vichaaradhaara

vichaaradhaara, saamaajik raajaneetik darshan mein raajaneetik, kaanooni, naitik, saundaryaatmak, dhaarmik tatha daarshanik vichaar chintan aur siddhaant pratipaadan ki vyavasthit praavidhik prakriya hai. vichaaradhaara ka saamaanya aashay raajaneetik siddhaant roop mein kisi samaaj ya samooh mein prachalit un vichaaron ka samuchchaya hai jinke aadhaar par vah kisi saamaajik, aarthik aur raajaneetik sangathan vishesh ko uchit ya anuchit thaharaata hai.[1] vichaaradhaara ke aalochak bahudha ise ek aise vishvaas ke vishay ke roop mein vyavahrut karte hain jiska koi vaigyaanik aadhaar naheen hota. tark diya jaata hai ki kisi vichaaradhaara vishesh ke anuyaayi use apne aap mein satya maankar usaka anusaran karte hain, uske satyaapan ki aavashyakta naheen samajhi jaati. vastut: pratyek vichaaradhaara ke samarthak usaki pushti ke liye kinchit siddhaant aur tark avashya prastut karte hain aur doosare ke man mein uske prati aastha aur vishvaas paida karne ka prayatn karte hain.[2]

anukram

saamyavaad mein vichaaradhaara

saamyavaad mein vichaaradhaara ko adhirchana ka ang maana jaata hai, jahaaain vah aarthik sambandhon ko pratibinbit karti hai. saamyavaadi chintanadhaara ki maanyata hai ki adhiktar vichaar, visheshakar samaaj ke sangathan se sambandhit vichaar, varg vichaar hote hain. ve vaastav mein us varg ke vichaar hote hain jiska us kaal mein samaaj par prabhutv hota hai. in vichaaron ko vah varg baaki samaaj par thope rakhata hai kyonki yeh varg prachaar ke saare saadhanon ka svaami hota hai.[3] virodhi vargon vaale samaaj mein vichaaradhaaraatmak sangharsh varg hiton ke sangharsh ke anuroop hota hai, kyonki vichaaradhaara yathaarth ka sachcha ya jhootha pratibinb bhi ho sakta hai aur vaigyaanik ya avaijnyaaanik bhi ho sakta hai. pratikriyaavaadi vargon ke hit jhoothi vichaaradhaara ko poshit karte hain. pragatisheel, kraantikaari vargon ke hit vijnyaaanasammat chintanadhaara ka nirmaan karne mein sahaayak hote hain.[4] saamyavaadi maanyataanusaar vichaaradhaara ka vikaas antatogatva arthavyavastha se nirdhaarit hota hai, parantu saath hi usamein kuchh saapeksh svatantrata bhi hoti hai. iski abhivyakti vishesh roop se vichaaradhaara ki antarvastu ka seedhe aarthik spashteekaran karne ki asambhavaneeyata mein aur saath hi aarthik tatha vichaaradhaaraatmak vikaas ki kuchh asamatalata mein hoti hai. in sabke alaava vichaaradhaara ki saapeksh svatantrata ki adhiktar abhivyakti vichaaradhaaraatmak vikaas ke aantarik niyamon ki sankriya mein aur saath hi un vichaaradhaaraatmak kshetron mein hoti hai, jo aarthik aadhaar se bahut door sthit hote hain. vichaaradhaara ki saapeksh svatantrata ka kaaran yeh hai ki vichaaradhaaraatmak vikaasakram vibhinn aarthiketar kaarakon ke prabhaavaantargat rahata hai. ye kaarak hain : (1) vichaaradhaara ke vikaas mein aantarik anukramik sambandh, (2) vichaaradhaara vishesh ke niroopakon ki niji bhoomika tatha (3) vichaaradhaara ke vibhinn roopon ka paarasparik prabhaav, aadi.[5]

burjuaa varg ki vichaaradhaara

beesaveen shataabdi ke chhathe aur saatavein dashak mein burjuaa daarshanikon ke beech yathaarth ke prati vijnyaaanasammat drushtikon aur vichaaradhaara ke bemel hone sambandhi vichaar vyaapak roop se prachalit hue. burjuaa vichaaradhaara ko aatmik pratyaya ki bhaaainti maanate hain jo keval samooh ya dal vishesh ke hiton ko vyakt karti hai. isi kaaran ve vigyaan aur vichaaradhaara ke antaron ko nirpeksh banaane, unhein ek-doosare ke mukaabale mein rakhane ke ichhuk hote hain. burjuaa darshan aur vigyaan ka tathaakathit "nirvichaaradhaaraakaran" karne ka prayatn karte hain. aathavein dashak mein burjuaa vichaaradhaara niroopakon ne is dhyeya ki siddhi mein saamyavaad ke mukaabale apni nayi vichaaradhaara ko prastut karte hue "punarvichaaradhaaraakaran" ki baat karna praarambh kar diya.[6]

inhein bhi dekhein

sandarbh

  1. darshanakosh, pragati prakaashan, Moscow, 1980, prushth-579 ISBN: 5-01000907-2
  2. raajaneeti siddhaant ki rooparekha, om prakaash gaaba, mayoor peparabaiks, 2010, prushth-25, ISBN:81-7198-092-9
  3. maarksavaad kya hai?, emil barns, Rahul faaundeshan, Lucknow, 2006, prushth- 14, ISBN:81-87728-47-7
  4. darshanakosh, pragati prakaashan, Moscow, 1980, prushth-579 ISBN: 5-01000907-2
  5. darshanakosh, pragati prakaashan, Moscow, 1980, prushth-580 ISBN: 5-01000907-2
  6. darshanakosh, pragati prakaashan, Moscow, 1980, prushth-580 ISBN: 5-01000907-2

NASA AJ HAMARE SAMAJ KI SABSE BARI SAMASYA HAI.

baahari kadiyaaain