aur vichitraveerya ke baalyakaal mein hi ho gaya tha isaliye unka paalan poshan bheeshm ne kiya. bheeshm ne chitraangad ke bade hone par unhein raajagaddi par bitha diya lekin kuchh hi kaal mein gandharvon se yuddh karte huye chitraangad maara gaya. is par bheeshm ne unke anuj vichitraveerya ko raajya saunp diya. ab bheeshm ko vichitraveerya ke vivaah ki chinta hui. unheen dinon kaasheeraaj ki teen kanyaaon, amba, ambika aur ambaalika ka svayanvar hone wala tha. unke svayanvar mein jaakar akele hi bheeshm ne vahaaain aaye samast raajaaon ko paraast kar diya aur teenon kanyaaon ka haran kar ke hastinaapur le aaye. badi kanya amba ne bheeshm ko bataaya ki vah apna tan-man raaj shaalv ko arpit kar chuki hai. usaki baat sun kar bheeshm ne use raaja shaalv ke paas bhijva diya aur ambika aur ambaalika ka vivaah vichitraveerya ke saath karva diya.

raaja shaalv ne amba ko grahan naheen kiya at: vah hastinaapur laut kar aa gayi aur bheeshm se boli, "he aarya! aap mujhe har kar laaye hain ataev aap mujhse vivaah karein." kintu bheeshm ne apni pratijnyaa ke kaaran uske anurodh ko sveekaar naheen kiya. amba rusht ho kar parashuraam ke paas gayi aur unase apni vyatha suna kar sahaayata maaaingi. parashuraam ne amba se kaha, "he devi! aap chinta na karein, main aapka vivaah bheeshm ke saath karavaauainga." parashuraam ne bheeshm ko bulaava bheja kintu bheeshm unke paas naheen gaye. is par krodhit hokar parashuraam bheeshm ke paas pahuainche aur donon veeron mein bhayaanak yuddh chhid gaya. donon hi abhootapoorv yoddha the isaliye haar-jeet ka faisala naheen ho saka. aakhir devataaon ne hastakshep kar ke is yuddh ko band karva diya. amba niraash ho kar van mein tapasya karne chali gayi.

vichitraveerya apni donon raaniyon ke saath bhog vilaas mein rat ho gaye kintu donon hi raaniyon se unki koi santaan naheen hui aur ve kshaya rog se peedit ho kar mrutyu ko praapt ho gaye. ab kul naash hone ke bhaya se maata satyavati ne ek din bheeshm se kaha, "putr! is vansh ko nasht hone se bachaane ke liye meri aajnyaa hai ki tum in donon raaniyon se putr utpann karo." maata ki baat sun kar bheeshm ne kaha, "maata! main apni pratijnyaa kisi bhi sthiti mein bhang naheen kar sakta."

yeh sun kar maata satyavati ko atyant du:kh hua. achaanak unhein apne putr vedavyaas ka smaran ho aaya. smaran karte hi vedavyaas vahaaain upasthit ho gaye. satyavati unhein dekh kar boleen, "he putr! tumhaare sabhi bhaai ni:santaan hi svargavaasi ho gaye. at: mere vansh ko naash hone se bachaane ke liye main tumhein aajnyaa deti hooain ki tum unki patniyon se santaan utpann karo." vedavyaas unki aajnyaa maan kar bole, "maata! aap un donon raaniyon se kah deejiye ki ve ek varsh tak niyam vrat ka paalan karte rahein tabhi unako garbh dhaaran hoga." ek varsh vyateet ho jaane par vedavyaas sabse pehle badi raani ambika ke paas gaye. ambika ne unke tej se dar kar apne netr band kar liye. vedavyaas laut kar maata se bole, "maata ambika ka bada tejasvi putr hoga kintu netr band karne ke dosh ke kaaran vah andha hoga." satyavati ko yeh sun kar atyant du:kh hua aur unhon ne vedavyaas ko chhoti raani ambaalika ke paas bheja. ambaalika vedavyaas ko dekh kar bhaya se peeli pad gayi. uske kaksh se lautane par vedavyaas ne satyavati se kaha, "maata! ambaalika ke garbh se paandu rog se grasit putr hoga." isse maata satyavati ko aur bhi du:kh hua aur unhonne badi raani ambika ko pun: vedavyaas ke paas jaane ka aadesh diya. is baar badi raani ne swayam na ja kar apni daasi ko vedavyaas ke paas bhej diya. daasi ne aanandapoorvak vedavyaas se bhog karaaya. is baar vedavyaas ne maata satyavati ke paas aa kar kaha, "maate! is daasi ke garbh se ved-vedaant mein paarangat atyant neetivaan putr utpann hoga." itna kah kar vedavyaas tapasya karne chale gaye.

samay aane par ambika ke garbh se janmaandh dhrutaraashtr, ambaalika ke garbh se paandu rog se grasit paandu tatha daasi ke garbh se dharmaatma vidur ka janm hua.

srot

sukhasaagar ke saujanya se