vaagbhat

vaagbhat naam se kai mahaapurush hue hain. inka varnan is prakaar hai:

anukram

vaagbhat 1

aayurved ke prasiddh granth ashtaangasangrah tatha ashtaangahrudaya ke rachayita. praacheen sanhityakaaron mein yahi vyakti hai, jisne apna parichay spasht roop mein diya hai. ashtaangasangrah ke anusaar inka janm sindhu desh mein hua. inke pitaamah ka naam bhi vaagbhat tha. ye avalokiteshvar guru ke shishya the. inke pita ka naam siddhagupt tha. yeh bauddh dharm ko maananevaale the. itsing ne likha hai ki usase ek sau varsh poorv ek vyakti ne aisi sanhita banaai jisein aayurved ke aatho angon ka samaavesh ho gaya hai. ashtaangahrudaya ka tibbati bhaasha mein anuvaad hua tha. aaj bhi ashtaangahrudaya hi aisa granth hai jiska jarman bhaasha mein anuvaad hua hai.

guptakaal mein pitaamah ka naam rakhane ki pravrutti milti hai : chandragupt ka putr samudragupt, samudragupt ka putr chandragupt (dviteeya) hua.

hvensaaaing ka samay 675 aur 685 shati isavi ke aaspaas hai. vaagbhat isse poorv hue hain. vaagbhat ki bhaasha mein kaalidaas jaisa laalitya milta hai. chhandon ki visheshata dekhne yogya hai (sanskrut saahitya mein aayurved, bhaag 3.). vaagbhat ka samay paaainchaveen shati ke lagbhag hai. ye bauddh the, yeh baat granthon se spasht hai (ashtaangasagranh ki bhoomika, atridev likhit). vaagbhat naam se vyaakaran shaastr ke ek vidvaan bhi prasiddh hain. varaahamihir ne bhi bruhatsanhita mein (adhyaaya 76) maakshik aushadhiyon ka ek paath diya hai. yeh paath ashtaangasangrah ke paath se liya jaan padta hai (uttar. a. 49). rasashaastr ke prasiddh granth rasaratnasamuchchaya ka karta bhi vaagbhat kaha jaata hai. iske pita ka naam sinhagupt tha. pita aur putr ke naamon mein samaanata dekhkar, kai vidvaan ashtaangasangrah aur rasaratnasamuchchaya ke karta ko ek hi maanate hain parantu vaastav mein ye donon bhinn vyakti hain (rasashaastr, prushth 110). vaagbhat ke banaae aayurved ke granth ashtaangasangrah aur ashtaangahrudaya hain. ashtaangahrudaya ki jitni teekaaeain hui hain utani anya kisi granth ki naheen. inan donon granthon ka pathan paathan atyadhik hai.

vaagbhat 2

vaagbhataalankaar ke rachayita jain sanpradaaya ke vidvaan. praakrut bhaasha mein inka naam "vaahat" tha aur ye "som" ke putr the. inke granth ke teekaakaar sinhagani ke kathaanusaar ye kaveendr, mahaakavi aur raajamantri the. granth mein udaahrut padya granthakaar dvaara praneet hain jismein karn ke putr jayasinh ka varn kiya gaya hai. vaagbhat ka kaal praapt pramaanon ke adhaar par 1121 se 1156 tak nishchit hai. vaagbhataalankaar mein kul paaainch parichhed hain. pratham chaar parichhedon mein kaavyalakshan, kaavyahetu, kavismaya, shiksha, kaavyopayogi sanskrut aadi chaar bhaashaaeain, kaavya ke bhed, dosh, gun, shabdaalankaar, arthaalankaar aur vaidarbhi aadi reetiyon ka saral vivechan hai. paaainchavein parichhed mein nav ras, naayak evam naayika bhed aadi ka niroopan hai. inhonne chaar shabdaalankaar aur 35 arthaalankaaron ko maanyata di hai. vaagbhataalankaar sinhagani ki teeka ke saath kaavyamaala series se mudrit evam prakaashit hai.

vaagbhat 3

kaavyaanushaasan naamak granth ke rachayita. inka samay lagbhag 14veen sadi E. hain. inke pita ka naam nemikumaar aur maata ka naam mahaadevi tha. yeh granth sootron mein praneet hai jispar granthakaar ne hi "alankaar tilk" naam ki teeka bhi ki hai. teeka mein udaaharan diye gaye hain aur sootron ki vistrut vyaakhya ki gayi hai.

kaavyaanushaasan paaainch adhyaayon mein vibhkt hai. ismein kaavyaprayojan, kavismaya, kaavyalakshan, dosh, gun, reeti, arthaalankaar, shabdaalankaar, ras, vibhaavaadi ka vivechan aur naayak-naayika-bhed aadi par kramabaddh prakaash daala gaya hai. granthakaar ne alankaaron ke prakaran mein bhatti, bhaamah, dandi aur rudrat aadi dvaara aavishkrut kuchh aise alankaaron ko bhi sthaan diya hai jinke oopar granthaakaar ke poorvavarti aur alankaaron ke aavishkaarakon ke paravarti mammat aadi vidvaanon ne kuchh bhi vichaar naheen kiya hai. granthakaar ne "anya" aur "upper" naam ke do naveen alankaaron ko bhi maanyata di hai. is granth ka upajeevya kaavyaprakaash, kaavyameemaansa aadi granth hain. inhonne 64 arthaalankaar aur 6 shabdaalankaar maane hain. granth ke praarambh mein granthakaar ne swayam apna parichay diya hai aur "vaagbhataalankaar" ke praneta ka naamollekh "itivaamanavaagbhataadipraneet dash kaavyaguna:" kehkar kiya hai. at: yeh "vaagbhataalankaar" ke praneta vaagbhat se bhinn aur paravarti hain.

vaagbhat 4

neminirvaan naamak mahaakaavya ke rachayita. ye hemachandr ke samakaaleen vidvaan hain. inka samay E. 1140 ke lagbhag hai. neminirvaan mahaakaavya mein kul 15 sarg hain. jaisa naam se hi prakat hai, is mahaakaavya mein jain teerthankar shri neminaath ke charitra ka van kiya gaya hai. inki kavita prasaad aur maadhurya gunon se yukt evam saras hai.

inhein bhi dekhein

baahari kadiyaaain