vakrokti siddhaant

vakrokti do shabdon 'vakr' aur 'ukti' ki sandhi se nirmit shabd hai. iska shaabdik arth hai- aisi ukti jo saamaanya se alag ho. bhaamah ne vakrokti ko ek alankaar maana tha. unke paravarti kuntak ne vakrokti ko ek sampoorn siddhaant ke roop mein viksit kar kaavya ke samast angon ko ismein samaavisht kar liya. isliye kuntak ko vakrokti sanpradaaya ka pravartak aachaarya maana jaata hai.

anukram

aitihaasik vikaas

vakrokti siddhaant ki pratishtha tatha pratipaadan ka shreya kuntak ko hai parantu iski parampara praacheen hai. bhaamah ke poorvavarti kaviyon baan, subandhu aadi mein iske sandarbh praapt hote hain.

bhaamah

bhaamah ne vakrokti ka prayog vyaapak arth mein kiya hai. unhonne vakrokti mein shabd aur arth, donon ka antarbhaav maana hai. unhonne vakrokti tatha atishyokti ka samaan arth mein prayog kiya hai. atishyokti ka arth hai lokaatikraant gocharata. vakrokti ko isi kaaran bhaamah mool alankaar maanate hain. iske bina vaakya kaavya na rahakar vaarta maatr rah jaata hai.

dandi

dandi ne bhi vakrokti ko bhaamah ke samaan mahatva diya hai. dandi ne vaanङaamaya ke do bhed bataaye hain- svaabhaavokti tatha vakrokti. dandi ne vakrokti tatha atishyokti ko samast alankaaron ke mool mein sveekaar kiya hai. bhaamah aur dandi mein keval yeh antar hai ki bhaamah sbhaavokti ko vakrokti ki paridhi mein sveekaar karte hain aur dandi use bhinn maanate hue vakr kathan se kam mahatvapoorn samajhte hain.

aanandavardhan

aanandavardhan ne vakrokti ki svatantr vyaakhya naheen ki hai. unhonne ise vishisht alankaar maankar iske saamaanya tatha vyaapak roop ko sveekaar kiya hai. aanandavardhan ne bhaamah ke vakrokti sambandhi mahatva ko sveekaar karte hue atishyokti tatha vakrokti ko paryaaya maana aur sabhi alankaaron ko atishyokti garbhit sveekaar kiya hai.

abhinvagupt

abhinvagupt (10-11veen sadi) ne vakrokti ke saamaanya roop ko sveekaar kiya hai. inke anusaar shabd aur arth ki vakrata ka aashay unki lokottar sthiti hai tatha is lokottar ka arth atishya hi hai.

kuntak

vakrokti siddhaant ke pravartak kuntak ne apne granth vakrokti jeevitm mein vakrokti ko kaavya ki aatma kaha hai. unhonne vakrokti ke antargat sabhi kaavya siddhaanton ka samaahaar karte hue samast kaavyaangon- varn chamatkaar, shabd saundarya, vishyavastu ki ramaneeyata, aprastut-vidhaan, prabandh kalpana aadi ko uchit sthaan diya hai. kuntak ke anusaar vakrokti keval vaak-chaaturya athva ukti chamatkaar naheen hai, vah kavi vyaapaar athva kavi kaushal hai.

nagendr

dau॰ nagendr ke anusaar "aadhunik shabdaavali mein ise kalaavaad kah sakte hain- kaavya ka sarvapramukh tatv kala hai. iska arth yeh naheen hai ki kuntak ne apne siddhaant mein vishay-vastu ka nishedh kiya hai. unhonne kaavya vastu ki svaabhaavik ramaneeyata ko sveekaar kiya hai. kavi ko kaavya vastu ke sahrudaya-ramaneeya dharmon ko vyakt karna chaahiye. yeh kavi pratibha se hi sambhav hai. is prakaar unke anusaar antat: kavi vyaapaar hi pramukh hai."

anya siddhaanton se sambandh

bhaarateeya kaavya siddhaant mein ras siddhaant anubhooti athva bhaavana par aadhaarit hai aur alankaar siddhaant kavi kalpana par aadhaarit hai. vakrokti siddhaant ka sambandh is drushti se alankaar siddhaant se hai. vakrokti mein alankaaron ke kalpana vaichitrya ko vyaapak aadhaar par sveekaar kiya gaya hai. yeh kalpana kavinishth hai, sahrudayanishth naheen. dhvani tatha vakrokti ka antar bhi yahi hai ki dhvani ki kalpana sahrudayanishth hai aur vakrokti ki kalpana kaavyanishth. at: dhvani ka drushtikon vyaktiprak hai aur vakrokti ka vastunishth. kuntak ne ras ko vakrokti ka praan maankar kalpana ke saath bhaavana ke mahatva ko bhi sveekaar kiya hai. kuntak ne ras ko vakrata ka vishisht ang maan kar bhi angi vakrata ko hi maana hai. vakrata ke bina ras ki sthiti sambhav naheen hai jabki ras ke bina vakrata ki apni svatantr sthiti hai. kuntak ne aisi sthiti ko mahatva naheen dete hue rasaviheen vakrata ko tirskaar yogya maana hai.

mahatva

kuntak ka vakrokti siddhaant vyaapak aur samanvayasheel siddhaant hai. iski udbhaavana ke mool mein alankaar siddhaant ki parampara ke saath dhvani siddhaant hai. kuntak ke vakrokti siddhaant mein sampoorn kaavya ko sveekruti mili hai. unke siddhaant mein bal bhale hi kala paksh par ho par unki vyaakhya ke antargat vastu paksh tatha bhaav paksh ka poora samaahaar hai.

sandarbh

saahityashaastr kosh- raajavansh sahaaya heera