vansheedhar shukl

vansheedhar shukl (janm: 1904; mrutyu: 1980) ek hindi aur avadhi bhaasha ke kavi aur svatantrata senaani va raajaneta the.[1][2]

inke pita chhedeelaal shukl bhi ek kavi the. vansheedhar shukl ji mahaatma gaaaindhi ke aandolan se bhi bhaag liye. uttar pradesh ke Lakhimpur kheeri vidhaan sabha se vein vidhaayak (1959-1962) bhi rahe.

“ kadam-kadam badhaayein ja khushi ke geet gaaye ja, ye jindagi hai kaum ki too kaum par lutaae ja ” jaisi kaalajayi rachana ka srujan karne vaale vansheedhar shukl hain.[3] 'utho sone vaalon sabera hua hai', 'uth jaag musaafir bhor bhai' inki avadhi mein likhi hui pustake hain. hujoor keri rachanaavali bhi uttar pradesh hindi sansthaan, Lucknow se prakaashit ho chuki hai.

jeevan parichay

lok sanskruti, lok vishvaas, graameen prakruti parivesh va gram jeevan ko pratibinbit karne vaale maaain vaani ke is kushal aaraadhak ka janm uttar pradesh mein Lakhimpur jile ke manyaura gaaainv mein san 1904 mein hua tha. maaain sarasvati ke janm diwas basant panchami ke din ek krushak parivaar mein janm lene vaale vansheedhar nein maata sarasvati ki saadhana ko hi apna lakshya bana liya. inke pita pan॰ chhedeelaal shukl seedhe-saade saral hradaya ke kisaan the jo achhe alhait ke roop mein vikhyaat the aur aaspaas ke kshetr mein unhein aalha gaayan ke liye bulaaya jaata tha. ve nanhein bansheedhar ko bhi apne saath le jaaya karte the. pita dvaara ojapoorn shaili mein gaaye jaane vaale aalha ko bansheedhar mantramugdh hokar suna karte the. saamaajik sarokaaron se bansheedhar ke lagaav ke peechhe unke bachapan ke parivesh ka bahut bada haath tha. san 1919 mein pan॰ chhedeelaal chal basee. paarivaarik jimmedaariyon ka bojh ab vansheedhar ke sar par tha. yeh unke liye bade sangharshon ka samay thaae. inheen sangharshon se unke vyaktitv mein jeevatata aur alamasti paida hui. isi samay ki kathinaaiyon ne unamein vyavastha ke prati vidrohi svar paida kiya. san 1925 ke kareeb ve ganesh shankar vidyaarthi ke sampark mein aayee. vidyaarthi ji ke saanidhya mein un par svatantrata-aandolan ka rang gaharaane laga aur kavita ki dhaar bhi paini hoti chali gayi. unhonne maatrubhoomi ki seva karte hue svatantrata aandolan mein sakriya bhaag liya aur anek baar jail ki yaatra ki.


sandarbh

baahari kadiyaaain