uttar Goa jila

uttar Goa aur iske taalukaaon (tahaseelon) ko baingani varnon se darshaaya gaya hai

uttar Goa jila, bhaarateeya raajya Goa ke do jilon mein se ek hai. jile ka kshetrafal 1736 kimee² hai aur yeh uttar aur poorv mein kramash: Maharashtra ke jilon sindhudurg aur kolhaapur se, dakshin mein dakshin Goa jila aur pashchim mein arab saagar se ghira hai.

anukram

itihaas

aaj ke uttar Goa ke jyaadaatar pradesh (paranem, bicholim aur sataari), kabhi saavantavaadi raajashaahi ke adheen the, jabki ponda samay samay par kabhi sunda raajashaahi ya maraathon ya fir saavantavaadi raajashaahi ke adhikaar kshetr mein raha. isliye in kshetron ko hinduon ke liye ek surakshit kshetr samjha jaata tha jabki kshetr ke adhiktar hindu purtagaali dharmaadhikran ke kaaran nirantar bhaya ki sthiti mein rahate the. 18 veen shataabdiyon mein nai vijay ke ek bhaag ke roop mein purtagaaliyon ne in pradeshon par vijay praapt kar inhein apne saamraajya mein mila liya aur 1961 mein in kshetron par bhaarateeya ganaraajya ke kabje se pehle tak yeh purtagaali saamraajya ke adheen hi rahe. Goa aur do anya poorv purtagaali bahi:kshetron ko milaakar Goa kendra shaasit pradesh ka gathan kiya gaya. 1965 mein Goa ko ek jile ke roop mein punargathit kiya gaya. 30 May 1987, ko Goa ko raajya ka darja praapt ho gaya (jabki daman aur deev ek kendra shaasit pradesh hi bana raha) aur Goa ko do jilon uttar Goa aur dakshin Goa mein punargathit kiya gaya.

bhoogol

uttar Goa jila 15o 48' 00” N se 14o 53' 54” N akshaans aur 73o E se 75o E deshaantar ke madhya sthit hai.

prashaasan

jile ka prashaasanik mukhyaalaya panaji hai, jo ki Goa raajya ki rajdhani bhi hai. jila konkan pradesh ka ek hissa bhi hai. jile ka vibhaajan chh: taalukon kramash: paranem, baaradej (maapusa), bicholim, sataari (valapoi), tisvaadi (panaji) aur ponda mein kiya jaata hai.

bhaasha

uttar Goa ke adhikaansh logon ki maatrubhaasha konkani hai, jabki Maharashtra aur Karnataka se sate ilaakon mein kramash maraathi aur kannad bhaasha boli jaati hai. Goa raajya ki adhikaansh shikshit janta angreji bhaasha aur lagbhag samast janta hindi bhaasha ka gyaan rakhati hai. janasankhya ka ek chhota bhaag purtagaali bhaasha ka gyaan rakhata hai, par yeh sankhya nirantar kam ho rahi hai.

sandarbh

baahari kadiyaaain