uttari dhruv

uttari dhruveeya kshetr.

uttari dhruv hamaare grah pruthvi ka sabse sudoor uttari bindu hai. yeh vah bindu hai jahaaain par pruthvi ki dhuri ghoomti hai. yeh aarkatik mahaasaagar mein padta hai aur yahaaain atyadhik thand padti hai kyonki lagbhag chh: maheene yahaaain sooraj naheen chamakata hai. dhruv ke aaspaas ka mahaasaagar bahut thanda hai aur sadaiv barf ki moti chaadar se dhaka rahata hai. is bhaugolik uttari dhruv ke nikat hi chumbakeeya uttari dhruv hai, isi chumbakeeya uttari dhruv ki or hi kampaas ki sui sanket karti hai. uttari taara ya dhruv taara uttari dhruv ke aakaash par sadaiv niklata hai. sadiyon se naavik isi taare ko dekhkar ye anumaan lagaate rahe hai ki ve uttar mein kitni door hain. yeh kshetr aarkatik ghera bhi kahalaata hai kyonki vahaan ardharaatri ke soorya (midnaait san) aur dhruveeya raat (polar night) ka drushya bhi dekhne ko milta hai. uttari dhruv kshetr ko aarkatik kshetr bhi kaha jaata hai. yahaan barf se dhanke vishaal kshetr ke atirikt aarkatik saagar bhi hai. yeh saagar anya kai deshon jaise Canada, greenalaind, roos, America, aaisalaind, Norway, sveedan aur Finland ki jameenon se laga hua hai. ise andh mahaasaagar ka uttari chhor bhi kaha ja sakta hai.[1]

anukram

jalavaayu

aarkatik ka ek drushya.

uttari dhruv, dakshini dhruv ki tulana mein kam thanda hai kyonki yeh mahaasaagar ke madhya mein samudra star par sthit hai (jo garmi ke sangrah ke roop mein kaarya karta hai), naaki mahaadveepeeya bhoobhaag mein kisi ooainchaai par. sardiyon mein (January) yahaaain ka taapamaan −43 °ase se −26 °ase ke beech rahata hai aur ausat lagbhag −34 °ase hota hai. garmiyon mein (June, July aur August) mein taapamaan ka ausat jamaav bindu (0 °ase) ke aaspaas rahata hai.[2] uttari dhruv mein samudra par jami barf ki parat 2 se 3 meter tak moti hoti hai,[3] yadyapi ismein bahut parivartan paaya jaata hai aur kabhi-kabhi tairate hue himkhandon ke neeche saaf paani dikh jaata hai.[4] kai shodhon se ye gyaat hua hai ki pichhle kuchh varshon mein yahaaain barf ki paraton ki ausat motaai mein kuchh kami I hai.[5] bahut se log iska kaaran vaishvik ooshmeekaran ko bataate hain, par ispar kuchh vivaad hai. kuchh prativedanon ke anusaar aane vaale kuchh dashakon mein garmiyon ke mausam mein aarkatik mahaasaagar poori tarah barf rahit hoga,[6] aur iske mahatvapoorn vaanijyik nihitaarth honge.

vanaspatiyaaain aur jeevajantu

dhruveeya bhaaloo.

is kshetr mein vanaspati bahut kam milti hai. yahaan ke saagar ke paani mein kai tarah ke plainktan milte hain. iske atirikt, jameen par rahane vaale dhruveeya bhaaloo aur kuchh log bhi yahaan rahate hain. iske anokhe bhaugolik vaataavaran ke kaaran yahaan rahane vaale logon ne swayam ko vaataavaran ke anusaar dhaal liya hai. gat kuchh dashakon mein aarkatik kshetr ke barfeele saagar ki barf kam honi shuroo hui hai.[1] yahaaain paae jaane vaale kuchh pashu hain, dhruveeya bhaaloo aur seal. bhaaloo maaainsaahaari hote hai. ye poori sardiyon ke dauraan nishkriya rahate hain aur aarkatik ki garamiyon ka mausam aarambh hote hi shikaar ke liye chal padte hain. bhaaluon ke baare mein ye maana jaata hai ki ye bhojan ki kami ke kaaran 82° uttar se aage naheen jaate, yadyapi inke jaane ke raaste uttari dhruv ke aaspaas paae gaye hain aur 2006 ke ek khojakarta dal ne ye soochana di ki ek dhruveeya bhaalu dhruv se maatr 1.6 kimi ki doori par dekha gaya hai. chakraakaar seal bhi dhruv par dekhi gayi hai aur aarkatik lomadiyaaain dhruv se 60 kimi door 89°a40′ par pai gayi hain. dhruv ke bahut paas jo pakshi dekhe gaye hain ve hain, him banting, uttari fulmar aur kaali-taangon waali kitivek, yadyapi kuchh pakshiyon ke dekhe jaane ke samaachaar tode-marode bhi ho sakte hain, kyonki pakshiyon ki pravrutti jahaajon aur abhiyaan dalon ka peechha karne ki hoti hai.

uttari dhruv aur aarkatik kshetron par praadeshik daave

uttari dhruv

antarraashtreeya kaanoonon ke anusaar, vartamaan mein kisi bhi desh ka uttari dhruv ya aarkatik mahaasaagareeya kshetr par adhikaar naheen hai. iske aaspaas ke paaainch desh roos, Canada, Norway, Denmark (greenalaind ke dvaara) aur sanyukt raajya America (alaaska ke dvaara), apni seemaaon ke 200 nautikl-meal (370 kimi) tak ke vishisht aarthik kshetr tak seemit hain aur iske aage ke kshetr ka prashaasan antarraashtreeya seebed praadhikran ke paas hai.

2 August, 2007 ko roos ne aarkatik kshetr par apni daavedaari sudrudh karne ke liye apna raashtreeya dhvaj aarkatik ki samudri satah par laga diya, haalaanki ise antarraashtreeya sahamati praapt naheen hai.[7]

anya khanij

kai tarah ke padaarth bhi is kshetr mein milte hain. tel, gas, khanij yahaan milte hain. kai kism ki jaiv vividhta yahaan praakrutik taur par sanrakshit hai. haalaanki manushya ke yahaan aa pahunchane se kuchh samasyaaen uthi hain. yeh kshetr paryatan vyavasaaya ke liye bhi dekha ja raha hai. vishv ke kul jal strot ka paanchavaan bhaag yahaan hai. international aarkatik science committee ne gat das varsho mein aarkatik kshetr ke baare mein kai nai jaanakaariyaan jutaai hain. is committee mein duniya bhar ke vaigyaanik aur aarkatik visheshagya hain.[1]

inhein bhi dekhein

sandarbh