vaayu puraan

vaayu puraan
Vayu Purana.jpg
daayamand book naamak prakaashak dvaara prakaashit aavaran prushth
lekhak vedavyaas
aavaran kalaakaar daayamand book
desh Bhaarat
bhaasha sanskrut tatha hindi anuvaad
shrrunkhala puraan
vishay Shiv, bhakti
prakaar Shiv pooja prakaran par aadhaarit puraan
prushth 11,000 shlok

is puraan mein Shiv upaasana charcha adhik hone ke kaaran is ko shivpuraan ka doosra ang maana jaata hai, fir bhi ismein vaishnav mat par vistrut pratipaadan milta hai. ismein khagol, bhoogol, srushtikram, yug, teerth, pitr, shraaddh, raajavansh, rishivansh, ved shaakhaaen, sangeet shaastr, shivbhakti, aadi ka savistaar niroopan hai.

anukram

vistaar

is puraan mein ismein 112 adhyaaya evam 11,000 shlok hain. vidvaan log 'vaayu puraan' ko svatantr puraan na maankar 'Shiv puraan' aur 'brahmaand puraan' ka hi ang maanate hain. parantu 'naarad puraan' mein jin athaarah puraanon ki soochi di gayi hain, unamein 'vaayu puraan' ko svatantr puraan maana gaya hai.[1]

vaayu puraan ki sankshipt jaankaari

is puraan mein vaayudev ne shvetakalp ke prasangon mein dharmon ka upadesh kiya hai. isaliye ise vaayu puran kehte hai. yeh poorv aur uttar do bhaagon se yukt hai. jismein sarg aadi ka lakshan vistaarapoorvak batalaaya gaya hai, jahaan bhinn bhinn manvantaron mein raajaaon ke vansh ka varnan hai aur jahaan gayaasur ke vadh ki katha vistaar ke saath kahi gayi hai, jismein sab maason ka maahaatmaya bataakar maagh maas ka adhik fl kaha gaya hai jahaan daan darm tatha raajadharm adhik vistaar se kahe gaye hai, jismein pruthvi paataal disha aur aakaash mein vichrane vaale jeevon ke aur vrat aadi ke sambandh mein nirnaya kiya gaya hai, vah vaayupuraan ka poorvabhaag kaha gaya hai. muneeshvar ! uske uttarabhaag mein narmada ke teerthon ka varnan hai, aur vistaar ke saath shivsanhita kahi gayi hai jo Bhagwan sampoorn devataaon ke liye durjeya aur sanaatan hai, ve jiske tatapar sada sarvatobhaaven nivaas karte hai, vahi yeh narmada ka jal brahma hai, yahi vishnu hai, aur yahi sarvotkrusht saakshaat Shiv hai. yeh narmada jal hi niraakaar brahm tatha kaivalya moksh hai, nishchaya hi Bhagwan shivne samast lokon ka hit karne ke liye apne shareer se is narmada nadi ke roop mein kisi divya shakti ko hi dharati prar utaara hai. jo narmada ke uttar tat par nivaas karte hai, ve Bhagwan rudr ke anuchar hote hai, aur jinka dakshin tat par nivaas hai, ve Bhagwan vishnu ke lokon mein jaate hai, ooainkaareshvar se lekar pashchim samudra tat tak narmada nadi mein doosari nadiyon ke paitees paapanaashak sangam hai, uname se gyaarah to uttar tatapar hai, aur teis dakshin tat par. painteesavaan to swayam narmada aur samudra ka sangam kaha gaya hai, narmada ke donon kinaaron par in sangamon ke saath chaar sau prasiddh teerth hai. muneeshvar ! inke sivaaya anya saadhaaran teerth to narmada ke pag pag par vidyamaan hai, jinki sankhya saath karod saath hajaar hai. yeh paramaatma Shiv ki sanhita param punyamayi hai, jismein vaayudevata ne narmada ke charitra ka varnan kiya hai, jo is puraan ko sunata hai ya padhata hai, vah shivlok ka bhaagi hota hai.

sandarbh

baahari kadiyaaain