vidhik jaagrukta

vidhik jaagarukata ka shivir , raayaagad


vidhik jaagrukta (angreji: Legal awareness) athva vidhik saaksharata se aashay janta ko kaanoon se samabndhit saamaanya baaton se parichit karaakar unka sashakteekaran karna hai.[1] vidhik jaagrukta se vidhik sanskruti ko badhaava milta hai, kaanoonon ke nirmaan mein logon ki bhaageedaari badhti hai aur kaanoon ke shaasan ki sthaapana ki disha mein pragati hoti hai.[2][3]

pehle 'vidhik roop se saakshar' hone ka arth tha - 'kaanooni dastaavejon, vichaaron, nirnayon, kaanoonon aadi ko likh/padh paane ki kshamata'. kintu ab iska arth kaanoon se sambandhit itni kshamata se hai jo kisi kaanooni samaaj mein arthapoorn jeevan jeene ke liye jaroori ho.

vidhik nirksharata se hone waali kuchh haaniyaaain-

  • vidhik nirkshar vyakti kaanoon se bhaya khaata hai aur usase door bhaagata hai.
  • vidhik nirkshar vyakti anajaane mein kaanoon ke vipreet aacharan kar sakta hai ya kaanoon se sahaayata praapt karne mein aksham hota hai.
  • vidhik roop se nirkshar vyakti apne vidhik adhikaaron ka prabhaavi dhang se upayog naheen kar paata.

vidhik saaksharata - kya aur kaise

vaastav mein vaadakaari ko yogya nyaayaadheeshon, susajjit nyaaya kakshon, vidvaan adhivakta samudaaya evam nyaayik meemaansha se koi sarokaar naheen hota hai, balki usaki sthiti ek beemaar vyakti ki tarah hoti hai jo sheegra se sheegra is beemaari se nidaan paana chaahata hai. vidhik kahaavat yeh hai ki kaanoon ke prati anbhigyata koi bachaav naheen hai. arthaat jaise hi koi kaanoon prabhaav mein aata hai, yeh avadhaarana sthaapit ho jaati hai ki pratyek sambandhit jan ko is kaanoon ki jaankaari hai, jabki vyavahaarik pahaloo bhinn hai.

udaaharan ke liye sadkon par agyaat vaahan se durghatana ho jaana aam baat ho gayi hai. aisi ghatna ko motor vaahan adhiniyam ke antargat ''hit end run'' ke roop mein praavidhaanit kiya gaya hai aur peedit pakshakaar ko anutosh dhanaraashi upalabadh karaane ki vyavastha ki gayi hai, parantu is praavidhaan ki jaankaari na hone ke kaaran praay: is praavidhaan ka laabh durghatana se prabhaavit vyakti naheen utha pa raha hai. at: janamaanas mein prachaar-prasaar ke dvaara adyatan vidhi vidhaanon se aam janta ko avagat karaaya jaana vidhik saaksharata kaaryakram ka pramukh uddeshya hai. vidhik seva praadhikran adhiniyam, 1987 ki vyavastha ke anusaar vidhik seva kaaryakram ke antargat na keval kamjor vyaktiyon ko vidhik seva upalabdh karaaya jaana shaamil hai, balki Bhaarat ke sudoor evam graameen anchalon mein camp lagaakar aam janta ko vibhinn vidhik praavidhaanon se avagat karaate huai unhein vidhik roop se saakshar banaana bhi vidhik seva kaaryakram ka ek abhinn ang hai, jise vidhik saaksharata kaaryakram ke roop mein jaana jaata hai.

inhein bhi dekhein

  • raashtreeya vidhik seva praadhikran

sandarbh

  1. What is legal literacy? Examining the concept and objectives of legal literacy abhigman tithi: 18 April 2014
  2. ashok swine, raamashesh aameer (angreji mein). Globalization and Challenges to Building Peace [vaishveekaran aur shaanti nirmaan mein chunautiyaaain]. aai॰aऍsa॰abee॰aऍna॰ 1843313812. http://books.google.co.in/books?id=NM-EKwJhXrIC&pg=PA57. abhigman tithi: 18 April 2014.
  3. Bhardwaj Study Package For CLAT prushth vii "Legal Awareness is the most important component for the students preparing for LL.B. entrance tests. It is altogether a new subject for the students preparing for the said examinations. In the absence of any comprehensive book on this topic in.."