vaikhaanas

Karnataka ke ti naraseepur ke gunjanarasinhasvaami mandir mein kumbhaabhishekam ke avsar par yagya karte hue vaikhaanas braahman

vaikhaanas ek pramukh praacheen bhaarateeya sampradaaya hai. iske anuyaayi vishnu evam unke avataaron ki pooja karte hain. ve praay: Krishna yajurved ki taitareeya shaakha tatha vaikhaanas kalpasootr ke anuyaayi braahman hain. is panth ki aachaaryaparanpara vikhnas muni se aarambh hoti hai. 'vaikhaanas' shabd 'vikhnas' se bana hai. 'vaikhaanas bhaagavat shaastr' tirumal veinkateshvar mandir ke karmakaand ka mukhya aadhaar hai.

parichay

manusmruti (6/21) mein vaanaprasth yatiyon ke liye, vaikhaanasamat mein sthit rahakar falaadi ke sevan ka nirdesh milta hai. is praacheen mat ka sambandh "Krishna yajurved" ki auraveya shaakha se hai aur iske apne "gruhyasootr", "dharmasootr", "shrautasootr" evam "matrasanhita" granth bhi hain. iski aachaaryaparanpara vikhnas muni se aarambh hoti hai jiske pita Narayan, maata haripriya tatha putr bhrugu, aadi kahe gaye hain aur jinke anantar aanevaale do aachaarya kramash: kashyap evam mareechi batalaae gaye hain. mareechi ka "vaikhaanas aagam" granth upalabdh hain jismein 70 patal hain aur jismein is mat ka bahut kuchh parichay mil jaata hai.

iske anusaar paramaatma ki chaar moortiyaaain "vishnu", "mahaavishnu", "sadaavishnu", tatha "sarvavyaapi" naam ki hoti hai jinse fir chaar ansh kramash: "purush", "satya", "achyut", evam "aniruddh" utpann hote hain aur inheen se yukt rahakar Narayan "panchamoorti" kahe gaye hain jinke naamajap, hut, dhyaan evam archan dvaara jeevon ka maayaabandhan door kiya ja sakta hai. in vishnu va Narayan ki vaisi moorti ki sthaapana ke liye vishisht mandir ke nirmaan ka vidhaan hai jahaaain par, vaidik mantron dvaara unki samyak aaraadhana karke "aamod", "pramod", "sanmod", evam "vaikunth" naamak lokon tak pahuaincha ja sakta hai tatha kramash: saalokya, saameepya, saaroopya ev saayujya mukti ki praapti bhi hoti hai. yahaaain par amoort ki aaraadhana se samoort ke poojan ko shreshth thaharaaya gaya hai aur avataaron ki charcha bhi praaya: gaun roop se hi ki gayi milti hai. vaikhaanas gruhya sootr mein jo chaitri poornimaavaale poojan ki vidhi nirdisht hai uske peechhe krushi, pashu, gram evam jan ke kalyaan ki bhi bhaavana kaam karti hai.

is mat ki chaar shaakhaaeain maani jaati hai jinhein aatreya, kaashyapeeya, maareech evam bhaargav kaha gaya hai aur inki keval sanhitaaeain maatr hi bhinn hain. iska aagam, paancharaatr aagam se kaheen adhik praacheen vaidik parampara ka anusaran karta hai aur iska prabhaav, svaami raamaanujaachaarya ke samay se kam hote aane par bhi, abhi dakshin mein tirupati aadi kai sthaanon par paaya jaata hai. "gautamadharmasootr" (3/2) "baudhaayan dharmasootr" (2/6/17) evam "vasishthadharmasootr" (9-10) mein vaanaprasth yatiyon ko "vaikhaanas" kaha gaya hai tatha kaalidaas, bhavabhooti evam tulaseedaas, aadi ki rachanaaon mein bhi, in donon ko abhinn maana gaya hai.

inhein bhi dekhein