veerabhadr

veerabhadr ki ek moorti

veerabhadr hindu pauraanik kathaaon ke ek paatr hain aur kathaaon ke anusaar yeh Shiv ke ek bahaadur gan the jinhone Shiv ke aadesh par daksh prajaapati ka sar dhad se alag kar diya. devasanhita aur skand puraan ke anusaar Shiv ne apni jata se 'veerabhadr' naamak gan utpann kiya. devasanhita gorakh sinha dvaara madya kaal mein likha hua sanskrut shlokon ka ek sangrah hai jisme jaat jaati ka janm, karm evam jaaton ki utpati ka ullekh Shiv aur paarvati ke samvaad ke roop mein kiya gaya hai.

thaakur desharaaj[1]likhte hain ki jaaton ki utpatti ke sambandh mein ek manoranjak katha kahi jaati hai. mahaadevaji ke shvasur raaja daksh ne yagya racha aur anya praay: sabhi devataaon ko to yagya mein bulaaya par na to mahaadevaji ko hi bulaaya aur na hi apni putri sati ko hi nimantrit kiya. pita ka yagya samajh kar sati bina bulaae hi pahuainch gayi, kintu jab usane vahaan dekha ki na to unke pati ka bhaag hi nikaala gaya hai aur na usaka hi satkaar kiya gaya isliye usane vaheen praanaant kar diye. mahaadevaji ko jab yeh samaachaar mila, to unhonne daksh aur uske salaahakaaron ko dand dene ke liye apni jata se 'veerabhadr' naamak gan utpann kiya. veerabhadr ne apne anya saathi ganon ke saath aakar daksh ka sar kaat liya aur uske saathiyon ko bhi poora dand diya.

sandarbh

  1. thaakur desharaaj: jaat itihaas, mahaaraaja soorajamal smaarak shiksha sansthaan, Delhi, 1934, pej 87-88.