vallabh bhaai Patel

sardaar vallabh bhaai Patel
Sardar patel (cropped).jpg

pad bahaal
15 August 1947 – 15 December 1950
pradhaanamantri javaaharalaal neharu
poorva dhikaari pad srujan
uttara dhikaari moraaraji Desai

pad bahaal
15 August 1947 – 15 December 1950
pradhaanamantri javaaharalaal neharu
poorva dhikaari pad srujan
uttara dhikaari chakravarti raajagopaalaachaari

janm 31 October 1875
nadiyaad, Bombay preseedeinsi, british Bhaarat
mrutyu 15 December 1950(1950-12-15) (umr 75)
Bombay, Bombay raajya, Bhaarat
raashtreeyata bhaarateeya
raajaneetik dal bhaarateeya raashtreeya Congress
bachche maniben Patel, dahyaabhaai Patel
shaikshik sambaddhata midl tempal
pesha vakaalat

sardaar vallabh bhaai Patel (gujaraati: સaaરaaદaaાaaર વaaલaa્aaલaaભaaભaaાaaઈ પaaટaaેaaલ ; 31 October, 1875 - 15 December, 1950) Bhaarat ke svatantrata sangraam senaani evam svatantr Bhaarat ke pratham gruhamantri the. sardaar Patel barf se dhanke ek jvaalaamukhi the. ve naveen Bhaarat ke nirmaata the. raashtreeya ekta ke bejod shilpi the. vaastav mein ve bhaarateeya janamaanas arthaat kisaan ki aatma the.

Bhaarat ki svatantrata sangraam me unka mahatvapoorn yogadaan hai. Bhaarat ki aajaadi ke baad ve pratham gruh mantri aur upapradhaanamantri bane. unhe Bhaarat ka 'lauh puroosh' bhi kaha jaata hai.

anukram

jeevan parichay

Patel ka janm nadiyaad, Gujarat mein ek leva paateedaar krushak parivaar mein hua tha. ve jhaverabhaai Patel evam laadaba devi ki chauthi santaan the. somaabhaai, naraseebhaai aur vittalabhaai unke agraj the. unki shiksha mukhyat: svaadhyaaya se hi hui. landan jaakar unhonne bairistar ki padhaai ki aur vaapas aakar Ahmedabad mein vakaalat karne lage. mahaatma Gandhi ke vichaaron se prerit hokar unhone Bhaarat ke svatantrata aandolan mein bhaag liya.

kheda sangharsh

svatantrata aandolan mein sardaar Patel ka sabse pehla aur bada yogadaan kheda sangharsh mein hua. Gujarat ka kheda khand (divijn) un dino bhayankar sookhe ki chapet mein tha. kisaanon ne angrej sarkaar se bhaari kar mein chhoot ki maang ki. jab yeh sveekaar naheen kiya gaya to sardaar Patel, Gandhiji evam anya logon ne kisaanon ka netrutv kiya aur unhe kar na dene ke liye prerit kiya. ant mein sarkaar jhuki aur us varsh karon mein raahat di gayi. yeh sardaar Patel ki pehli safalta thi.

baaradoli satyaagrah

baaradoli ke kisaanon ke saath (1928)

baaradoli kasbe mein sashakt satyaagrah karne ke liye hi unhe pehle baaradoli ka sardaar aur baad mein keval sardaar kaha jaane laga.

aajaadi ke baad

yadyapi adhikaansh praanteeya Congress samitiyaaain Patel ke paksh mein theen, Gandhi ji ki ichha ka aadar karte hue Patel ji ne pradhaanamantri pad ki daud se apne ko door rakha aur iske liye Nehru ka samarthan kiya. unhe upapradhaan mantri evam gruh mantri ka kaarya saunpa gaya. kintu iske baad bhi Nehru aur Patel ke sambandh tanaavapoorn hi rahe. iske chalte kai avsaron par dono ne hi apne pad ka tyaag karne ki dhamaki de di thi.

gruh mantri ke roop mein unki pehli praathamikta desi riyaasaton (raajyon) ko Bhaarat mein milaana tha. isko unhone bina koi khoon bahaaye sampaadit kar dikhaaya. keval Hyderabad ke operation polo ke liye unako sena bhejani padi. Bhaarat ke ekeekaran mein unke mahaan yogadaan ke liye unhe Bhaarat ka lauh puroosh ke roop mein jaana jaata hai. san 1950 mein unka dehaant ho gaya. iske baad Nehru ka Congress ke andar bahut kam virodh shesh raha.

desi raajyon (riyaasaton) ka ekeekaran

sardaar Patel ne aajaadi ke theek poorv (sankraman kaal mein) hi PV Menon ke saath milkar kai desi raajyon ko Bhaarat mein milaane ke liye kaarya aarambh kar diya tha. Patel aur Menon ne desi raajaaon ko bahut samajhaaya ki unhe svaayattata dena sambhav naheen hoga. iske parinaamasvaroop teen ko chhodakar shesh sabhi raajavaadon ne svechha se Bhaarat mein vilay ka prastaav sveekaar kar liya. keval Jammu evam Kashmir, Junagadh tatha Hyderabad ke raajaaon ne aisa karna naheen sveekaara. Junagadh ke navaab ke viruddh jab bahut virodh hua to vah bhaagakar Pakistan chala gaya aur Junagadh bhi Bhaarat mein mil gaya. jab Hyderabad ke nijaam ne Bhaarat mein vilay ka prastaav asveekaar kar diya to sardaar Patel ne vahaaain sena bhejkar nijaam ka aatmasamarpan kara liya. kintu Nehru ne kaashmeer ko yeh kehkar apne paas rakh liya ki yeh samasya ek antaraashtreeya samasya hai..[1]

Gandhi, Nehru aur Patel

Gandhiji, Patel aur maulaana aajaad (1940)

svatantr Bhaarat ke pratham pradhaanamantri pan. Nehru va pratham up pradhaanamantri sardaar Patel mein aakaash-paataal ka antar tha. yadyapi donon ne inglaind jaakar bairistari ki degree praapt ki thi parantu sardaar Patel vakaalat mein pan॰ Nehru se bahut aage the tatha unhonne sampoorn british saamraajya ke vidyaarthiyon mein sarvapratham sthaan praapt kiya tha. Nehru praaya: sochate rahate the, sardaar Patel use kar daalte the. Nehru shaastron ke jnyaaata the, Patel shastron ke pujaari the. Patel ne bhi oonchi shiksha pai thi parantu unamein kinchit bhi ahankaar naheen tha. ve swayam kaha karte the, "mainne kala ya vigyaan ke vishaal gagan mein oonchi udaanein naheen bhareen. mera vikaas kachchi jhopadiyon mein gareeb kisaan ke kheton ki bhoomi aur shaharon ke gande makaanon mein hua hai." pan॰ Nehru ko gaanv ki gandagi, tatha jeevan se chidh thi. pan॰ Nehru antararaashtreeya khyaati ke ichhuk the tatha samaajavaadi pradhaanamantri banana chaahate the.

desh ki svatantrata ke pashchaat sardaar Patel up pradhaanamantri ke saath pratham gruh, soochana tatha riyaasat vibhaag ke mantri bhi the. sardaar Patel ki mahaanatam den thi 562 chhoti-badi riyaasaton ka bhaarateeya sangh mein vileeneekaran karke bhaarateeya ekta ka nirmaan karna. vishv ke itihaas mein ek bhi vyakti aisa na hua jisne itni badi sankhya mein raajyon ka ekeekaran karne ka saahas kiya ho. 5 July 1947 ko ek riyaasat vibhaag ki sthaapana ki gayi thi. ek baar unhonne suna ki bastar ki riyaasat mein kachche sone ka bada bhaari kshetr hai aur is bhoomi ko deerghakaalik patte par Hyderabad ki nijaam sarkaar khareedna chaahati hai. usi din ve pareshaan ho uthe. unhonne apna ek thaila uthaaya, vi.pi. Menon ko saath liya aur chal pade. ve udeesa pahunche, vahaan ke 23 raajaaon se kaha, "kuen ke medhak mat bano, mahaasaagar mein aa jaao." udeesa ke logon ki sadiyon puraani ichha kuchh hi ghanton mein poori ho gayi. fir Nagpur pahunche, yahaan ke 38 raajaaon se mile. inhein sailyoot state kaha jaata tha, yaani jab koi inse milne jaata to top chhodkar salaami di jaati thi. Patel ne in raajyon ki baadashaahat ko aakhiri salaami di. isi tarah ve kaathiyaavaad pahunche. vahaan 250 riyaasatein thi. kuchh to keval 20-20 gaanv ki riyaasatein theen. sabka ekeekaran kiya. ek shaam mumbai pahunche. aaspaas ke raajaaon se baatcheet ki aur unki raajasatta apne thaile mein daalkar chal diye. Patel Punjab gaye. Patiala ka khajaana dekha to khaali tha. fareedakot ke raaja ne kuchh aanaakaani ki. sardaar Patel ne fareedakot ke nakshe par apni laal painsil ghumaate hue keval itna poochha ki "kya marji hai?" raaja kaanp utha. aakhir 15 August 1947 tak keval teen riyaasatein-Kashmir, joonaagadh aur Hyderabad chhodkar us lauh purush ne sabhi riyaasaton ko Bhaarat mein mila diya. in teen riyaasaton mein bhi joonaagadh ko 9 November 1947 ko mila liya gaya tatha joonaagadh ka navaab Pakistan bhaag gaya. 13 November ko sardaar Patel ne somanaath ke bhagn mandir ke punarnirmaan ka sankalp liya, jo pandit Nehru ke teevr virodh ke pashchaat bhi bana. 1948 mein Hyderabad bhi keval 4 din ki police kaarravaai dvaara mila liya gaya. na koi bam chala, na koi kraanti hui, jaisa ki daraaya ja raha tha.

jahaan tak Kashmir riyaasat ka prashn hai ise pandit Nehru ne swayam apne adhikaar mein liya hua tha, parantu yeh satya hai ki sardaar Patel Kashmir mein janamat sangrah tatha Kashmir ke mudde ko sanyukt raashtra sangh mein le jaane par behad kshubdh the. ni:sandeh sardaar Patel dvaara yeh 562 riyaasaton ka ekeekaran vishv itihaas ka ek aashcharya tha. Bhaarat ki yeh raktaheen kraanti thi. mahaatma Gandhi ne sardaar Patel ko in riyaasaton ke baare mein likha tha, "riyaasaton ki samasya itni jatil thi jise keval tum hi hal kar sakte the."

yadyapi videsh vibhaag pan॰ Nehru ka kaaryakshetr tha, parantu kai baar up pradhaanamantri hone ke naate cabinet ki videsh vibhaag samiti mein unka jaana hota tha. unki dooradarshita ka laabh yadi us samay liya jaata to anek vartamaan samasyaaon ka janm na hota. 1950 mein pandit Nehru ko likhe ek patra mein Patel ne cheen tatha usaki Tibet ke prati neeti se saavdhaan kiya tha aur cheen ka ravaiya kapatapoorn tatha vishvaasaghaati batalaaya tha. apne patra mein cheen ko apna dushman, uske vyavahaar ko abhadrataapoorn aur cheen ke patron ki bhaasha ko kisi dost ki naheen, bhaavi shatru ki bhaasha kaha tha. unhonne yeh bhi likha tha ki Tibet par cheen ka kabja nai samasyaaon ko janm dega. 1950 mein Nepal ke sandarbh mein likhe patron se bhi pan॰ Nehru sahamat na the. 1950 mein hi Goa ki svatantrata ke sambandh mein chali do ghante ki cabinet baithak mein lambi vaarta sunane ke pashchaat sardaar Patel ne keval itna kaha "kya ham Goa jaaenge, keval do ghante ki baat hai." Nehru isse bade naaraaj hue the. yadi Patel ki baat maani gayi hoti to 1961 tak Goa ki svatantrata ki prateeksha na karni padti.

gruhamantri ke roop mein ve pehle vyakti the jinhonne bhaarateeya naagrik sevaaon (I.si.S.) ka bhaarateeyakaran kar inhein bhaarateeya prashaasanik sevaaen (I.A.S.) banaaya. angrejon ki seva karne vaalon mein vishvaas bharakar unhein raajabhakti se deshbhakti ki or moda. yadi sardaar Patel kuchh varsh jeevit rahate to sambhavat: naukarashaahi ka poorn kaayaakalp ho jaata.

sardaar Patel jahaan Pakistan ki chhadm va chaalaaki poorn chaalon se satark the vaheen desh ke vightanakaari tatvon se bhi saavdhaan karte the. visheshakar ve Bhaarat mein muslim league tatha kamyuniston ki vibhedakaari tatha roos ke prati unki bhakti se sajag the. anek vidvaanon ka kathan hai ki sardaar Patel bismaark ki tarah the. lekin London ke times ne likha tha "bismaark ki safalataaen Patel ke saamane mahatvaheen rah jaati hain. yadi Patel ke kehne par chalte to Kashmir, cheen, Tibet va Nepal ke haalaat aaj jaise na hote. Patel sahi maayanon mein manu ke shaasan ki kalpana the. unamein kautilya ki kootaneetijnyaata tatha mahaaraaj shivaaji ki dooradarshita thi. ve keval sardaar hi naheen balki bhaarateeyon ke hmadaya ke sardaar the.

Patel ka sammaan

sardaar Patel raashtreeya smaarak ka mukhya kaksh
  • Ahmedabad ke havaai adde ka naamakaran sardaar vallabhabhaai Patel antaraashtreeya havaai adda rakha gaya hai.
  • Gujarat ke vallabh vidyaanagar mein sardaar Patel vishvavidyaalaya

prashasti kaavya

raashtra sapoot

karamasadano karmaveer ne, baaradoleeno taaranahaar;
gaangheesainyano adano sainik, bhaaratano sveekrut sardaar.

maandhaataana mad chhodaave, evo taaro ran tankaar;
vaaneeno vilaas game na, shabd karmamaan ekaakaar.

shabd-shastr ne neeti-astrano, param upaasak nav chaanakya;
shaasakane tein saadhak keedha, raashtra-yajnyaana sah yaachak.

sangh-shaktino ajod saaghak kaarya siddhino aahvaahak;
ek tirangaani chhaayaamaan, ekhand bhaaratano sarjak.

baapune pagale tun chaalyo, bani bhakt, shoor, drudh pratijnya;
adbhut aikya dai bhaaratane, poorn karyo jeevanano yagya.

svaraajyani chaaleesi taane, suraajya jhankhe sau nar-naar;
smare snehathi, saadar vande, jaya jaya raashtra sapoot sardaar.
- haragovind chandulaal naayak (amadaavaad, 1986)

khedootono taaranahaar

koni haake madadaan oothyaan ?
kaayar kesari thai tadookya ?
koni paade kapati jootha,
jaaleemonaan gaatr vachhutyaan ?
khedootono taaranahaar,
jaya sardaar ! jaya sardaar
khedootoni mukti kaaje,
Singh samo gujaraate gaaje,
taaj vinaano raaja raaje,
kon have jane vallabh aaje !
khedootono taaranahaar,
jaya sardaar ! jaya sardaar
maateemaanthi mard banaavi,
sabhali sattaane thanbhaavi,
gurjari maane jeb apaavi,
bhaaratabhar usha pragataavi.
khedootono taaranahaar,
jaya sardaar ! jaya sardaar
leela nandanavan bhelaade,
raankadi raiyatane ranjaade,
eva nandi naathya kone ?
palamaan deedha poori khoone.
khedootono taaranahaar,
jaya sardaar ! jaya sardaar
- kalyaanaji maheta (baaradoli, 1928)

Patel ke prati

yahi prasiddh lohapurush prabal,
yahi prasiddh shakti ki shila atal,
hila ise saka kabhi na shatru dal,
Patel par
svadesh ko
gumaan hai .
subuddhi uchch shrrung par kiye jagah,
hrudaya gambhir hai samudra ki tarah,
kadam chhue hue jameen ki satah,
Patel desh ka
nighabaan hai .
harek paksh ke Patel taulata,
harek bhed ko Patel kholata,
duraav ya chhipaav se ise garaj ?
kathor nagn satya bolata .
Patel hind ki needar jabaan hai .
- harivansharaaya Bachchan (1950)

His Works are actions

Cross legend he sits with a stony stoop
And dark deep furrowed face
Eyes at once undaunted searching kind
A head too cool a nook for fire anged words

Have you ever heard him speak?
It is not words he utters.
He musters the strength of the shriveled soul
Of a vast famishing people;
And ever his steep stark personality
Forges word winged weapons.

It is his wont to fling
Barbed words at feasting ill
But of the from his soul sling
Darts forth not words but will
His words are actions.

- Umashankar Joshi (Ahmedabad, 1948)

staichyoo of unity

31 October 2013 ko sardaar vallabh bhaai Patel ki 137veen jayanti ke mauke par Gujarat ke mukhyamantri Narendra Modi ne Gujarat ke narmada jile mein sardaar vallabh bhaai Patel ke smaarak ka shilaanyaas kiya. iska naam 'ekta ki moorti' (staichyoo of unity) rakha gaya hai. yeh moorti 'staichyoo of librti' (93 meter) se dugani oonchi banegi. is prastaavit pratima ko ek chhote chattaani dweep par sthaapit kiya jaana hai jo kevaadiya mein sardaar sarovar baandh ke saamane narmada nadi ke madhya mein hai. sardaar vallabh bhaai Patel ki yeh pratima duniya ki sabse oonchi moorti hogi tatha yeh 5 varsh mein lagbhag 2500 karod rupaye ki laagat se taiyaar honi hai.[2]

sandarbh

inhein bhi dekhein

baahari kadiyaaain