vidhaanasabha chunaav (Bhaarat)

vidhaanasabha chunaav Bhaarat ke raajyon mein karaae jaane vaale raajya-stareeya chunaav hain. in chunaavon mein har raajya ki janta apne raajya-star ke shaasan ke liye apne pratinidhiyon ka chunaav karti hai jinhein vidhaayak kaha jaata hai. aam chunaavon se alag in chunaavon mein chune hue vidhaayak raajya-star par sarkaar ka gathan karte hain. in chunaavon mein bhaag lene vaale raajanaitik dal vah bhi ho sakte hain jo aam chunaavon mein bhaag lete hain aur iske atirikt vibhinn raajyon ke apni-apni kshetreeya dal bhi hain jo raajya-vishesh mein lokapriya hote hain jaise tamil naadu mein anna Dravid munnetr kadgam aur pashchim Bengal mein Trinamool Congress. yeh chunaav prati paaainch varsh mein ek baar karaae jaate hain. yadi apna kaaryakaal poora karne se poorv koi sarkaar vidhaanasabha mein bahumat kho deti hai to yeh chunaav paaainch varsh se pehle bhi karaae ja sakte hain.

in chunaavon mein matadaan karne ke liye jo maapadand hain vah vaheen hain jo Loksabha chunaavon mein matadaan karne ke liye hain jaise matadaata ka bhaarateeya naagrik hona aur usaki aayu 18 varsh ya oopar hona.

raajyavaar vidhaanasabha chunaav

varshavaar vidhaanasabha chunaav