uttaraashaadha
uttaraashaadha nakshatr ka svaami soorya hai. iska pratham charan bhoonaam se dhanuraashi mein aata hai. raashi svaami guru hai to nakshatr svaami soorya hai. soorya ki dasha mein sabse kam 6 varsh ki hoti hai. jo lagbhag janm se 6 varsh ke andar beet jaati hai. iske baad chandrama ki 10 varsh mangal ki 7 varsh kul milaakar 17 varsh yahi samay hota hai. jab bachcha padhaai mein sanlagn rahata hai yaheen se uske bhavishya ka nirmaan hota hai. at: soorya ke saath mangal ka janm patrika mein shubh hokar baithna hi us baalak ka bhavishya nirdhaaran karne mein sahaayak hoga. soorya atyant tejasvi grah hokar aatma ka kaarak hai.
agni tatv va raashi bhi agni tatv hone se iska prabhaav jaatak par grah sthitinusaar adhik padta hai. soorya yadi guru ke saath ho to uchch prashaasanik sevaaon mein safalta milti hai. aise jaatakon mein kushal netrutvakshamata hoti hai. ye raajaneeti, judge, aaiees officer, CA aadi kshetr mein adhik safal hote hain.
mangal ke saath ho to police raajaneeti, sangathan, udyog aadi mein safalta paate hain. budh ke saath ho to lekhak, vanik, uttam vakta, vakeel, prakaashak aadi kshetr mein safal hote hain. soorya shukr ke saath ho to sundar va kaamuk bhi hote hain. anya grah jaise raahu, shani ke saath shubhafal naheen milta. soorya jahaaain shubh ho vaheen guru ka bhi shubh hona aavashyak hai. mangal yadi uttam sthiti mein ho to aisa jaatak apna bhavishya uttam hi banaaega.
dekhiye
- nakshatr soochi