videsh neeti

kisi desh ki videsh neeti, jise videshi sambandhon ki neeti bhi kaha jaata hai, apne raashtreeya hiton ki raksha karne ke liye aur antararaashtreeya sambandhon ke vaataavaran mein apne lakshyon ko praapt karne ke liye raajya dvaara chuni gayi svahitkaari rananeetiyon ka samooh hoti hai. kisi desh ki videsh neeti doosare deshon ke saath aarthik, raajanaitik, saamaajik tatha sainik vishyon par paalan ki jaane waali neetiyon ka ek samuchchaya hai. vaishveekaran aur antararaashtreeya gatividhiyon mein badhte gahan star ki vajah se ab raajyon ko gair-raajya abhinetaaon ke saath bhi sahabhaagita karni padegi.

parichay

kisi bhi desh ki videsh neeti mukhya roop se kuchh siddhaanton, hiton evam uddeshyon ka samooh hota hai jinke maadhyam se vah raajya doosare raashtron ke saath sambandh sthaapit karke un siddhaanton ki poorti hetu kaaryarat rahata hai. isi prakaar pratyek raajyon ki apni videsh neeti hoti hai jiske maadhyam se ve antararaashtreeya star par apne sambandhon ka niroopan karte hai. vishesh roop se sarvapratham maudalaski ne isko paribhaashit karte hue kaha tha ki videsh neeti samudaayon dvaara viksit un kriyaaon ki vyavastha hai jiske dvaara ek raajya doosare raajyon ke vyavahaar ko badalne tatha unki gatividhiyon ko antarraashtreeya vaataavaran mein dhaalane ki koshish karta hai. parantu videsh neeti ki is prakaar ki paribhaasha ko ati saraleekaran maana jaaega kyonki videsh neeti ka uddeshya maatr doosaron ke vyavahaar ka parivartan maatr naheen ho sakta hai. apitu iske maadhyam se doosare raajyon ki gatividhiyon ka niyantran karna bhi ati aavashyak hota hai. is prakaar videsh neeti mein parivartan ke saath-saath kai baar nirantarata ki aavashyakta bhi hoti hai. kyonki videshi neeti parivartan evam yathaasthiti donon prakaar ki neetiyon ka samanvaya hota hai. balki felims graas to isse bhi ek kadam aage nikal jaate hain jab ve kehte hai ki kai baar kisi raajya ke saath koi sambandh na hona ya uske baare mein koi nishchit neeti na hona bhi videsh neeti kahalaata hai. is prakaar videsh neeti ke sakaaraatmak evam nakaaraatmak donon pahaloo hote hai. yeh sakaaraatmak roop mein jab hoti hai jab vah doosare raajyon ke vyavahaar ka prayaas karti hai tatha nakaaraatmak roop mein tab hoti hai jab vah doosare raajyon ke vyavahaar ko parivaartit karne ka prayaas karti hai.

at: videsh neeti un siddhaanton, hito va uddeshyon ke prati vachanabaddhata hai jinke dvaara ek raajya doosare raajyon ke saath antararaashtreeya sandarbh mein apne sambandhon ka nirvaah karta hai. is sandarbh mein videsh neeti par nirnaya lene ke saath-saath iska anya raajyon ke saath sanbadhon ka vahan karna bhi ati mahattvapoorn ho jaata hai. lekin is prakaar ke vyavahaar ke samay raajya ko apne laabh-haani arthaat sansaadhan evam jokhim donon ka moolyaankan bhi kar lena chaahiye.

is sandarbh mein ek mahattvapoorn baat yeh hai ki videsh neeti evam raashtreeya hiton ke beech ek gahan sambandh hota hai. raashtrahit vibhinn sandarbho mein videsh neeti hetu aavashyak bhoomika nibhaate hain- pratham, ye videsh neeti ko antarraashtreeya vaataavaran ke sandarbh mein saamaanya abhivinyaas pradaan karte hai. dviteeya, ye nikat bhavishya ki sthiti mein videsh neeti ko niyantran karne vaale maapadandon ka vikalp pradaan karte hain. truteeya, raashtreeya hit videsh neeti ko nirantarata pradaan karte hain. chaturth, inhi ke aadhaar par videsh neeti badalate hue atanrraashtreeya svaroop mein apne aapko dhaalane mein saksham ho sakti hai. pancham, raashtreeya hit videsh neeti ko majaboot aadhaar pradaan karte hain kyonki ye samaaj ke samanvit evam sarvasammati par aadhaarit moolyon ki abhivyakti hote hain. antat: ye videshi neeti hetu disha nirdeshan ka kaarya karte hain.

inhein bhi dekhein

baahari kadiyaaain