vaalmeeki raamaayan

vartamaan mein Ram ke charitra par aadhaarit jitne bhi granth upalabdh hain un sabhi ka mool maharshi vaalmeeki krut vaalmeeki raamaayan hi hai. vaalmeeki raamaayan ke praneta maharshi vaalmeeki ko sansaar mein aadikvi maana jaata hai aur iseeliye yeh mahaakaavya sansaar ka aadikaavya hai. yeh mahaakaavya ko Bhaarat ke sarvaadhik mahatvapoorn raashtreeya nidhiyon mein se ek kaha ja sakta hai.

agnipuraan, garudpuraan, harivansh puraan (vishnu parv), skand puraan (vaishnav khand), matsyapuraan, mahaakavi kaalidaas rachit raghuvansh, bhavabhooti rachit uttar raamacharit, vruhad dharm puraan jaise anek praacheen granthon mein maharshi vaalmeeki evam unke mahaakaavya raamaayan ka ullekh milta hai. vruhat dharm puraan mein is mahaakaavya ki prashansa "kaavya beejan sanaatanam" kah kar ki gayi hai.

kaavyagunon ki drushti se vaalmeeki raamaayan adviteeya mahaakaavya hai. vidvaanon ka mat hai ki yeh mahaakaavya sanskrut kaavyon ki paribhaasha ka aadhaar hai. anya rachanaakaaron ke samaksh unki rachanaashaili ke liye anek prerak tatha path-pradarshak granth rahe hain kintu maharshi vaalmeeki ke sammukh aisi koi rachana naheen thi jo unka path-pradarshan kar sake. at: yeh mahaakaavya poornat: unki maulik kruti hai. apne is mahaakaavya mein maharshi vaalmeeki ne adviteeya shaili mein prakruti-chitran, samvaad-sanyojan tatha vishay pratipaadan kiya hai.

vaalmeeki raamaayan ki kathaavastu Ram ke chaaron or apna taana-baana bunati hai. Ram is mahaakaavya ke naayak hain aur maharshi vaalmeeki ne unke charitra ko ek atimaanav ke roop mein chitrit kiya hai. ishvareeya vishishtata aur asaadhaaran gunon ke svaami hote huye bhi Ram apne kisi bhi kriya-kalaap se maanavetar prateet naheen hote, unka charitra purashottam ke roop mein hi kiya gaya hai. shatruon ka sanhaar karte samay kaheen koi vaishnavi shakti ka prayog naheen hua hai. saagar par setu nirmaan ke liye kisi bhi prakaar ki maaya ka prayog naheen hua hai. Lakshman ki moorha door karne mein Ram ka kaheen bhi koi prataap naheen hai. sampoorn mahaakaavya mein Ram anya manushyon ki bhaaainti doosaron ke sahayog se hi apne samast kaarya sampann karte hain.

vaalmeeki raamaayan mein darshan, raajaneeti, naitikta, shaasan kushalata, khagolashaastr tatha manovijnyaaan ka vishd varnan hona siddh karta hai ki maharshi vaalmeeki vividh vishyon ke jnyaaata tatha prakaand pandit the.

is mahaakaavya mein keval Ram evam seeta ke hi naheen apitu bharat, Lakshman, shatrughn, hanumaan, sugreev, dasharath, kaushalya, sumitra aadi anya paatron ke charitra ko bhi sashakt tatha prerak roop mein prastut kiya gaya hai. bharat ka tyaag adbhut hai.

vaalmeeki raamaayan se pitrubhakti, bhraatruprem, paatirvratya dharm, aajnyaaapaalan, pratijnyaaapoorti tatha satyaparaayanata ki shiksha praapt hoti hai.

• raamaayan
• Goswami tulaseedaas rachit shri Ram charit maanas

• vaalmeeki raamaayan