vasudev

vasudev yaduvanshi shoor tatha maarisha ke putr, Krishna ke pita, kunti ke bhaai aur Mathura ke raaja ugrasen ke mantri the. inka vivaah devak athva aahuk ki saat kanyaaon se hua tha jinmein devaki sarvapramukh thi. vasudev ke naam par hi Krishna ko 'vaasudev' (arthaat 'vasudev ke putr') kehte hain. vasudev ke janm ke samay devataaon ne aanak aur dundubhi bajaai thi jisse inka ek naam 'aanakadundubhi' bhi pada. vasudev ne syamantapanchak kshetr mein ashvamedh yagya kiya tha. Krishna ki mrutyu se udvign hokar inhonne prabhaasakshetr mein dehatyaag kiya.