vaarnish

yeh lekh ek aadhaar hai. aap ise badhaakar vikipeediya ki sahaayata kar sakte hain. the va b

sangrahaalaya mein vaarnish ki huin kuchh lakdi ki vastueain

rogan ya vaarnish (angreji:Varnish) ek padaarth hai jo lakdi tatha anya kuchh padaarthon ke oopar lagaayi jaati hai jisse unki suraksha ho aur ve sundar dikhein. vaarnish ke lep chadhaane ka uddeshya kisi tal ko chikna, chamakeela aur aakarshak banaana hota hai. yadi tal lakdi ka hai, to tal ki keeton se raksha bhi vaarnish se ho sakti hai. yadi tal dhaatuon ka hai, to usapar vaayu, jal, prakaash aadi, se raksha kar muracha lagne se use bachaaya ja sakta hai.

vaarnish do prakaar ke hote hain-

• (1) spirit vaarnish
• (2) tel rejin vaarnish

spirit vaarnish mein koi rejin kism ka padaarth kisi vaashpasheel vilaayak mein ghula rahata hai. vilaayak ke ud jaane se rejin ka ek patala lep tal par chadh jaata hai. kuchh sanshlisht rejin se bane spirit vaarnish ko pakaane ki aavashyakta pad sakti hai, par saamaanya spirit vaarnish bina pakaae hi bante hain. saralatam spirit vaarnish chapade ko ethil elkohal ya spirit mein ghulaane se praapt hota hai. tel rejin vaarnish mein rejin aur shushkan tel ke saath vaashpasheel vilaayak mila rahata hai. vaarnish ka vilyaak udkar nikal jaata hai aur avashisht ansh ka aakseekaran aur bahulakeekaran hokar tal par ek thos lep chadha rah jaata hai.

shushkan tel, ardh-shushkan tel, rejin, vilaayak aur shoshak (drier) vaarnish ke kachche maal hain. vaarnish ko patala banaane ke liye kuchh taralak (thinner) bhi daale jaate hain.

shushkan tel

prayukt honevaale shushkan tel, alasi tel, tung tel, perila (perilla) tel, nirjaleekrut reindi tel, menahaaden tel, saaradaain tel aur soyaabeen ke tel hain. Bhaarat mein pradhaanataya alasi aur tung tel vyavahaar mein aate hain.

rejin

pehle keval praakrutik rejin mein vyahrut hote the. ab sanshlisht rejinon ka vyavahaar adhikta se ho raha hai. kud vishisht kism ke vaarnishon mein silikon rejin bade upayogi siddh hue hain. praakrutik rejinon mein kauri, kaungo, poraatiyenak, East India, baatu, mainila aur daamar adhik mahatva ke hain. pehle ke do rejin keval tel rejin vaarnish mein aur antim do rejin keval spirit vaarnish mein prayukt hote hain. shesh tel rejin aur spirit donon vaarnish mein prayukt hote hain. lakh ya chapada pradhaanataya spirit vaarnish mein kaam aata hai. inke atirikt rojin aur sanshlisht rejin (feenol-faarmaildeehaaid rejin, ailkeed rejin, milemin rejin, yooriya-faarmaldeehaaid rejin, vineel rejin, kloreeneekrut rabar aur selulos estar ityaadi) bhi vyaapak roop se prayukt ho rahe hain.

vilaayak aur taralak

vaarnish vilaayakaan mein spirit (ethil ailkohaul), taarapeen tel, petrolium, spirit, naiftha aur anek estar, jaise byutil aiseetet, emaail aiseetet, selo-saalv, byutil ailkohaul tatha aiseeton ullekhaneeya vilaayak aur taralak hain. inmein ethil ailkohaul sabse adhik vyaapak hai. chapade ke vaarnish mein yahi prayukt hota hai. kuchh anya vilaayak bhi alp maatra mein prayukt hote hain.

shoshak

shoshak keval tel rejin mein hi prayukt hote hain. spirit vaarnish mein inki aavashyakta naheen padti. ye shoshak khanij lavan, seesa, mainganeej aur kobalt ke oksaaid, aiseetet kaarbonet aur boret hote hain, jo pakaane par tel mein vileen ho jaate hain. uparyukt dhaatuon ke linoliyet, rejinet aur naifthinet bhi prayukt hote hain :