vasant

prakruti ki shreni ka bhaag
mausam
ritu
temparet

vasant · greeshm
patajhad · sheet ritu

shushk rituaardr ritu

toofaan

aandhi · toranaado
ushnakatibandheeya chakravaat
sheetakaaleen toofaan · barfaani toofaan
dhundhkohara · barf ka toofaan
dhool bhari aandhi · agni toofaan

varsha

rimjhim · baarish · himpaat
barfeeli varsha · dhuaandhaar varsha
chakravaateeya • ole · graupel • monsoon

vishay

mausam vigyaanpoorvaanumaan
jalavaayu · vaayu pradooshan
sheet lahargreeshm lahar

mausam praveshadvaar

vasant uttar Bhaarat tatha sameepavarti deshon ki chhah rituon[k] mein se ek ritu hai, jo February March aur April ke madhya is kshetr mein apna saundarya bikherati hai. aisa maana gaya hai ki maagh maheene ki shukl panchami se vasant ritu ka aarambh hota hai.[1] faalgun aur chaitr maas vasant ritu ke maane gaye hain. faalgun varsh ka antim maas hai aur chaitr pehla. is prakaar hindu panchaang ke varsh ka ant aur praarambh vasant mein hi hota hai. is ritu ke aane par sardi kam ho jaati hai. mausam suhaavana ho jaata hai. pedon mein nae patte aane lagte hain. aam bauron se lad jaate hain aur khet sarason ke foolon se bhare peele dikhaai dete hain at: raag rang aur utsav manaane ke liye yeh ritu sarvashreshth maani gayi hai[2] aur ise rituraaj kaha gaya hai.[3]

vasant ritu varsh ki ek ritu hai jismein vaataavaran ka taapamaan praay: sukhad rahata hai. Bhaarat mein yeh February se March tak hoti hai. anya deshon mein yeh alag samayon par ho sakti hai. is ritu ki visheshta hai mausam ka garam hona, foolo ka khilna, paudho ka hara bhara hona aur barf ka pighlana. Bhaarat ka ek mukhya tyohaar hai holi jo vasant ritu me manaaya jaata hai. yeh ek santulit (Temperate) mausam hai. is mausam me chaaro or hariyli hoti hai. pedo par naye patte ugte hai. is ritu mai kai log udyano taalaabo aadi mai ghumne jaate hai.

vasant ke raagarang

'pauraanik kathaaon ke anusaar vasant ko kaamadev ka putr kaha gaya hai. kavi Dave ne vasant ritu ka varnan karte hue kaha hai ki roop va saundarya ke devata kaamadev ke ghar putrotpatti ka samaachaar paate hi prakruti jhoom uthati hai. pedon uske liye nav pallav ka paalana daalte hai, fool vastr pahanaate hain pavan jhulaati hai aur koyal use geet sunaakar bahalaati hai.[kh] Bhagwan Krishna ne geeta mein kaha hai rituon mein main vasant hooain.[g]

vasant ritu mein vasant panchami, shivraatri tatha holi naamak parv manaae jaate hain. bhaarateeya sangeet saahitya aur kala mein ise mahatvapoorn sthaan hai. sangeet mein ek vishesh raag vasant ke naam par banaaya gaya hai jise raag basant kehte hain. vasant raag par chitr bhi banaae gaye hain.

teeka tippani

uttar Bhaarat mein 6 ritueain hoti hain- vasant, greeshm, varsha, sharad, shishir aur hemant.

daari drum palana bichhauna nav pallav ke suman jhangoola sauhai tan chhavi bhaari dai pavan jhulaavai, keki keer bataraavai Dave

prahlaadashchaasmi daityaanaan kaal: kalayataamaham. mrugaanaan ch mrugendroahan vainateyashch pakshinaam.. 10.30..

sandarbh