vedaant deshik

svaami vedaant deshik

vedaant deshik (1269 – 1370) vaishnav guroo, kavi, bhakt, daarshanik evam aachaarya the. unki paaduka sahasram naamak rachana chitrakaavya ki anupam bheint hai. inka doosra naam veinkatanaath tha. terahaveen shataabdi mein inki sthiti maani jaati hai.

jeevani

vedaant deshik kaanjeevaram ke mool nivaasi the par inka adhikaansh samay shreerangam mein vyateet hua. anek vishyon par inki lekhani chali. inke mukhya daarshanik granth paramatabhang aur rahasyatrayasaar taamil mein likhe gaye. paancharaatraraksha naamak granth mein inhonne paancharaatr dharm ke siddhaanton tatha geetaabhaashya par inhonne teekaaeain bhi likheen. seshvar meemaansa naamak apne granth mein inhonne pratipaadit kiya ki poorvameemaansa aur vedaant ek doosare ke poorak hain. poorvameemaansa dvaara pratipaadit karm ishvar ke anugrah ke bina faladaayak naheen ho sakta. isi prakaar keval gyaan bhi tab tak nishfal hai jab tak ishvar mein vyakti apne ko poornat: samarpit karne ka karm - upaasana - naheen karta. at: ishvarameemaansa arthaat vedaat karm meemaansa ke bina nishfal hai. shatadooshani naamak apne khandan-mandanaatmak sanskrut granth mein raamaanuj ke mat ka anusaran karte hue vedaant deshik ne advait vedaant ki teevr aalochna ki hai. raamaanuj ke baad unke sanpradaaya mein vedaant deshik ka hi naam liya jaata hai.

raamaanuj sanpradaaya terahaveen shataabdi mein do guton mein baint gaya. teingalaai athva dakshini gut ke anusaar taamil prabandh ko mukhya pramaanagranth maana jaan laga aur sanskrut ki upeksha kar di gayi. is sanpradaaya ki yeh bhi maanyata thi ki ishvar dosh ka bhog karta hai. doshabhogyata ka yeh siddhaant aage chalakar khatarnaak siddh hua. is gut ke virodh mein ek uttari gut ka, jise vedagalaai kehte hain, vikaas hua. vedaat deshik isi gut ke pratishthaapak aachaarya the.

vedagalaai gut ke anusaar taamil prabandh aur sanskrut granthon ka samaan roop se pramaan maana jaata hai. is gut mein taamil ki apeksha sanskrut ko adhik mahatva diya gaya. lakshmeetatv mein in logon ne shaakt dharm ki visheshataaon ka bhi samaavesh kiya.

inhein bhi dekhein

baahari kadiyaaain