veshyaavrutti

tiyuaana, Mexico mein veshya

arthalaabh ke liye sthaapit sankar yaun sambandh veshyaavrutti kahalaata hai. ismein us bhaavanaatmak tatv ka abhaav hota hai jo adhikaansh yaunasanbandhon ka ek pramukh ang hai. vidhaan evam parampara ke anusaar veshyaavrutti upastri sahavaas, parastreegaman evam anya aniyamit vaasanaapoorn sambandhon se bhinn hoti hai. sanskrut koshon mein yeh vrutti apnaane vaale striyon ke liye vibhinn sanjnyaaaeain di gayi hain. veshya, roopaajeeva, panyastri, ganika, vaaravadhoo, lokaangana, nartaki aadi ki gun evam vyavasaayaparak amigha hai - 'veshan (baajaar) aajovo yasya: sa veshya' (jiski aajeevika mein baajaar hetu ho, 'ganayati iti ganika' (rupaya ginnevaali), 'roopan aajeevo yasya: sa roopaajeeva' (saundarya hi jiski aajeevika ka kaaran ho); panyastri - 'panyai: krota stri' (jise rupaya dekar aatmatushti ke liye kraya kar liya gaya ho).

anukram

itihaas

veshyaavrutti sabhi sabhya deshon mein aadikaal se vidyamaan rahi hai. yeh sadaiv saamaajik yathaarth ke roop mein sveekaar ki gayi hai aur vidhi evam parampara dvaara iska niyman hota raha hai. saamantavaadi samaaj mein yeh abhijaatavarg ki kalaatmak abhiruchi evam paarthiv gauravapradarshan ka maadhyam thi. aadhunik yaantrik samaaj mein yeh hamaari vivshata, maanasik vikshep, bhogaishana evam nirantar badhti hui aantarik kuntha ke kshanik upachaar ka dyotak hai. vastut: yeh vightanasheel samaaj ke sahaj ang ke roop mein vidyamaan rahi hai. saamaajik sthiti mein aaroh avaroh aata raha hai, kintu iska astitv akshunn, aprabhaavit raha hai. praachya jagat ke praacheen deshon mein veshyaavrutti dhaarmik anushthaanon ke saath sambandh rahi hai. ise heya na samajhakar protsaahit bhi kiya jaata raha. misr, aseeriya, bebeeloniya, parshiya aadi deshon mein deviyon ki pooja evam dhaarmik anushthaanon mein atyadhik amaryaadi vaasanaatmak krutyon ki pramukhata rahati thi tatha devasthaan vyabhichaar ke kendra ban gaye the. yahoodi avashya iske apavaad the. unamein mojej ke anyaanya adhyaadeshon ka uddeshya spashtataya dharm evam prajaateeya rakt ki shuddhata aur ratirogon se janasvaasthya ko surakshit rakhana tha. veshyaavrutti pravaasi striyon tak hi seemit thi. yeh yahoodi striyon ke liye nishiddh thi. par dharmaadhyakshon ki kanyaaon ke atirikt anya striyon dvaara niymabhang karne par kisi prakaar ke dand ka vidhaan naheen tha. tathaapi devasthaanon aur yaroosalam mein aisi striyon ka pravesh varjit tha, tathaapi paashrv path unke sadaiv aakeern rahate the. baad ke abhyudayakaal mein svechhaachaarita mein aur vruddhi hui.

praacheen yoonaan

Athens nagar mein veshyaavrutti ke sambandh mein nirdhaarit niyam janasvaasthya evam shishtaachaar ko drushtigt kar abhiklpit the. veshyaalayon par raajya ka adhikaar tha jo kshetravishesh mein seemit the. veshyaaon ka paridhaan vishisht hota tha tatha saarvajanik sthalon mein unka pravesh nishiddh tha. ve kisi prakaar ke dhaarmik anushthaan mein bhaag naheen le sakti theen. parshiya yuddh ke pashchaat aur adhik vaadhyakaari kaanoon prabhaavasheel hue lekin atyadhik gunasanpanna evam pratibhaashaalini ganikaaon ke sammukh ve tik naheen sake. samay ki gati ke saath viniymon ko kriyaasheel tatha prabhaavakaari banaae rakhana prashaasan ke liye dushkar hota gaya. anya nagaron mein veshyaavrutti charam seema par thi. vaasanaapoorti ke liye vikhyaat karinth nagar mein devi ke mandir mein sahasron veshyaaeain sevika roop mein rahati theen aur deveepooja yaunaachaar par aavaran ban gayi thi.

rom

romavaasiyon ke drushtikon mein yahoodiyon ke jaateeya gaurav evam misravaasiyon ke saarvajanik shishtaachaar ka samyak samaavesh tha. samaaj mein striyon ki pratishtha thi. veshyaaon ke liye panjeekaran aavashyak tha. unhein raajakeeya kar dena padta tha tatha bhinn paridhaan dhaarana karna padta tha. veshyaalayon par raajakeeya niyantran tha aur veshyaagaman ko nindya maana jaata tha. ek baar veshyaavrutti apnaane ke pashchaat is vyavasaaya ko sada ke liye tyaag dene athva vivaahit ho jaane par bhi kisi stri ka panjeeyan samaapt naheen ho sakta tha. isaai dharm ki sthaapana evam prasaar ke pashchaat in samasya ke prati maanaveeya drushtikon apnaaya gaya. isaaiyon ne veshyaaon ke punaruddhaar aur samaaj mein pun: pratishtha hetu prayaas kiya. samraat jastiniym ki mahishi thiyodora ne, jo swayam veshya ka jeevan vyateet kar chuki thi, patita striyon ke liye ek sudhaaragruh ki sthaapana ki. veshyaalayon ka sanchaalan dandaneeya tha.

praacheen Bhaarat

vedon ke deerghatama rishi, puraanon ki apsaraaeain, aarsh kaavyon, raamaayan evam mahaabhaarat ki shataadhik upakathaaeain manu, yaajnyaavalkya, naarad aadi smrutiyon ka aadisht kathan, tantron evam guhya saadhanaaon ki shaktisthaaneeya roopasi kaaminiyaaain, utsavavishesh ki shobhaayaatra mein aage-aage apna pradarshan karti hui nartakiyaaain kisi na kisi roop mein praacheen bhaarateeya samaaj mein sadaiv apna sammaanit sthaan praapt karti rahi hai. dashakumaaracharit, kaalidaas ki rachanaaeain, samayamaatruka, Damodar gupt ka kuttaneematam aadi granthon mein veeraanganaaon ka atiranjit varnan milta hai. kautilya arthashaastr ne inhein raajatantr ka avichhinn ang maana hai tatha ek sahasr pan vaarshik shulk par pradhaan ganika ki niyukti ka aadesh diya hai. mahaanirvaanatantr mein to teerthasthaanon mein bhi devachakr ke samaaranbh mein shaktisvaroopa veshyaaon ko siddhi ke liye aavashyak maana hai. ve raajaveshya, naagari, guptaveshya, brahmaveshya tatha devaveshya ke roop mein panchaveshya hain. spasht hai ki samaaj ka koi ang evam itihaas ka koi kaal inse viheen naheen tha. inke vikaas ka itihaas samaajavikaas ka itihaas hai. trivrg (dharm, arth, kaam) ki siddhi mein ye sadaiv upasthit rahi hain. vaidik kaal ki apsaraaeain aur ganikaaeain madhyayug mein devadaasiyaaain aur nagaravadhueain tatha musalim kaal mein vaaraanganaaeain aur veshyaaeain ban garin. praarambh mein ye dharm se sambaddh theen aur chausathon kalaaon mein nipun maani jaati theen. madhyug mein saamantavaad ki pragati ke saath inka pruthak varg banta gaya aur kalaapriyta ke saath kaamavaasana sambaddh ho garin, par yaunasanbandh seemit aur sanyat tha. kaalaantar mein nrutyakala, sangeetakala evam seemit yaunasanbandh dvaara jeevikopaarjan mein asamarth veshyaaon ko baadhya hokar apni jeevika hetu lajja tatha sankoch ko tyaag kar ashleelta ke us par utarana pada jahaaain pashuta prabal hai.

veshyaavruti ke kaaran

aadhunik yug mein striyon ko veshyaavrutti ki or prerit karanevaale pramukh kaaran nimnalikhit hain-

█a█ veshyaavrutti kaanooni aur viniymit █a█ kaanooni veshyaavrutti, lekin veshyaalayon avaidh hain, veshyaavrutti viniymit naheen hai █a█ avaidh veshyaavrutti █a█ koi deta naheen

aarthik kaaran

anek striyaaain apni evam aashriton ki kshudha ki jvaala shaant karne ke liye vivsh ho is vrutti ko apanaati hain. jeevikopaarjan ke anya saadhanon ke abhaav tatha anya kaaryon ke atyant shramasaadhya evam alvaitanik hone ke kaaran veshyaavrutti ki or aakarshit hoti hain. ghaneevarg dvaara prastu vilaasita, aatmanirti tatha chhichhorepan ke anyaanya udaaharan bhi protsaahan ke kaaran bante hain. Kanpur ke ek adhyayan ke anusaar lagbhag 65 pratishat veshyaaeain aarthik aarthik kaaranavash is vrutti ko apanaati hain.

saamaajik kaaran

emstardam laal batti jile mein veshyaaon dvaara kiraae ke kamre ke liye glaas darvaaje.

samaaj ne apni maanyataaon, roodhiyon aur trutipoorn neetiyon dvaara is samasya ko aur jatil bana diya hai. vivaah sanskaar ke kathor niyam, dahejapratha, vidhvaavivaah par pratibandh, saamaanya chaaritrik bhool ke liye saamaajik bahishkaar, anamel vivaah, talaakapratha ka abhaav aadi anek kaaran is ghrunit vrutti ko apnaane mein sahaayak hote hain. is vrutti ko tyaagane ke pashchaat anya koi vikalp naheen hota. aisi striyon ke liye samaaj ke dvaara sarvada ke liye band ho jaate hain. veshyaaon ki kanyaaeain samaaj dvaara sarvatha tyaajya hone ke kaaran apni maaain ki hi vrutti apnaane ke liye baadhya hoti hain. samaaj mein striyon ki sankhya purushon ki apeksha adhik hone tatha shaareerik, saamaajik evam aarthik roop se baadhaagrast hone ke kaaran anek purushon ke liye vivaahasanbandh sthaapit karna sambhav naheen ho paata. inki kaamatrupti ka ekamaatr sthal veshyaalaya hota hai. veshyaaeain tatha stri vyaapaar mein sanlagn anek vyakti bholi bhaali baalikaaon ki visham aarthik sthiti ka laabh uthaakar tatha sukhamaya bhavishya ka pralobhan dekar unhein is vyavasaaya mein pravisht karaate hain. charitraheen maata-pita athva saathiyon ka sampark, ashleel, saahitya, vaasanaatmak manovinod aur chalachitron mein kaamottejak prasangon ka baahulya aadi veshyaavrutti ke poshak pramaanit hote hain.

manovaigyaanik kaaran

veshyaavrutti ka ek pramukh aadhaar manovaigyaanik hai. katipya streepurushon mein kaamkaaj pravrutti itni prabal hoti hai ki iski trupti, maatr vaivaahik sambandh dvaara sambhav naheen hoti. unki kaamavaasana ki svatantr pravrutti unmukt yaunasanbandh dvaara pusht hoti hai. vivaahit purushon ke veshyaagaman tatha vivaahit striyon ke vivaahetar sambandh mein yahi pravrutti kriyaasheel rahati hai.

unmoolan ke prayaas

veshyaavrutti samaaj mein vyaapt ek aavashyak buraai hai. ise samaapt karne ke sabhi prayaas ab tak nishfal gaye hain. samaajasudhaarakon ne is vrutti ko sadaiv heya drushti se dekha hai, lekin ve ise is bhaya se sahan karte aae hain ki iske moolochhed se anaitikta mein aur adhik vruddhi hogi. soviyt sangh aur Britain ki sarkaarein veshyaavrutti ko samaapt karne mein vifal raheen. unmoolan ke dushparinaamon ko drushtigt kar unhein apni neeti parivrtit karni padi. raajakeeya niyantran veshyaaon ki niyamit svaasthyapareeksha aadi katipya vyavasthaaeain kar santosh karna pada. lagbhag aise hi niyam anya Europeeya deshon mein bhi hain.

Bhaarat mein veshyaavrutti

Bhaarat mein veshyaavrutti ya dehavyaapaar abhi bhi anaitik dehavyaapaar kaanoon ke tahat aate hain. samay - samay par iske kaanooni maanyata ko lekar charchaayein garm hoti rahati hain. seksavarkaron tatha kuchh swayamsevi sangathanon ke dvaara is tarah ki maang uthati rahati hai. kuchh varsh pehle mahila yaunakarmiyon ka Kolkata mein ek adhiveshan hua jismein yaunakarmiyon ke sangathan `national network of seksavarkars` ne apne adhikaaron ki ladaai ladne ka faisala kiya.

lekin bagair kaanooni maanyata ke bhi poore desh mein yeh kaarobaar dharalle se chal raha hai. desh mein aaj kul gyaarah sau sattar red laait area hai. ismein vyaapaarik drushtikon se sabse jyaada dhandha wala area hai kolakaatta aur mumbai. ek aakade ke anusaar karodon roopayo ka saaptaahik baajaar hai akele mumbai ka redalaait area. Rajasthan, uttar pradesh aur udeesa ek aisa kshetr hai jahaan deh vyaapaar ki pratha ka ek lamba itihaas hai. itihaas ke pannon ko palat kar dekhein to pehle jo ` mujara ´ tatha naach - gaanon ke kendra ke roop mein jaane jaate the vahi baad mein veshyaavrutti ke addon ke roop mein mashahoor ho gaye.

ek adhyayan report mein kaha gaya hai ki desh mein yaunakarmiyon ki sankhya mein teji se vruddhi ho rahi hain. 1997 mein yaunakarmiyon ki sankhya 20 lakh thi jo 2003-04 tak badhkar 30 lakh ho gayi. 2006 mein mahila aur baal vikaas vibhaag dvaara taiyaar report mein yeh bhi paaya gaya tha ki desh mein 90 feesadi yaunakarmiyon ki umr 15 se 35 saal ke beech hai.

aise bhi maamale dekhne mein aae hain jismein jhaarakhand, uttar pradesh, Rajasthan aur uttaraanchal mein 12 se 15 varsh ki kam umr ki ladkiyon ko bhi veshyaavrutti mein dhakel diya jaata hai. pashchim Bengal ki rajdhani kolakaatta se sata dakshin 24 - paragana jile ke madhusoodan gaanv mein to veshyaavrutti ko jindagi ka hissa maana jaata hai. sabse dilchasp baat yeh hai ki vahaan ke log ise koi badanaami naheen maanate. unke anusaar yeh sab unki jeevanashaili ka hissa hai aur unhein is par koi sharminndagi naheen hai. is poore gaanv ki arthavyavastha isi dhandhe par tiki hai.

desh mein rojaana 2000 lakh roopaye ka deh vyaapaar hota hai. raashtreeya maanavaadhikaar aayog ke ek adhyayan ke mutaabik Bhaarat mein 68 pratishat ladkiyon ko rojagaar ke jhaanse mein fansaakar veshyaalayon tak pahunchaaya jaata hai. 17 pratishat shaadi ke vaayade mein fansakar aati hain. veshyaavrutti mein lagi ladkiyon aur mahilaaon ki taadaad 30 lakh hai. mumbai aur thaane ke veshyaavrutti ke addon se to khandit roos aur madhya Asiaee deshon ki yuvatiyon ko pakada gaya hai. Bhaarat mein veshyaavrutti ke baajaar ko dekhte hue anek deshon ki yuvatiyaan veshyaavrutti ke jariye kamaai karne ke liye Bhaarat ki or rukh kar rahi hain.

mumbai police ke dastaavejon ke mutaabik baahar se aakar yahaan veshyaavrutti mein lipt yuvatiyon mein ujbekistaan ki yuvatiya sabse jyaada hain. gruh mantraalaya ke varsh 2007 ke aankade ke anusaar Bhaarat mein Tamil Nadu aur Karnataka dehavyaapaar mein shirsh par hain. 2007 ke aankade ke anusaar veshyaavrutti ke 1199 maamale Tamil Nadu mein aur 612 maamale Karnataka mein darj kiye gaye. ye maamale veshyaavrutti nivaaran kaanoon ke tahat darj kiye gaye hain.

veshyaavrutti aur kaanoon (Bhaarat)

veshya aur graahak, emsatardam

bhaaratavarsh mein vaivaahik sambandh ke baahar yaunasanbandh achha naheen samjha jaata hai. veshyaavrutti bhi iske antargat hai. lekin do vayaskon ke yaunasanbandh ko, yadi vah janashishtaachaar ke vipreet na ho, kaanoon vyaktigat maanata hai, jo dandaneeya naheen hai. "bhaarateeya dandavidhaan" 1860 se "veshyaavrutti unmoolan vidheyak" 1956 tak sabhi kaanoon saamaanyataya veshyaalayon ke kaaryavyaapaar ko sanyat evam niyantrit rakhane tak hi prabhaavi rahe hain. veshyaavrutti ka unmoolan saral naheen hai, par aise sabhi sambhav prayaas kiye jaane chaahiye jisse is vyavasaaya ko protsaahan na mile, samaaj ki naitikta ka hraas na ho aur janasvaasthya par ratij rogon ka dushprabhaav na pade. kaanoon streevyaapaar mein sanlagn aparaadhiyon ko kathoratam dand dene mein saksham ho. yeh samasya samaaj ki hai. samaaj samay ki gati ko pahachaane aur apni un maanyataaon aur roodhiyon ka parityaag kare, jo veshyaavrutti ko protsaahan pradaan karti hain. samaaj ke apekshit yogadaan ke abhaav mein is samasya ka samaadhaan sambhav naheen hai.

baahari kadiyaaain